[X] Close
JUST IN
  • BREAKING-NEWS நாங்குநேரி, விக்கிரவாண்டி ஆகிய தொகுதிகளுக்கான இடைத்தேர்தலில் மக்கள் நீதி மய்யம் போட்டியிடாது - கமல்ஹாசன்
  • BREAKING-NEWS இந்தியா-தென் ஆப்ரிக்கா அணிகள் இடையேயான கடைசி மற்றும் மூன்றாவது டி20 போட்டி இன்று நடைபெறுகிறது
  • BREAKING-NEWS ரஷ்யாவில் நடைபெற்ற உலக குத்துச்சண்டை சாம்பியன்ஷிப் போட்டியில் இந்திய வீரர் அமித் பங்கால் வெள்ளிப் பதக்கம்
  • BREAKING-NEWS தமிழகத்தில் 14 மாவட்டங்களில் இன்று கனமழைக்கு வாய்ப்பு - வானிலை மையம்
  • BREAKING-NEWS விக்ரம் லேண்டரை தொடர்பு கொள்ள முடியவில்லை -இஸ்ரோ தலைவர் சிவன்
  • BREAKING-NEWS நாங்குநேரி, விக்கிரவாண்டி தொகுதிகளுக்கு அக்.21இல் இடைத்தேர்தல்

உலகக் கோப்பை: கலக்கலில் நியூசிலாந்து, கட்டாயத்தில் வெஸ்ட் இண்டீஸ்!

west-indies-face-rampaging-new-zealand-in-a-must-win-game

நியூசிலாந்து அணியுடன் இன்று நடக்கும் போட்டியில் வெற்றி பெற்றாக வேண்டிய கட்டாயத்தில் வெஸ்ட் இண்டீஸ் அணி இருக்கிறது.

உலக கோப்பை தொடரில் இன்று இரண்டு போட்டிகள் நடக்கின்றன. பிற்பகல் 3 மணிக்கு நடக்கும் போட்டியில், இந்தியா- ஆப்கானிஸ்தான் அணிகள் மோதுகின்றன. மாலை 6 மணிக்கு மான்செஸ்டரில் நடக்கும் போட்டியில் நியூசிலாந்து- வெஸ்ட் இண்டீஸ் அணிகள் மோதுகின்றன.

நியூசிலாந்து, இந்த உலகக் கோப்பைத் தொடரில் சிறப்பான ஆட்டத்தை வெளிப்படுத்தி வருகிறது. 5 போட்டிகளில் விளையாடியுள்ள அந்த அணி, 4 ல் வெற்றி பெற்றியுள்ளது. இந்தியாவுடனான போட்டி மழையால் ரத்து செய்யப்பட்டுவிட்டது. 9 புள்ளியுடன் உள்ள அந்த அணி, இன்றைய போட்டியிலும் சிறப்பான ஆட்டத்தை வெளிப்படுத்தும் என்று நம்பலாம். அந்த அணியில் கேப்டன் வில்லியம்சன், ராஸ் டெய்லர், குப்தில், நீஷம், கிராண்ட்ஹோம் ஆகியோர் பேட்டிங்கில் மிரட்டி வருகின்றனர். பந்துவீச்சில் போல்ட், பெர்குசன், ஹென்றி ஆகியோர் அதிரடி காட்டுகின்றனர். 

வெஸ்ட் இண்டீஸ் அணி, 5 போட்டிகளில் ஆடி ஒரு போட்டியில் மட்டுமே வெற்றி பெற்றுள்ளது. 3 போட்டிகளில் தோல்வி கண்டுள்ளது. ஒரு போட்டியில் முடிவில்லை. இன்றைய போட்டியில் அந்த அணி தோற்றால் கிட்டத்தட்ட வெளியேற வேண்டிய நிலையில் இருக்கிறது. அதனால் வெற்றி பெற்றே ஆக வேண்டிய கட்டாயம்.

அந்த அணியில், சாய் ஹோப், லெவிஸ், பூரன், ஹெட்மையர் ஆகியோர் சிறப்பாக ஆடுகின்றனர். ஆனால், நிலையான ஆட்டத்தை வெளிப்படுத்த முடியாமல் தடுமாறி வருகின்றனர். தொடக்க ஆட்டக்காரர் கிறிஸ் கெய்ல், ஆல் ரவுண்டர் ரஸல் ஆகியோர் இன்னும் அதிரடியை ஆரம்பிக்கவில்லை. அவர்கள் அதிரடி காட்டினால், இன்றைய போட்டியில் அந்த அணி எழுச்சி பெற வாய்ப்பிருக்கிறது.

Advertisement:
இது தொடர்பான செய்திகள் :
Advertisement:
Advertisement:
[X] Close