[X] Close
JUST IN
  • BREAKING-NEWS வளிமண்டல மேலடுக்கு சுழற்சியால் தமிழகத்தில் 3 நாட்களுக்கு மழை நீடிக்கும் - வானிலை ஆய்வு மையம்
  • BREAKING-NEWS சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6ஆம் தேதி திமுக பொதுக்குழு கூட்டம்
  • BREAKING-NEWS நீட் ஆள் மாறாட்ட புகாரில் தொடர்புடைய மாணவர் உதித் சூர்யாவை தேடி தேனியிலிருந்து தனிப்படை காவல்துறையினர் 5பேர் சென்னை வருகை
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு

மழை குறுக்கிட்டதால் இந்தியா - நியூசிலாந்து போட்டி நிறுத்தம்

india-vs-new-zealand-semi-final-world-cup-2019-rain-stops-play-with-new-zealand-211-5-in-46-1-overs

இந்தியா - நியூசிலாந்து அணிகளுக்கு இடையிலான அரையிறுதிப் போட்டி மழை குறுக்கிட்டதால் தற்காலிகமாக நிறுத்தப்பட்டுள்ளது. 

உலகக் கோப்பை போட்டியில் மான்செஸ்டரில் நடைபெற்று வரும் முதல் அரையிறுதிப் போட்டியில் இந்தியா - நியூசிலாந்து அணிகள் விளையாடி வருகின்றன. டாஸ் வென்ற நியூசிலாந்து அணி முதலில் பேட்டிங் செய்தது. அந்த அணியின் தொடக்க வீரர் குப்தில் பும்ரா பந்துவீச்சில் ஒரு ரன்னில் ஆட்டமிழந்தார். நிக்கோல்ஸ் - வில்லியம்சன் ஜோடி நிதானமாக விளையாடியது. சற்று நேரம் தாக்குப்பிடித்த நிக்கோல்ஸ் 28 (51) ரன்னில் ஜடேஜா பந்தில் கிளீன் போல்ட் ஆனார்.

        

பின்னர், வில்லியம்சனுடன், ராஸ் டெய்லர் ஜோடி சேர்ந்தார். இருவரும் விக்கெட் சரிவை தடுத்து நிதான ஆட்டத்தை வெளிப்படுத்தினர். இந்த ஜோடியை அவ்வளவு எளிதில் இந்திய வீரர்களால் பிரிக்க முடியவில்லை. கேப்டன் வில்லியம்சன் சிறப்பாக விளையாடி அரைசதம் அடித்தார். பின்னர், 67(95) ரன்கள் எடுத்த நிலையில் சாஹல் பந்துவீச்சில் கேட்ச் ஆகி ஆட்டமிழந்தார்.

       

வில்லியம்சனை அடுத்து வந்த நீஷம் 12, டி கிராண்தோம் 16 ரன்னில் அடுத்தடுத்து ஆட்டமிழந்தார். விக்கெட் ஒருபுறம் வீழ்ந்தாலும், டெய்லர் சிறப்பாக விளையாடி அரைசதம் அடித்தார். 46.1 ஓவரில் நியூசிலாந்து 5 விக்கெட் இழப்புக்கு 211 ரன்கள் எடுத்திருந்த போது ஆட்டத்தில் மழை குறுக்கிட்டது. அதனால் போட்டி தற்காலிகமாக நிறுத்தப்பட்டுள்ளது. டெய்லர் 67 ரன்களுடனும், லாதம் 3 ரன்களுடனும் களத்தில் உள்ளனர். இன்னும் 23 பந்துகளே மீதமுள்ளன.

Advertisement:
Advertisement:
Advertisement:
[X] Close