[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

“தோனியை ரொம்ப மிஸ் பண்றோம்” - ரோகித் உருக்கம் 

india-vs-west-indies-rohit-sharma-rues-ms-dhoni-absence-calls-it-big-miss

டி20 தொடரில் மகேந்திர சிங் தோனி இடம்பெறாதது மிகப்பெரிய இழப்பு என்று ரோகித் சர்மா கூறியுள்ளார்.

இந்திய கிரிக்கெட் அணியின் விக்கெட் கீப்பர் பேட்ஸ்மேன் தோனி. டெஸ்ட் போட்டிகளில் இருந்து ஓய்வு பெற்றுவிட்ட தோனி, இப்போது ஒருநாள் மற்றும் டி20 தொடர்களில் மட்டுமே கவனம் செலுத்தி வருகிறார். சமீப காலமாக அவரது ஃபார்ம் கேள்விக்குள்ளாகி இருக்கிறது. ஒரு நாள் போட்டிகளிலும் அவர் தடுமாறி வருகிறார். டி20 போட்டியிலும் ரன் குவிக்க திணறி வருகிறார். இதையடுத்து வெஸ்ட் இண்டீஸ் மற்றும் ஆஸ்திரேலியாவுக்கு எதிரான டி20 தொடர்களில் இருந்து அவர் நீக்கப்பட்டார். அவருக்குப் பதிலாக ரிஷாப் பண்ட், தினேஷ் கார்த்திக் ஆகியோர் அணியில் சேர்க்கப்பட்டனர்.

           

இதனையடுத்து, நடந்து முடிந்த வெஸ்ட் இண்டீஸ் அணிக்கு எதிரான மூன்று போட்டிகள் கொண்ட டி20 தொடரை 3-0 என்ற கணக்கில் இந்திய அணி வென்றது. விராட் கோலிக்கு ஓய்வு அளிக்கப்பட்ட நிலையில், ரோகித் சர்மா தலைமையிலான இளம் படை டி20 தொடரை வென்றது. இறுதியாக சென்னை சேப்பாக்கம் மைதானத்தில் நடந்த போட்டியில் தோனி இடம்பெறாதது அவரது ரசிகர்களுக்கு பெரும் ஏமாற்றத்தை அளித்தது.

      

இந்நிலையில், டி20 தொடரில் மகேந்திர சிங் தோனி இடம்பெறாதது மிகப்பெரிய இழப்பு என்று கேப்டன் ரோகித் சர்மா கூறியுள்ளார். இதுகுறித்து கூறுகையில், “இலங்கையில் நடைபெற்ற நிடாஹாஸ் தொடரிலும் தோனி இடம்பெறவில்லை. தோனி இல்லாதது மிகப்பெரிய இழப்பு. அவர் அணியில் இடம்பெற்றிருப்பது எனக்கு மட்டுமல்ல நிறைய வீரர்களுக்கு ஒரு ஊக்கமாக இருக்கும். குறிப்பாக இளம் வீரர்களுக்கு” என்றார் ரோகித் சர்மா. 

     

முன்னதாக, ஆஸ்திரேலியா மற்றும் வெஸ்ட் இண்டீஸ் அணிகளுக்கு இடையிலான டி20 தொடர்களில் தோனி நீக்கப்பட்டது குறித்து விமர்சனங்கள் எழுந்தது. இளம் வீரர்களுக்கு தோனியாகதான் விட்டுக் கொடுத்தார் என்று தலைமை தேர்வாளர் எம்.கே.பிரசாத் விளக்கம் அளித்தார். மேலும், பேட்ஸ்மேன் என்ற அடிப்படையிலேயே பண்ட்டை தேர்வு செய்யப்பட்டுள்ளார். தோனி தற்பொழுதும் உலகின் நெம்பர் ஒன் விக்கெட் கீப்பராக உள்ளார் என்றும் கூறினார்.

          

Advertisement:
இது தொடர்பான செய்திகள் :
Advertisement:
Advertisement:
[X] Close