[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

“வெளியேறியது பாகிஸ்தான்.. உறுதியானது நியூசிலாந்து” - அரையிறுதியில் யார் யார் மோதல்?

world-cup-2019-semi-finalists-australia-india-england-new-zealand

உலகக் கோப்பை தொடரில் அரையிறுதிக்கான வாய்ப்பில் இருந்து பாகிஸ்தான் அணி வெளியேறியுள்ளது.

நடப்பு உலகக் கோப்பை தொடரில் நாளையுடன் லீக் சுற்றுப் போட்டிகள் நிறைவடைகின்றன. ஆஸ்திரேலியா, இந்தியா மற்றும் இங்கிலாந்து அணிகள் ஏற்கனவே அரையிறுதிக்கு முன்னேறியிருந்தன. நான்காவது இடத்தை பிடிக்கும் அணி யார் என்பது கேள்வியாக இருந்தது. 11 புள்ளிகளுடன் அதிக ரன் ரேட்டில் இருக்கும் நியூசிலாந்து அணி 99 சதவீதம் அரையிறுதிக்கு தகுதி பெற்றுவிட்டது. இருப்பினும், பங்களாதேஷ் அணிக்கு எதிரான போட்டியில் பாகிஸ்தான் அணி 313 ரன்கள் வித்தியாசத்தில் வெற்றி பெறும் பட்சத்தில் அந்த அணிக்கு ஒரு வாய்ப்பு இருக்கும் என கூறப்பட்டது. அது நடக்க ஒரு சதவீதம் கூட வாய்ப்பில்லை என்பது தெரிந்ததுதான். ஏனெனில் பங்களாதேஷ் அணியும் வலுவாகதான் இருக்கிறது.

இந்நிலையில், இன்றையப் போட்டியில் டாஸ் வென்ற பாகிஸ்தான் முதலில் பேட்டிங் செய்ய தீர்மானித்தது. அந்த அணி 50 ஓவர்கள் முடிவில் 9 விக்கெட் இழப்புக்கு 315 ரன்கள் எடுத்தது. இதனால், பங்களாதேஷ் அணியை 7 ரன்னில் ஆட்டமிழக்க செய்ய வேண்டும் என்ற கட்டாயம் பாகிஸ்தான் அணிக்கு ஏற்பட்டது. 316 ரன்கள் என்ற இலக்குடன் விளையாடி வரும் பங்களாதேஷ் அணி 26 ஓவர்கள் முடிவில் 3 விக்கெட் இழப்புக்கு 122 ரன்கள் எடுத்துள்ளது.

       

பங்களாதேஷ் அணி 8 ரன் எடுத்த போதே பாகிஸ்தானுக்கான அரையிறுதி வாய்ப்பு முடிந்துவிட்டது. இதன் மூலம் நியூசிலாந்து அணி அரையிறுதிக்குள் நுழைவது உறுதியானது. அரையிறுதியில் ஆஸ்திரேலியா, இந்தியா, இங்கிலாந்து, நியூசிலாந்து ஆகிய 4 அணிகள் மோதுகின்றன.

முதல் அரையிறுதிப் போட்டி: மான்சென்ஸ்டர் - ஜூலை 9

இரண்டாவது அரையிறுதி  : பிர்மிங்காம் - ஜூலை 11

முதல் அரையிறுதிப் போட்டியில் முதல் மற்றும் நான்காவது இடம்பிடிக்கும் அணிகள் மோதவுள்ளன. அநேகமாக ஆஸ்திரேலியா, நியூசிலாந்து அணிகள்தான் மோதும். அதேபோல், இரண்டாவது அரையிறுதியில் 2, 3 ஆவது இடங்களை பிடித்த அணிகள் மோதும். அதில், இந்தியா, இங்கிலாந்து அணிகள்தான் மோதும்.

Advertisement:
இது தொடர்பான செய்திகள் :
Advertisement:
Advertisement:
[X] Close