[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

’’தல, சின்ன தல, புலவர், பராசக்தி எக்ஸ்பிரஸ்’’: சிஎஸ்கேவும், செல்லப்பெயர்களும்!

here-are-the-nicknames-of-csk-players

ஐபிஎல் தொடரில் விளையாடி வரும் சென்னை சூப்பர் கிங்ஸ் அணி வீரர்களை, ரசிகர்கள் செல்லப்பெயரிட்டு அழைத்து வருகிறார்கள்.

சென்னை வீரர் இம்ரான் தாஹிர், ரசிகர்களால் 'பராசக்தி எக்ஸ்பிரஸ்' என்று செல்லமாக அழைக்கப்படுகிறார். பராசக்தி படத்தில் இடம்பெறும் வசனம் போல "ஓடினார், ஓடினார் மெரினா பீச்சிற்கே ஓடினார்" என்று நகைச்சுவையுடன் குறிப்பிட்டு ரசிகர்கள் இட்ட பெயரே பராசக்தி எக்ஸ்பிரஸ். விக்கெட் வீழ்த்தியவுடன் மைதானத்தை கொண்டாட்டத்தால் ஓடிக் கடக்கும் தாஹிர் மீம் கிரியேட்டர்களின் ஆல் டைம் பேவரைட்.

சென்னை அணியின் ஆல்ரவுண்டர் பிராவோ 'சாம்பியன்' என்று அழைக்கப்படுகிறார். விக்கெட் விழ்த்தியவுடன் சாம்பியன் நடனம் ஆடி ரசிகர்களை உற்சாகப்படுத்துவதால் இப்பெயர் பெற்றுள்ளார். சென்னை அணி வெற்றி வாகைச் சூடிய போது பிராவோ ஆட, தாஹிர் ஓட மைதானமே சந்தோஷத்தில் திகைத்தது என்றே ரசிகர்கள் பதிவிடுவார்கள்.

இந்திய இளம் ஆல்ரவுண்டர் ஜடேஜாவை 'சர்' என்று செல்லமாக அழைக்கிறார்கள் ரசிகர்கள். வித்தியாசமான சிகை அலங்காரத்தால் தோன்றும் இவர், சென்னை ரசிகர்களுக்கு தனது திறமையால் கிரிக்கெட் விருந்து படைத்து வருகிறார்.

உலகக் கோப்பை இந்திய அணிக்கு நம்பிக்கை நட்சத்திரமாக இருப்பவர் சென்னை வீரர் கேதார் ஜாதவ். இவரை 'அதார் உதார் கேதார்' என்று ரைமிங்குடன் அழைத்து வருகிறார்கள் ரசிகர்கள். ஆரவாரமின்றி அசத்தும் கேதார் என்பதை குறிக்கவே அதார் உதார் கேதார் என்று அழைக்கிறார்கள் ரசிகர்கள்.

இங்கிலாந்து இளம் வீரர் சாம் பில்லிங்ஸ், 'தம்பி' என்று உறவுமுறையோடு அழைக்கப்படுகிறார். வயது குறைந்தவரான இவரை, தமிழக ரசிகர்கள் தங்களது தம்பியாகவே பாவித்து அழைக்கிறார்கள்.

சி.எஸ்.கே அணியின் ரசிகர்கள், தோனியின் ரசிகர்கள் என்று தனி தனியே பிரித்துபார்க்கமுடியாது. அப்படி சென்னை அணியின் அங்கமாக மாறி, அணியை அரியணையில் ஏற்றுபவர் தோனி. இவரை 'தல' என்று கெத்தாக அழைக்கிறார்கள் சென்னை ரசிகர்கள்.

அதே போல் தோனியின் வலதுகரம் போல் செயல்படும் ரெய்னாவை ''சின்ன தல'' என்று அன்பாக அழைக்கிறார்கள் சிஎஸ்கே ரசிகர்கள். வெற்றி, தோல்வி என எதுவாக இருந்தாலும் தமிழில் ட்வீட் செய்து அசத்தும் ஹர்பஜன் சிங், சென்னை ரசிகர்களிடையே 'புலவர்' என அழைக்கப்படுகிறார்.

Advertisement:
Advertisement:
Advertisement:
[X] Close