[X] Close
JUST IN
  • BREAKING-NEWS கஜா புயல் பாதிப்புக்கு பிரதமரை சந்தித்து நிவாரண நிதி கோர டெல்லி புறப்பட்டார் முதலமைச்சர் பழனிசாமி
  • BREAKING-NEWS ஓசூர் அருகே தம்பதி ஆணவக்கொலை செய்யப்பட்ட விவகாரத்தில் சூடுகொண்டப்பள்ளியில் நந்தீஷ் பெற்றோரிடம் எஸ்.சி., எஸ்.டி ஆணைய துணைத்தலைவர் முருகன் விசாரணை
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை

தோனி செய்த உதவிகள்: அம்பத்தி ராயுடு நெகிழ்ச்சி!

dhoni-has-helped-me-a-lot-ambati-rayudu

இந்திய அணிக்கு மீண்டு வந்ததற்கு தோனி செய்த உதவிகள் அதிகம் என்று அம்பத்தி ராயுடு கூறினார்.

ஆந்திர மாநிலம் குண்டூரைச் சேர்ந்தவர் கிரிக்கெட் வீரர் அம்பத்தி ராயுடு. 32 வயதான இவர், கடந்த 15 வருடங்களாக கிரிக்கெட் விளையாடி வருகிறார். இந்திய ஒரு நாள் அணியில் கடைசியாக 2016-ம் ஆண்டு இடம்பிடித்திருந்தார். பிறகு இடம் பெறவில்லை. ஐபிஎல் தொடரில் மும்பை அணிக்காக விளையாடி வந்த ராயுடு, கடந்த தொடரில் சென்னை சூப்பர் கிங்ஸ் அணிக்காக ஒப்பந்தம் செய்யப்பட்டார்.

முதல் போட்டியில் இருந்தே அதிரடியாக விளையாடிய ராயுடு, சென்னை சூப்பர் கிங்ஸ் அணி கோப்பையை வெல்ல முக்கியமானவராக இருந்தார். அவரது அதிரடியான பேட்டிங், எல்லோரையும் திரும்பிப் பார்க்க வைத்தது. மொத்தம் 602 ரன்கள் குவித்தார். ஸ்டிரைக் ரேட் 149.75 ஆக இருந்தது.

இதையடுத்து இங்கிலாந்துக்குச் செல்லும் இந்திய கிரிக்கெட் அணியில் அவருக்கு வாய்ப்புக் கிடைக்கும் என்று எதிர்பார்க்கப்பட்டது. அதே போல ஒரு நாள் போட்டிக்கான அணியில் அவர் தேர்வு செய்யப்பட்டிருந்தார். ஆனால் உடல் தகுதித் தேர்வில் அவர் தேர்வு பெறவில்லை. ’யோ யோ’வின் குறைந்தப்பட்ச தகுதி ஸ்கோர் 16.1 ஆகும். இதில் ராயுடு தோல்வி அடைந்தார் . இரண்டு வருடங்களுக்கு பிறகு அணியில் வாய்ப்புக் கிடைத்தும் யோ யோ டெஸ்ட், அந்த வாய்ப்பை ராயுடுவிடம் இருந்து பறித்துவிட்டது.

சிறப்பான ஃபார்மில் இருந்தும் ராயுடுவுக்கு அணியில் இடம் கிடைக்காதது சர்ச்சையை ஏற்படுத்தியது. பலர் இதற்கு எதிர்ப்பு தெரிவித்தனர். இந்நிலையில் ஆசியக் கோப்பைக்கான இந்திய அணியில் ராயுடு சேர்த்துக் கொள்ளப் பட்டிருக்கிறார். இந்தப் போட்டி தொடர் ஐக்கிய அரபு அமீரகத்தில் நேற்று தொடங்கியுள்ளது. 

இந்நிலையில் செய்தியாளர்களை நேற்று சந்தித்த அம்பத்தி ராயுடு கூறும்போது, ‘அணிக்கு மீண்டு வந்திருக்கிறேன். இதற்கு தோனி செய்த உதவிகள் அதிகம். விராத் கோலி இந்தத் தொடரில் பங்கேற்கவில்லை. அவர் இல்லாதது அணிக்கு இழப்புதான். அவர் இல்லாவிட்டாலும், வெற்றி பெறும் அளவுக்கு திறமையைன அணியாக இந்திய அணி இருக்கிறது. அணியில் தோனி இருக்கிறார். அவர் இந்தியாவின் கேப்டன். அனைவருக்கும் அவரது ஆலோசனை பயன்படும். உலகக் கோப்பை நெருங்கி வரும் வேளையில் அணியின் மிடில் ஆர்டர் பிரச்னை பற்றி கேட்கிறார்கள். அது பற்றி நான் இப்போது நினைக்கவில்லை. ஆடும் லெவனில் இடம் கிடைக்க கடும் போட்டி நிலவுவதாகவும் நினைக்க வில்லை. அதை யோசித்துக் கொண்டிருந்தால் ஆட்டத்தில் கவனம் செலுத்த முடியாது. அதோடு உலகக் கோப்பைப் பற்றி யாரும் இப்போது நினைக்கவில்லை. ஆசியக் கோப்பை போட்டி பற்றிதான் யோசித்துக்கொண்டிருக்கிறோம். ஹாங்காங்குடன் விளையாடிய அடுத்த நாளே பாகிஸ்தான் அணியுடன் போட்டியில் பங்கேற்பது பற்றி கேட்கிறார்கள். இது கடினமானதுதான். இருந்தாலும் அது எங்களுக்கு பாதகமாக இருக் காது. இங்கிலாந்து தொடரில் பங்கேற்க முடியாமல் போனது வருத்தமாகத்தான் இருந்தது. இப்போது அணிக்கு மீண்டும் திரும்பி இருப்பதில் மகிழ்ச்சி. இதில் சிறப்பான ஆட்டத்தை வெளிப்படுத்துவேன்’ என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close