[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

“சொந்த ஊருக்காக விளையாடுவது மகிழ்ச்சி” - ஷிகார் தவான் 

it-is-like-a-second-homecoming-shikhar-dhawan-on-his-return-to-delhi-capitals-says-shikar-dhawan

ஐபிஎல் தொடரில் மீண்டும் தனது சொந்த ஊருக்காக விளையாடவுள்ளது மகிழ்ச்சியளிப்பதாக இந்திய கிரிக்கெட் அணி வீரர் ஷிகார் தவான் தெரிவித்துள்ளார்.

ஐபிஎல் கிரிக்கெட் திருவிழா வரும் 23ஆம் தேதி தொடங்கவுள்ளது. இந்தாண்டு ஐபிஎல் போட்டிகள் உலகக் கோப்பைக்கு முன்பு நடைபெறுவதால் ரசிகர்கள் இடையே அதிக எதிர்பார்ப்பை ஏற்படுத்தியுள்ளது. அத்துடன் ஐபிஎல் போட்டிக்கான தீவிர பயிற்சியில் அனைத்து அணிகளும் ஈடுபட்டுள்ளனர். இம்முறை ‘டெல்லி டேர்டேவில்ஸ்’ அணி ‘டெல்லி கேபிடல்ஸ்’ என்றப் பெயருடன் புதுப் பொளிவுடன் களமிறங்கவுள்ளது. 

             

இந்நிலையில்‘டெல்லி கேபிடல்ஸ்’ அணியில் விளையாடவுள்ள இந்திய வீரர் ஷிகார் தவான் கருத்து தெரிவித்துள்ளார். அதில் அவர், “முதலாவது ஐபிஎல் சீசனில் டெல்லி அணிகாக ஐபிஎல் போட்டியில் விளையாடினேன். அதன் பிறகுப் பல்வேறு அணியில் விளையாடி வந்தேன். எனினும் தற்போது மீண்டும் 10 ஆண்டுகளுக்குப் பிறகு என்னுடைய சொந்த ஊருக்கு திரும்பியுள்ளேன். அத்துடன் பெரோஸ் ஷா கோட்லா மைத்தானம் தான் எனக்கு சிறுவயதிலிருந்தே மிகவும் பிடித்த மைதானம். இந்த மைதானத்தின் சூழல் குறித்து எனக்கு நன்றாக தெரியும் என்பதால் நான் நன்றாக விளையாட முயற்சிப்பேன். 

              

மேலும் இந்தத் தொடரில் இளம் வீரர்களுக்கு இக்கட்டான சூழல்களை எவ்வாறு கையாளவேண்டும் என்பது குறித்து கற்றுக்கொடுப்பேன். பொதுவாக ஐபிஎல் போட்டியை வெல்லும் அணி சிறந்த வீரர்களின் கலவை அணியாக இருக்கும். அந்தவகையில் இம்முறை டெல்லி அணியும் நல்ல வீரர்களை கொண்டுள்ளது. அத்துடன் டெல்லி அணியிலுள்ள இந்திய வீரர்கள் இம்முறை நன்றாக விளையாடும் பட்சத்தில் அணி சிறப்பாக செயல்படும். இதனால் இந்த ஐபிஎல் டெல்லி அணிக்கு  நன்றாக அமையும்” எனக் கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close