[X] Close
JUST IN
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது

விராட், ரோகித் சரவெடி சதம் : கதிகலங்கியது வெஸ்ட் இண்டீஸ்

indvswi-1st-odi-virat-and-rohit-century

வெஸ்ட் இண்டீஸ் அணிக்கு எதிரான முதல் ஒருநாள் போட்டியில் கேப்டன் விராட் கோலி மற்றும் துணை கேப்டன் ரோகித் ஷர்மா இருவரும் சதம் அடித்துள்ளனர்.

இந்தியா-வெஸ்ட் இண்டீஸ் அணிக்கு இடையேயான முதல் ஒருநாள் போட்டி இன்று கவுகாத்தியில் நடைபெற்று வருகிறது. இதில் டாஸ் வென்ற இந்திய அணி முதலில் பந்துவீச தீர்மானித்தது. முதலில் பேட்டிங்கை தொடங்கிய வெஸ்ட் இண்டீஸ் அணியின் தொடக்க ஆட்டக்காரர் சந்த்ரபால் 9 (15) ரன்களில் விக்கெட்டை பறிகொடுத்தார். மற்றொரு தொடக்க ஆட்டக்காரரான கியெரன் பவெல் அரை சதம் 51 (39) அடித்து அவுட் ஆனார். 

இதையடுத்து வந்த வீரர்களில் ஷிம்ரான் நிலைத்து விளையாடி அதிரடியாக 106 (78) ரன்கள் குவித்தார். இதனால் அந்த அணியின் ஸ்கோர் சட்டென உயர்ந்தது. 50 ஓவர்கள் முடிவில் அந்த அணி 8 விக்கெட் இழப்பிற்கு 322 ரன்கள் எடுத்தது. இந்தியா தரப்பில் சஹால் 3, முகமத் ஷமி மற்றும் ஜடேஜா தலா 2 விக்கெட்டுகளை கைப்பற்றினர். இதையடுத்து 323 என்ற கடினமான இலக்கை எதிர்த்து இந்திய அணி களமிறங்கியது. தொடக்கத்திலேயே 4 (6) ரன்களில் விக்கெட்டை இழந்து தவான் அதிர்ச்சி கொடுத்தார். இதனால் இந்தியாவிற்கு இலக்கு கடினமாகும் என எதிர்ப்பார்க்கப்பட்டது.

ஆனால் இதையடுத்து கைகோர்த்த ரோகித் ஷர்மா மற்றும் விராட் கோலி ஜோடி, வெஸ்ட் இண்டீஸ் அணியின் பந்து வீச்சை சிதறடித்தது. சரவெடி ஆட்டத்தை வெளிப்படுத்திய விராட் கோலி 88 பந்துகளில் சதம் அடித்தார். ரோகித் ஷர்மா 84 பந்துகளில் சதம் அடித்தார். இந்நிலையில் விராட் கோலி 140 (107) ஆட்டமிழந்தார். இந்திய அணி தற்போது 2 விக்கெட்டுகளை இழந்து 33 ஓவர்களில் 256 ரன்கள் குவித்துள்ளது. ரோகித் ஷர்மா 107 (87) எடுத்த நிலையில் களத்தில் உள்ளார். அவருடன் அம்பத்தி ராயுடு இணைந்து விளையாடி வருகிறார்.

விராட் கோலி, ரோகித் சர்மா ஜோடி 5வது முறையாக 200 ரன்களுக்கு மேல் சேர்த்துள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close