[X] Close
JUST IN
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

60 ரன்னில் சுருண்ட வெஸ்ட் இண்டீஸ்!

pakistan-thrash-west-indies-in-1st-game

வெஸ்ட் இண்டீஸ் கிரிக்கெட் அணி, பாகிஸ்தான் சென்று மூன்று டி20 போட்டிகளில் விளையாடுகிறது. பாதுகாப்புப் பிரச்னையை காரணம் காட்டி முன்னணி வீரர்கள் வெஸ்ட் அணியில் இடம்பெறவில்லை. இரண்டாம் கட்ட வீரர்கள் ஜேசன் முகமது தலைமையில் அங்கு சென்றுள்ளனர். முதல் போட்டி கராச்சியில் நேற்று நடந்தது. 

டாஸ் வென்ற வெஸ்ட் இண்டீஸ், முதலில் பீல்டிங்கை தேர்வு செய்தது. அதன்படி களமிறங்கிய பாகிஸ்தான் நிர்ணயிக்கப்பட்ட 20 ஓவர் முடிவில் 5 விக்கெட் இழப்புக்கு 203 ரன்கள் எடுத்தது. தொடக்க ஆட்டக்காரர் பஹர் ஜமான் 39, ஹூசைன் டாலர் 41, கேப்டன் சர்ஃபிராஸ் அகமது 38, சோயிப் மாலிக் 37 ரன்கள் எடுத்தனர்.

பின்னர் களமிறங்கிய வெஸ்ட் இண்டீஸ் அணி, பாகிஸ்தானின் துல்லியமான பந்துவீச்சில் விக்கெட்டுகளை மளமளவென இழந்தது. அந்த அணியின் சாமுவேல்ஸ் அதிகப்பட்சமாக 18 ரன்கள் எடுத்தார். இதையடுத்து அந்த அணி 13.4 ஓவர்களில் 60 ரன்களுக்குள் ஆல் அவுட் ஆனது. டி20 போட்டியில் வெஸ்ட் இண்டீஸின் குறைந்த பட்ச ஸ்கோர் இது. இதையடுத்து 143 ரன்கள் வித்தியாசத்தில் பாகிஸ்தான் வெற்றிபெற்றது. 

பாகிஸ்தான் தரப்பில் முமகது ஆமிர் இரண்டு ஓவர்கள் பந்துவீசி, 3 ரன்களை மட்டும் விட்டுக்கொடுத்து 2 விக்கெட்டுகளை கைப்பற்றினார். மேலும் நவாச், சோயிப் மாலிக் ஆகியோரும் தலா 2 விக்கெட்டுகளை கைப்பற்றினர்.

போட்டியின் போது வெஸ்ட் இண்டீஸ் சுழல்பந்துவீச்சாளர் வீராசாமி பெருமாள், பந்துவீசிய முதல் ஓவரிலேயே காயமடைந்து சரிந்து விழுந்தார். அவரது காலில் பலத்த காயம் ஏற்பட்டதால், எழுந்து நிற்க முடியவில்லை. இதையடுத்து ஸ்டிரெச்சரில் தூக்கிச் செல்லப்பட்ட அவருக்கு பின்னர் சிகிச்சை அளிக்கப்பட்டது. இன்று நடக்கும் இரண்டாவது போட்டியில் அவர் ஆடுவாரா என்பது தெரியவில்லை. 

Advertisement:
இது தொடர்பான செய்திகள் :
Advertisement:
Advertisement:
[X] Close