[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

சிஎஸ்கேவின் அடுத்தப் போட்டி: சேப்பாக்கத்தில் தொடங்கியது டிக்கெட் விற்பனை

heavy-rush-for-ipl-tickets-in-chennai

சென்னை சேப்பாக்கம் மைதானத்தில் நடைபெறவுள்ள இரண்டாவது போட்டிக்கான டிக்கெட் விற்பனை இன்று காலை  8.45 மணி முதல் தொடங்கியது.

12-வது ஐ.பி.எல். டி20 கிரிக்கெட் போட்டி இன்று தொடங்கி மே மாதம் வரை பல்வேறு நகரங்களில் நடைபெறுகிறது. இதில் நடப்பு சாம்பியன் சென்னை சூப்பர் கிங்ஸ் (சிஎஸ்கே), ஐதராபாத் சன் ரைசர்ஸ், கொல்கத்தா நைட் ரைடர்ஸ், மும்பை இந்தியன்ஸ், ராஜஸ்தான் ராயல்ஸ், பெங்களூரு ராயல் சேலஞ்சர்ஸ், கிங்ஸ் லெவன் பஞ்சாப், டெல்லி கேப்பிட்டல்ஸ் ஆகிய 8 அணிகள் பங்கேற்கின்றன. ஒவ்வொரு அணியும் மற்ற அணிகளுடன் உள்ளூர்-வெளியூர் அடிப்படையில் தலா 2 முறை மோத வேண்டும். லீக் சுற்று முடிவில் டாப்-4 இடங்களை பிடிக்கும் அணிகள் ‘பிளே-ஆப்’ சுற்றுக்கு முன்னேறும். அதில் வெல்லும் அணிகள் இறுதி போட்டிக்குச் செல்லும்.

சென்னை அணி தனது முதல் போட்டியை சென்னை சேப்பாக்கம் மைதானத்தில் பெங்களூர் அணிக்கு எதிராக விளையாடியது. அந்த போட்டியில் எளிதாக வெற்றி பெற்றது சென்னை. இந்நிலையில் இரண்டாவது போட்டி இன்று டெல்லியில் நடைபெறுகிறது. வரும் 31ம் தேதி சென்னை சேப்பாக்கம் மைதானத்தில் தனது அடுத்த போட்டியை சென்னை சூப்பர் கிங்ஸ் விளையாடவுள்ளது. இந்த போட்டியில் ராஜஸ்தான் ராயல்ஸ் அணிக்கு எதிராக சென்னை விளையாடவுள்ளது.

இந்நிலையில் சென்னை - ராஜஸ்தான் போட்டிக்கான டிக்கெட் விற்பனை இன்று காலை  8.45 மணி முதல் தொடங்கியது. கவுன்டர் முறை மற்றும் ஆன்லைன் முறை ஆகிய இரண்டு விற்பனையும் இன்று காலை தொடங்கியது. ரசிகர்கள் நீண்ட வரிசையில் அதிகாலை முதலே காத்திருந்து டிக்கெட்டுகளை பெற்று வருகின்றனர்.

சென்னை அணியின் விளையாட்டை பார்க்க சென்னை ரசிகர்கள் அதிகம் ஆர்வம் காட்டி வருவதால் சில மணி நேரங்களில் டிக்கெட்டுகள் விற்று தீர்ந்துவிடும் என எதிர்ப்பார்க்கப்படுகிறது. ஐபிஎல் போட்டிக்கான குறைந்தபட்ச டிக்கெட் விலை ரூ.1300ஆக நிர்ணயம் செய்யப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close