[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.66 காசுகளாகவும், டீசல் லிட்டருக்கு ரூ.75.63 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது
  • BREAKING-NEWS கஜா புயலால் தமிழகம் முழுவதும் உயிரிழந்தோர் எண்ணிக்கை மதியம் 2 மணி நிலவரப்படி 40ஆக அதிகரிப்பு
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது

லார்ட்ஸ் மைதானத்தில் தமிழக வீரர்கள் எப்படி?

tamil-cricketers-performances-at-lords

இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு விளையாடி வருகிறது. 5 போட்டிகள் கொண்ட டெஸ்ட் தொடரின் முதல் போட்டியில், இந்திய அணி போராடி தோல்வியடைந்தது. இந்நிலையில் 2 வது டெஸ்ட் போட்டி லார்ட்ஸ் மைதானத்தில் நடந்தது. மழை காரணமாக, டாஸ் போடப்படாமல் முதல் நாள் போட்டி ரத்து செய்யப்பட்டது. இரண்டாவது நாள் ஆட்டம் தொடங்கியது.

இந்திய அணி முதல் இன்னிங்ஸில் 107 ரன்களுக்குள் சுருண்டது. இங்கிலாந்து அணியின் ஜேம்ஸ் ஆண்டர்சன் அபாரமாக பந்துவீசி 5 விக்கெட் டுகளை சாய்த்தார். பின்னர் தனது முதல் இன்னிங்ஸை தொடங்கிய இங்கிலாந்து அணி, 7 விக்கெட்டுக்கு 396 ரன்கள் எடுத்து டிக்ளேர் செய்தது. பேர்ஸ்டோவ் (93), வோக்ஸ் (137) ஆகியோர் சிறப்பாக ஆடினார்.

(அஸ்வின்)

பின்னர் இரண்டாவது இன்னிங்ஸை தொடங்கிய இந்திய அணி, 130 ரன்களுக்குள் அனைத்து விக்கெட்டையும் இழந்து இன்னிங்ஸ் மற்றும் 159 ரன்கள் வித்தியாசத்தில் தோல்வியை தழுவியது. இதையடுத்து ஐந்து போட்டிகள் கொண்ட டெஸ்ட் தொடரில் இந்திய அணி இரண்டாவது தோல்வியை சந்தித்துள்ளது.

(முரளி விஜய்)

இந்த டெஸ்ட் போட்டியில் தமிழக வீரர்களில் அஸ்வின் மட்டுமே சிறப்பாக செயல்பட்டார். முதல் போட்டியில் முதல் இன்னிங்ஸில் 4 விக் கெட்டும் இரண்டாவது இன்னிங்ஸில் 3 விக்கெட்டும் வீழ்த்தி அசத்தினார். லார்ட்ஸ் போட்டியிலும் அவர்தான், இந்திய அணியின் மானத்தை ஓரளவு காத்தார். இரண்டு இன்னிங்சிலும் அதிகபட்ச ஸ்கோரை பதிவு செய்தவர் அவர்தான். முதல் இன்னிங்சில் 29 ரன்கள். இரண்டாவது இன்னிங்ஸில் 33 ரன்கள். 8-வது மற்றும் அதற்கு கீழ் வரிசையில் இறங்கி இரு இன்னிங்சிலும் டாப் ஸ்கோரை பெற்ற முதல் இந்தியர் அஸ்வின்தான்.

மற்றொரு தமிழக வீரர் முரளி விஜய் இரண்டு இன்னிங்சிலும் டக்-அவுட் ஆகி ஷாக் கொடுத்தார். ஒரே டெஸ்டில், இரண்டு இன்னிங்சிலும் இந்திய ஓபனிங் பேட்ஸ்மேன் ஒருவர் டக்-அவுட் ஆவது இது 6-வது முறையாம்! இவர், முதல் போட்டியில் முதல் இன்னிங்ஸில் 20 ரன்னும் இரண்டாவது இன்னிங்ஸில் 6 ரன்னும் எடுத்திருந்தார்.

(தினேஷ் கார்த்திக்)

விக்கெட் கீப்பர் பேட்ஸ்மேனான தினேஷ் கார்த்திக், இந்தப் போட்டியில் முதல் இன்னிங்ஸில் ஒரு ரன்னும் இரண்டாவது இன்னிங்ஸில் டக் அவுட் ஆகியும் பெருமை சேர்த்துள்ளார். முதல் போட்டியில், முதல் இன்னிங்ஸில் டக் அவுட். இரண்டாவது இன்னிங்ஸில் 20 ரன்கள் எடுத்தார். 
 

Advertisement:
Advertisement:
Advertisement:
[X] Close