[X] Close
JUST IN
  • BREAKING-NEWS மத்திய முன்னாள் நிதி அமைச்சர் அருண் ஜெட்லி உடல் நலக்குறைவால் காலமானார்
  • BREAKING-NEWS சிபிஐ விசாரணைக் காவலை ரத்துச் செய்யுமாறு உச்ச நீதிமன்றத்தில் ப.சிதம்பரம் மனு. திங்கட்கிழமை வரை சிதம்பரத்தை கைது செய்ய அமலாக்கத் துறைக்கு தடை
  • BREAKING-NEWS கோவையில் 6 பயங்கரவாதிகள் ஊடுருவியுள்ளதாக தகவல் கிடைத்திருக்கிறது என காவல் ஆணையர் பேட்டி. உஷார் நிலையில் காவல்துறை
  • BREAKING-NEWS சென்னையில் பெட்ரோல் லிட்டருக்கு ரூ. 74.70 காசுகளாகவும், டீசல் லிட்டருக்கு ரூ. 68.84 காசுகளாகவும் விலை நிர்ணயம்

44 மாதத்துக்கு பின் சொந்த மண்ணில் தொடரை வென்ற இலங்கை அணி!

avishka-fernando-angelo-mathews-star-as-sri-lanka-wrap-up-series-win

பங்களாதேஷ் அணியை வீழ்த்தி, இலங்கை கிரிக்கெட் அணி ஒரு நாள் தொடரை கைப்பற்றியது.

பங்களாதேஷ் கிரிக்கெட் அணி, இலங்கையில் சுற்றுப்பயணம செய்து கிரிக்கெட் விளையாடி வருகிறது. இரு அணிகளுக்கு இடையிலான மூன்று போட்டிகள் கொண்ட ஒரு நாள் தொடரின் முதல் போட்டியில் இலங்கை அணி வெற்றி பெற்றது. இரண்டாவது ஒரு நாள் போட்டி, கொழும்பில் நேற்று நடந்தது.

முதலில் பேட் செய்த பங்களாதேஷ் அணி, 8 விக்கெட் இழப்புக்கு 238 ரன்கள் எடுத்தது. ஒரு கட்டத்தில், 6 விக்கெட்டுக்கு 117 ரன்களுடன் திணறிக் கொண்டிருந்தது பங்களாதேஷ் அணி. விக்கெட் கீப்பர் முஷ்பிஹூர் ரஹிம் சிறப்பாக ஆடி, கவுரவமான ஸ்கோரை எட்ட உதவினார். அவர் 98 ரன்கள் எடுத்தார். ரஹிம் 8 ரன் எடுத்த போது ஒரு நாள் போட்டியில் 6 ஆயிரம் ரன்களை கடந்த 3-வது பங்களாதேஷ் வீரர் என்ற சிறப்பை பெற்றார். மெஹடி ஹாசன் 43 ரன் சேர்த்தார். இலங்கை தரப்பில் பிரதீப், உதானா, தனஞ்செயா ஆகியோர் தலா 2 விக்கெட் வீழ்த்தினர்.

அடுத்து களமிறங்கிய இலங்கை அணி 44.4 ஓவர்களில் 3 விக்கெட்டுக்கு 242 ரன்கள் சேர்த்து 7 விக்கெட் வித்தியாசத்தில் வெற்றி பெற்றது. தொடக்க ஆட்டக்காரர் அவிஷ்கா பெர்னாண்டோ 75 பந்துகளில் 82 ரன்களும், மேத்யூஸ் 52 ரன்களும் எடுத்தனர்.  இந்த வெற்றியின் மூலம் 3 போட்டிகள் கொண்ட தொடரை, இலங்கை அணி 2-0 என்ற கணக்கில் கைப்பற்றியது. 

சொந்த மண்ணில், இலங்கை அணி 44 மாதங்களுக்கு பிறகு வென்ற முதல் தொடர் இது. அவிஷ்கா பெர்ணான்டோ ஆட்ட நாயகன் விருது பெற்றார்.

Advertisement:
Advertisement:
Advertisement:
[X] Close