[X] Close
JUST IN
  • BREAKING-NEWS சுங்கச்சாவடி தாக்குதல், என்.எல்.சி முற்றுகை போராட்ட வழக்கில் வேல்முருகனுக்கு நிபந்தனை ஜாமீன்
  • BREAKING-NEWS தமிழ் உள்ளிட்ட மொழிகளில் மத்திய ஆசிரியர் தகுதித் தேர்வு எழுத அனுமதிக்கப்படும்- மத்திய அமைச்சர் ஜவடேகர்
  • BREAKING-NEWS ஜூலை 12 இல் எஸ்.வி.சேகர் ஆஜராகவில்லை என்றால் பிடிவாரண்ட் பிறப்பிக்கப்படும்- நெல்லை நீதிமன்றம்
  • BREAKING-NEWS ஜம்மு- காஷ்மீரின் பந்திப்போரா பகுதியில் பாதுகாப்புப் படையினரால் 4 பயங்கரவாதிகள் சுட்டுக்கொலை
  • BREAKING-NEWS பி.எட் 2 ஆண்டு பட்டப்படிப்புக்கு 21 ஆம் தேதி முதல் 30 ஆம் தேதி வரை விண்ணப்ப விநியோகம்
  • BREAKING-NEWS தருமபுரி: ஒகேனக்கல்லுக்கு நீர்வரத்து 30,000 கன அடியில் இருந்து 26,000 கன அடியாக குறைந்தது
  • BREAKING-NEWS வேலூர்: ஆம்பூர் சுற்றுவட்டாரப் பகுதிகளில் வீசிய சூறைக்காற்றில் சுமார் 5,000 வாழைகள் சாய்ந்தன

தொடரும் டெத் ஓவர் ஜுரம்: பஞ்சாப்பை பந்தாடுமா சிஎஸ்கே?

csk-look-to-work-on-problem-areas

ஐபிஎல் தொடரின் கடைசி லீக் போட்டியில் இன்று மோதுகின்றன கிங்ஸ் லெவன் பஞ்சாப்பும், சென்னை சூப்பர் கிங்ஸூம்!

பிளே ஆப் சுற்றுக்கு ஏற்கனவே சென்றுவிட்டதால் சிஎஸ்கே, இன்றைய ஆட்டத்தில் அதிகம் அலட்டிக்கொள்ளாது. இருந்தாலும் டாப் 2 இடத்தை உறுதி செய்வதற்கு இந்த வெற்றி முக்கியம். 

இந்த ஐபிஎல் தொடரில் அதிக ரன்களை குவித்ததற்காக (652ரன்கள்) ஆரஞ்சுத் தொப்பியை (நேற்றைய போட்டியில் அந்த தொப்பி, கனே வில்லியம்சனுக்கு (661 ரன்கள்) சென்றது) கைப்பற்றிய கே.எல் ராகுலும் அதிக விக்கெட் (24) வீழ்த்தியதற்காக பர்பிள் தொப்பியை கைப்பற்றியிருக்கும் ஆண்ட்ரு டையும் கிங்ஸ் லெவன் பஞ்சாப் அணியில்தான் இருக்கிறார்கள். ஆனாலும் அந்த அணி, பிளே ஆப் சுற்றுக்குச் செல்ல தடுமாறிக் கொண்டிருப்பது வேடிக்கைதான்! 

இவர்களை தவிர மற்ற வீரர்கள் சொதப்பி வருவதால், புள்ளிப்பட்டியலில் மூன்றாவது இடத்தில் இருந்து ஏழாவது இடத்துக்கு தள்ளப் பட்டிருக் கிறது பஞ்சாப். கடந்த 7 போட்டிகளில் ஆறு போட்டிகளில் தோல்வியடைந்திருக்கும் அஸ்வின் தலைமையிலான பஞ்சாப் அணி, மிடில் ஆர்டரில் மிரண்டு போவது ஆச்சரியம்.

அதிரடி ஆட்டக்காரர் கிறிஸ் கெய்ல் இரண்டு போட்டிகளில் தன்னைக் காட்டினார், பந்துகளை விளாசி. பின்னர் அவர் அடங்கிவிட்டார். யுவராஜ் சிங், பந்துகளை புதிதாகப் பார்ப்பது போல வருவதும் போவதுமாக இருக்கிறார். உள்ளூர் போட்டிகளில் கலக்கிய கருண்நாயரும் மயங்க் அகர்வாலும் இந்தத் தொடரில் சரியான இன்னிங்ஸை வெளிப்படுத்தவில்லை. கடந்த இரண்டு போட்டிகளில் விளையாடாத அவர்களின் மேஜிக் ஸ்பின்னர் முஜிப் இன்று களமிறங்குவார் என்று தெரிகிறது. இன்றைய போட்டியில் பேட்ஸ்மேன்கள் அதிரடி காண்பித்தால் பஞ்சாப் வெல்ல வாய்ப்பிருக்கிறது. 

சென்னை சூப்பர் கிங்ஸ் அணி, பிளே ஆப் சுற்றுக்கு ஏற்கனவே முன்னேறிவிட்டதால் இந்தப் போட்டியில் சில சோதனை முயற்சிகளை மேற் கொள்ளலாம். ஓபனிங்கில் வாட்சனும் ராயுடுவும் சிறப்பாக ஆடி வருகின்றனர். சுரேஷ் ரெய்னா சில போட்டிகளில் அதிரடி காட்டினாலும் அடுத்தடுத்து சொல்லிக்கொள்ளும்படி ஆடவில்லை. மிடில் ஆர்டர், பயங்கர தடுமாற்றத்தில் இருக்கிறது.

சாம் பில்லிங்ஸ், ஜடேஜா, பிராவோ ஆகியோர் ஓரிரு போட்டிகளில் மட்டுமே விளாசினார்கள். தோனி, நம்பிக்கைக்குரியவராக இருக்கிறார். இதனால் இன்றைய போட்டியில் மிடில் ஆர்டரில் சில மாற்றங்கள் செய்யப்படும் எனத் தெரிகிறது. பந்துவீச்சில் தீபக் சாஹர், ஷர்துல் தாகூர், நிகிடி ஆகியோர் கடந்தப் போட்டியில் சிறப்பாக செயல்பட்டனர். சிஎஸ்கே சுழல் எடுபடவில்லை. ஹர்பஜன் சிங் பந்தில் சிக்சரும் பவுண்டரிகளும் பறக்கின்றன. கூடவே, டெத் ஓவர் ஜூரம். சிஎஸ்கேவை வாட்டி வதைக்கிறது. 

கடந்தப் போட்டியில் சிறப்பாக பந்துவீசிய நிகிடிக்கும் தீபக் சாஹருக்கும் ஒரு ஓவர் மிச்சமிருக்கும்போது, கடைசி ஓவரை பிராவோவிடம் கொடுத்தார் தோனி. அவர் அந்த ஓவரில் ரன்களை தாராளமாக கொடுத்தார். தோனியின் இந்த முடிவு விமர்சனத்துக்குள்ளானது. இதனால் இன்றைய போட்டியில் டெத் ஓவரில் மாற்றம் இருக்கும்.

போட்டி இன்று இரவு 8 மணிக்குத் தொடங்குகிறது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close