[X] Close
JUST IN
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு

புவி வேகத்தில் சரிந்த தென்னாப்பிரிக்கா: ஏமாற்றிய இந்திய வீரர்கள்!

sa-returns-the-compliment-with-triple-strike

இந்திய வேகப்பந்துவீச்சாளர் புவனேஷ்வர்குமார் வேகத்தில் தென்னாப்பிரிக்கா அணி 286 ரன்களுக்குள் சுருண்டது. பின்னர் ஆட்டத்தைத் தொடங்கிய இந்திய கிரிக்கெட் அணியின் தொடக்க ஆட்டக்காரர்கள் விக்கெட்டுகளை இழந்து ஏமாற்றம் அளித்தனர்.

இந்திய கிரிக்கெட் அணி, தென்னாப்பிரிக்காவுடன் 3 டெஸ்ட், 6 ஒருநாள் போட்டிகள் மற்றும் மூன்று டி20 கிரிக்கெட் போட்டிகள் கொண்ட தொடரில் விளையாடுகிறது. முதல் டெஸ்ட் போட்டி கேப் டவுனில் நேற்று தொடங்கியது. டாஸ் வென்ற தென்னாப்பிரிக்கா முதலில் பேட்டிங் செய்ய தீர்மானித்தது.

போட்டி தொடங்கிய சில நிமிடங்களிலேயே 12 ரன்கள் எடுப்பதற்குள் தென்னாப்பிரிக்கா அடுத்தடுத்து மூன்று விக்கெட்டுகளை பறிகொடுத்தது. 3 விக்கெட்டுகளையும் புவனேஷ்வர்குமார் சாய்த்தார். எல்கர்(0), மர்க்ரம்(5), ஹசிம் அம்லா(3) ஆகியோரை அடுத்தடுத்து ஆட்டமிழக்க செய்தார். பின்னர் டிவில்லியர்ஸ் மற்றும் கேப்டன் டூபிளிசிஸ் இருவரும் ஜோடி சேர்ந்து அணியை சரிவில் இருந்து மீட்டனர். டிவில்லியர்ஸ் 65 ரன்களில் பும்ராவின் பந்து வீச்சில் போல்டானார். இது பும்ராவில் முதல் டெஸ்ட் விக்கெட் ஆகும்.

சிறிது நேரத்தில் டூபிளிசிஸ் 62 ரன்னின் ஆட்டமிழந்தார். அதற்கு பின் வந்த வீரர்களின் பொறுப்பான ஆட்டத்தால் அந்த அணி  286 ரன்கள் எடுத்தது. விக்கெட் கீப்பர் குயின்டான் டி காக் 43, பிலண்டர் 23, மகராஜ் 35, ரபடா 26, ஸ்டெயின் 16, மோர்கல் 2 ரன்கள் எடுத்தனர். இந்திய தரப்பில் புவனேஸ்வர் குமார் நான்கு விக்கெட்டுகளையும், அஸ்வின் இரண்டு விக்கெட்டுகளையும் வீழ்த்தினர்.

பின்னர் முதல் இன்னிங்ஸிசை தொடங்கிய இந்திய அணி, 28 ரன்களைச் சேர்ப்பதற்குள் 3 விக்கெட்டுகளை இழந்தது. முரளி விஜய், ஷிகர் தவான், கேப்டன் விராத் கோலி ஆகியோர் ஆட்டமிழந்தனர். இன்று இரண்டாவது நாள் ஆட்டம் தொடர்கிறது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close