[X] Close
JUST IN
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS சென்னையில் பெட்ரோல் லிட்டருக்கு ரூ.79.46 காசுகளாகவும், டீசல் லிட்டருக்கு ரூ.75.44 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

ஸ்கூல் சிறுவர்கள் போல ரன் அவுட்: ரவி சாஸ்திரி வேதனை

ravi-shastri-exposes-why-india-failed-in-tests-vs-south-africa

தென்னாப்பிரிக்க அணியுடனான இரண்டாவது டெஸ்ட் போட்டியில் ஸ்கூல் சிறுவர்கள் போல இந்திய வீரர்கள் ரன் அவுட் ஆனதை தாங்க முடியவில்லை என்று இந்திய கிரிக்கெட் அணியின் தலைமை பயிற்சியாளர் ரவி சாஸ்திரி கூறினார்.

இந்திய கிரிக்கெட் அணி, தென்னாப்பிரிக்காவில் சுற்றுப்பயணம் செய்து 3 ஆட்டங்கள் கொண்ட டெஸ்ட் போட்டி தொடரில் விளையாடி வருகிறது. முதல் இரண்டு டெஸ்ட் போட்டிகளில் இந்திய அணி தோல்வியடைந்து தொடரை இழந்தது. இந்த இரு போட்டியிலும் இந்திய அணிக்கு வெற்றி வாய்ப்பு இருந்தும் பேட்ஸ்மேன்களின் சொதப்பலால் தோல்வியை தழுவியது. இந்நிலையில் இந்த இரு அணிகளுக்கான மூன்றாவது டெஸ்ட் போட்டி ஜோகன்னஸ்பர்க்கில் நாளை நடக்கிறது.

இந்நிலையில் இந்திய அணியின் பயிற்சியாளர் ரவி சாஸ்திரி, செய்தியாளர்களிடம் பேசும்போது, ‘வீரர்களின் சமீபத்திய ஃபார்மை வைத்துதான் ஆடும் லெவனுக்கு தேர்வு செய்கிறோம். ரஹானேவுக்கு பதில் ரோகித் சர்மாவை தேர்வு செய்தது அப்படித்தான். ரஹானேவை சேர்த்து அவர் சரியாக ஆடியிருக்கவில்லை என்றால், ரோகித்தை ஏன் சேர்க்கவில்லை என்று கேட்டிருப்பார்கள். தென்னாப்பிரிக்கச் சூழ்நிலை நமக்கு முழுமையாக தெரியாது. அதனால் போட்டிக்கு 10 நாட்களுக்கு முன்பே இங்கு வந்து பயிற்சி எடுத்திருந்தால் போட்டியின் முடிவு மாறியிருக்கலாம். 2 டெஸ்டிலும் நாம் 20 விக்கெட்டுகளையும் கைப்பற்றினோம். 2 டெஸ்டிலும் வெற்றி வாய்ப்பு இருந்தது. தொடக்க ஆட்டக்காரர்கள் சிறப்பான ஆட்டத்தை வெளிப்படுத்தினால் கடைசி டெஸ்ட்டில் வெற்றி பெறலாம். பந்து வீச்சாளர்கள் 20 விக்கெட்டுகளையும் சாய்ப்பார்கள் என்று யாரும் எதிர்பார்க்கவில்லை. அவர்கள் சிறப்பாக செயல்பட்டார்கள். இது நல்ல அறிகுறி. 2-வது டெஸ்ட் போட்டியில் நமது வீரர்கள் சிலர் ரன் அவுட் ஆன முறை பள்ளி சிறுவர்கள் செய்வது போல இருந்தது. இது வேதனை அளித்தது. இதுபோன்ற தவறு மீண்டும் நடக்காது என்று நம்புகிறேன்’ என்றார். 
 

Advertisement:
இது தொடர்பான செய்திகள் :
Advertisement:
Advertisement:
[X] Close