[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை

நிராகரிக்கப்பட்டதா டி வில்லியர்ஸ் ஆசை ? விளையாட விரும்பியவரை ஓரம் கட்டியதா தென் ஆப்பிரிக்கா ?

south-africa-former-skipper-ab-de-villiers-like-to-particiapate-in-world-cup

உலகக்கோப்பை போட்டிகளில் டி வில்லியர்ஸ் விளையாட விரும்பியதாகவும், கிரிக்கெட் வாரியம் அவரை நிராகரித்து விட்டதாகவும் தகவல் வெளியாகியுள்ளது. 

தென்னாப்பிரிக்க அணியின் முன்னாள் கேப்டனும், நட்சத்திர வீரருமான டி வில்லியர்ஸ் கடந்த ஆண்டு சர்வதேச விளையாட்டு போட்டிகளிலிருந்து ஓய்வு பெற்றார். இதைத்தொடர்ந்து அவர் ஐபிஎல் போட்டிகளில் விளையாடி வந்தார். இந்நிலையில் தற்போது நடைபெறும் உலகக் கோப்பை போட்டியில் அவர் விளையாட விருப்பம் தெரிவித்ததாக தகவல் வெளியாகியுள்ளது. 

உலகக்கோப்பைக்கான தென்னாப்ரிக்க அணி அறிவிக்கப்படுவதற்கு ஒரு நாள் முன்பு, டிவில்லியர்ஸ் தென்னாப்ரிக்க கிரிக்கெட் வாரியத்தை தொடர்பு கொண்டதாக தெரிகிறது. அத்துடன் அவர் உலகக்கோப்பையில் விளையாட விருப்பம் தெரிவித்ததாகவும் தகவல் வெளியாகியுள்ளது. டிவில்லியர்ஸ், கேப்டன் டூ பிளஸ்ஸி, ஓடிஸ் கிப்சன் மற்றும் தேர்வுக்குழு தலைவர் ஆகியோரிடம் இதை பற்றி அவர் தெரிவித்தாகவும் கூறப்படுகிறது. 

ஆனால் தென்னாப்ரிக்க கிரிக்கெட் வாரியம் அவரின் விருப்பத்தை நிராகரித்து விட்டதாக செய்திகள் வெளியாகி உள்ளன. இந்நிலையில், டிவில்லியர்ஸ் தனது டிவிட்டர் பக்கத்தில், இது தென்னாப்பிரிக்க அணியை உற்சாகப்படுத்த வேண்டிய காலம் என தெரிவித்துள்ளார். உலகக் கோப்பையின் முதல் மூன்று போட்டிகளில் தென்னாப்பிரிக்க அணி தொடர் தோல்வி அடைந்திருப்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close