[X] Close
JUST IN
  • BREAKING-NEWS கோவை மாவட்டம் சூலூர் தொகுதி அதிமுக எம்எல்ஏ கனகராஜ் மாரடைப்பால் மரணம்
  • BREAKING-NEWS மக்களவை தேர்தலில் சிதம்பரம் தொகுதியில் போட்டியிடும் விசிகவின் திருமாவளவனுக்கு பானை சின்னம் ஒதுக்கியது தேர்தல் ஆணையம்
  • BREAKING-NEWS மக்கள் கணிப்பைத்தான் பார்க்க வேண்டும்; கருத்துக்கணிப்பை முழுமையாக ஏற்க முடியாது - தம்பிதுரை
  • BREAKING-NEWS லண்டன் நீதிமன்றத்தில் வைர வியாபாரி நிரவ் மோடி தாக்கல் செய்த ஜாமீன் மனு தள்ளுபடி; இந்திய மதிப்பில் ரூ.4.50 கோடி பிணைத்தொகை செலுத்த தயாராக இருப்பதாக நிரவ் மோடி தரப்பு வாதம்
  • BREAKING-NEWS 2019 மக்களவை தேர்தலில் நான் போட்டியிடுவேனா என்பது குறித்து 24 ஆம் தேதி அறிவிக்கப்படும் - கமல்ஹாசன்
  • BREAKING-NEWS 2019 மக்களவை தேர்தலில் தான் போட்டியில்லை என மாயாவதி அறிவிப்பு
  • BREAKING-NEWS அரசியலுக்கு வாரிசுகள் வரக்கூடாது என்பது எந்த சட்டத்திலும் இல்லை- மதுரையில் ஒபிஎஸ் பேட்டி

கண்ணை மூடிக் கொண்டு தோனியை பின்பற்றுவேன் - கேதர் ஜாதவ்

india-vs-australia-i-follow-ms-dhoni-blindly-says-kedar-jadhav-on-chahal-tv

களத்தில் இருக்கும் போது கண்ணை மூடிக் கொண்டு தோனியை பின்பற்றுவேன் என்று இந்திய அணியின் ஆல் ரவுண்டர் கேதர் ஜாதவ் கூறியுள்ளார். 

ஆஸ்திரேலியாவுக்கு எதிராக ஐதராபாத்தில் நேற்று நடைபெற்ற முதலாவது ஒருநாள் போட்டியில் இந்திய அணி 6 விக்கெட் வித்தியாசத்தில் வெற்றிபெற்றது. 81 ரன்கள் அடித்து இறுதிவரை ஆட்டமிழக்காமல் இருந்த கேதர் ஜாதவ் ஆட்டநாயகனான தேர்வு செய்யப்பட்டார்.

237 ரன்கள் என்ற இலக்கை நோக்கி விளையாடிய இந்திய அணி 99 ரன்களுக்குள் 4 விக்கெட்களை இழந்து தடுமாறியது. பின்னர், தோனி - கேதர் ஜாதவ் ஜோடி நிலைத்து ஆடி விக்கெட் இழக்காமல் அணியை வெற்றி பெற வைத்தனர். தோனி 59 ரன்களுடன் ஆட்டமிழக்காமல் இருந்தார். இந்த ஜோடி 141 ரன்கள் குவித்தது. 

         

இந்நிலையில், “களத்தில் இருக்கும் போது கண்ணை மூடிக் கொண்டு தோனியை பின்பற்றுவேன். வெற்றியும் பெறுவேன்” என்று கேதர் ஜாதவ் கூறியுள்ளார். மைதானத்தில் சாஹலுக்கு அளித்த பேட்டியில், ‘நீங்கள் மறுமுனையில் இருக்கும்வரை எனக்கு எந்த பயமும் இல்லை’ அவரிடமே கூறியிருக்கிறேன். இலக்கை பற்றிய கவலையில்லை. தோனியுடன் விளையாடுவது எப்பொழுதும் சிறப்பானது.

என்னுடைய தொடக்க காலம் முதலே அவருடைய விளையாட்டினை டிவியில் பார்த்து வந்திருக்கிறேன். தற்போது அவருடன் சேர்ந்து விளையாடி போட்டியை வெற்றிப் பெற வைக்கும் வாய்ப்பு எனக்கு கிடைத்திருக்கிறது. இதனைவிட பெரிய கனவும் எதுவும் இருக்காது” என்றார் கேதர் ஜாதவ். 

         

தோனி - கேதர் ஜாதவுடன் இணைந்து 5 விக்கெட்டுக்கு 100 ரன்களுக்கு மேல் சேர்த்து இருந்தார். இதோடு சேர்த்து 28வது முறையா தோனி 5வது விக்கெட்டுக்கு 100 ரன்களுக்கு மேல் பார்ட்னர்ஷிப் மூலம் அடித்துள்ளார். தோனிக்கு அடுத்து யுவராஜ் சிங் 13 முறை இதுபோல் அடித்துள்ளார்.

முன்னதாக, நேற்றைய போட்டியில் அரைசதம் அடித்ததன் மூலம் ஆஸ்திரேலியாவுக்கு எதிராக தோனி தொடர்ச்சியாக 4 அரைசதம் அடித்துள்ளார். அதேபோல், நேற்றைய போட்டி தோனி பங்கேற்ற 597வது போட்டியாகும். இதில் பங்கேற்றதன் மூலம் சர்வதேச அளவில் அதிக போட்டிகளில் பங்கேற்ற விக்கெட் கீப்பர் என்ற மைல்கல்லை அவர் எட்டியுள்ளார். மார்க் பவுச்சர் 596 போட்டிகளில் பங்கேற்றதே இதுவரை முதலாவதாக இருந்தது.

         

அதேபோல், நேற்றைய போட்டியில் ஒரு சிக்ஸர் அடித்து, மீண்டும் இந்தியாவுக்கு அதிக சிக்ஸர்கள் அடித்தவர் என்ற இடத்தை தோனி பிடித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close