[X] Close
JUST IN
  • BREAKING-NEWS ரயில் கொள்ளை வழக்கில் கைதான 5 கொள்ளையர்களுக்கு நவம்பர் 26ம் தேதி வரை காவல் நீட்டித்து சைதாப்பேட்டை நீதிமன்றம் உத்தரவு
  • BREAKING-NEWS தருமபுரி : பிளஸ்2 மாணவி பாலியல் வன்கொடுமைக்கு ஆளாகி இறந்த வழக்கில் சதீஷ் என்பவர் நேற்று கைதுசெய்யப்பட்ட நிலையில் 2வது நபரான ரமேஷ் சேலம் நீதிமன்றத்தில் சரணடைந்தார்
  • BREAKING-NEWS மத்திய அமைச்சர் அனந்த்குமார் (59) உடல்நலக்குறைவால் காலமானார்
  • BREAKING-NEWS சென்னையில் பெட்ரோல் லிட்டருக்கு ரூ.80.56 காசுகளாகவும், டீசல் லிட்டருக்கு ரூ.76.43 காசுகளாகவும் விலை நிர்ணயம்
  • BREAKING-NEWS 3வது மற்றும் கடைசி டி-20 போட்டியில் இந்திய அணிக்கு 182 ரன்கள் இலக்கு நிர்ணயித்தது மேற்கு இந்திய தீவுகள் அணி
  • BREAKING-NEWS அடுத்த 24 மணி நேரத்தில் ‘கஜா’ தீவிர புயலாக மாறும் - சென்னை வானிலை ஆய்வு மையம்
  • BREAKING-NEWS இலங்கை சுதந்திர கட்சியில் இருந்து விலகி இலங்கை பொதுஜன முன்னணி கட்சியில் இணைந்தார் ராஜபக்ச; அவருடன் முன்னாள் எம்.பி.க்கள் 50 பேரும் இணைந்துள்ளனர்

இந்திய ஏ அணியில் ரஹானே, முரளி விஜய்!

rahane-vijay-to-play-against-english-lions

இங்கிலாந்து லயன்ஸ் அணியுடன் இந்திய ஏ அணி பங்கேற்கும் அங்கீகாரமில்லாத டெஸ்ட் போட்டியில் ரஹானே, முரளி விஜய் ஆகியோர் பங்கேற்கின்றனர்.

இந்திய கிரிக்கெட் அணி, இங்கிலாந்தில் சுற்றுப்பயணம் செய்து விளையாடி வருகிறது. டி20 போட்டியில், தொடரை கைப்பற்றிய இந்திய அணி, இப்போது 3 போட்டிகள் கொண்ட ஒரு நாள் போட்டியில் விளையாடி வருகிறது. முதல் போட்டியில் இந்திய அணியும் இரண்டாவது போட்டியில் இங்கிலாந்து அணியும் வெற்றி பெற்று தொடரில் சமநிலை வகிக்கின்றன. தொடர் யாருக்கு என்பதைத் தீர்மானிக்கும் மூன்றாவது போட்டி நாளை நடக்கிறது.

இந்தத் தொடரை அடுத்து ஐந்து போட்டிகள் கொண்ட டெஸ்ட் தொடரில் இந்திய அணி பங்கேற்கிறது. முதல் டெஸ்ட் போட்டி ஆகஸ்ட் 1 ஆம் தேதி நடக்கிறது. ஒரு நாள் போட்டித் தொடர் முடிந்தவுடன் டெஸ்ட் தொடருக்கான இந்திய வீரர்கள் அறிவிக்கப்பட இருக்கிறார்கள். அதில் குல்தீப், சேஹல் ஆகியோருக்கு வாய்ப்பு அளிக்கப்படும் என்று தெரிகிறது. அதோடு, அஸ்வின், ஜடேஜா, முரளி விஜய், ரஹானே, புஜாரா ஆகி யோரும் அணிக்கு திரும்புகிறர்கள். 

இந்நிலையில், இந்திய ஏ கிரிக்கெட் அணி, இங்கிலாந்தில் முத்தரப்பு ஒரு நாள் போட்டித் தொடரில் பங்கேற்றது. வெஸ்ட் இண்டீஸ், இங்கி லாந்து லயன்ஸ் அணிகளுடனான தொடரை வென்று கோப்பையை கைப்பற்றிய இந்திய ஏ அணி, அங்கீகாரமில்லாத டெஸ்ட் போட்டியில் விளையாடி வருகிறது. வெஸ்ட் இண்டீஸ் அணியுடனான இரண்டு டெஸ்ட் போட்டியில் விளையாடியது. இதில் ஒரு போட்டி டிராவில் முடிந்தது. இரண்டாவது டெஸ்ட் போட்டியை வென்றுள்ள இந்திய ஏ அணி, அடுத்து இங்கிலாந்து லயன்ஸ் அணியுடன் மோத இருக்கிறது. இந்தப் போட்டி வொர்சஸ்டரில் இன்று தொடங்குகிறது.

இதில் இந்திய டெஸ்ட் அணியில் இடம்பிடிக்க இருக்கும், துணை கேப்டன் ரஹானே, தமிழக வீரர் முரளி விஜய் ஆகியோர் பங்கேற்கின்றனர். இங்கிலாந்தின் சூழ்நிலைக்கு ஏற்ப தங்களை தயார்படுத்த இந்தப் போட்டி அவர்களுக்குப் பயிற்சியாக அமையும். இதில் மேலும் சில டெஸ்ட் வீரர்களும் பங்கேற்கலாம் எனத் தெரிகிறது.

இதற்கிடையே இங்கிலாந்து லயன்ஸ் அணி வலுவாக, மாற்றியமைக்கப்பட்டுள்ளது. அதில் சர்வதேச போட்டியில் விளையாடும் அலைஸ்டர் குக், டேவிட் மலன், கிறிஸ் வோக்ஸ், டாம் பெஸ், ஜேக் லீக், சாம் குர்ரன் ஆகியோர் பங்கேற்கின்றனர்.


 

Advertisement:
Advertisement:
Advertisement:
[X] Close