[X] Close
JUST IN
  • BREAKING-NEWS கபினி அணையில் இருந்து நீர் திறப்பு 15,000 கன அடியில் இருந்து 5,000 கன அடியாக குறைப்பு
  • BREAKING-NEWS குடியரசுத் தலைவர் மாளிகையில் பிரதமர் மோடி தலைமையில் நிதி ஆயோக் மாநாடு தொடங்கியது
  • BREAKING-NEWS பெட்ரோல் விலை லிட்டருக்கு ரூ.79. 24 ஆகவும், டீசல் விலை லிட்டருக்கு ரூ.71.54-ஆகவும் விற்பனை
  • BREAKING-NEWS ருமபுரி மாவட்டம் ஒகேனக்கல் அருவியில் சுற்றுலா பயணிகள் குளிக்க தடை
  • BREAKING-NEWS சேலம் 8 வழி சாலைத்திட்டம் குறித்து சர்ச்சைக்குரிய வகையில் பேசியதாக நடிகர் மன்சூர் அலிகான் கைது
  • BREAKING-NEWS வேலூர்: வாணியம்பாடி அருகே தமிழக ஆந்திர எல்லையில் மலையில் மினிலாரி கவிழ்ந்த விபத்தில் பலி 9 ஆனது
  • BREAKING-NEWS பாதுகாப்பு வழங்கக்கோரி சென்னை ஸ்டான்லி மருத்துவமனையில் 50 க்கும் மேற்பட்ட பயிற்சி மருத்துவர்கள் போராட்டம்

“சாதனைகளைக் குவித்த டி20”: தோனியின் மனதை படித்த பிராவோ

27th-august-2017-when-dwayne-bravo-got-the-better-of-ms-dhoni

ஐபிஎல் தொடரில் தோனியும், பிராவோவும் பல போட்டிகளில் ஒன்றாக விளையாடி உள்ளனர். ஐபிஎல் போட்டிகளின்போது இருவரும் நல்ல நண்பர்களாகி, பல விஷயங்களை பகிர்ந்து கொண்டனர். நண்பர்களான பிறகு, ஒருவர் மனதில் நினைப்பதை அவரது நண்பர் புரிந்துகொள்வது என்பது நெருங்கிய நண்பர்களால் மட்டுமே முடியும். அதுபோல சம்பவம் ஒன்று தோனிக்கும், பிராவோவுக்கும் நடந்திருக்கிறது.

கடந்த ஆண்டு இதே நாளில், அதாவது 27 ஆகஸ்ட் 2016 அன்று, அமெரிக்காவின் ஃபுளோரிடா மாகாணத்தில், இந்தியாவும், வெஸ்ட் இண்டீஸ் அணியும் ஒரு டி20 போட்டியில் விளையாடின. அந்தப் போட்டியில் இரு அணிகளும் பல்வேறு புதிய சாதனைக்களைப் படைத்தன. டி20 போட்டியில் இரு அணிகளின் மொத்த ரன்கள் 489. இந்த உலக சாதனையை இதுவரை எந்த டி20 போட்டியிலும், எந்த அணிகளும் எட்டியதில்லை. இரு அணி வீரர்களும் சேர்ந்து மொத்தம் 36 சிக்சர்களை விளாசினர். இதுவும் புதிய சாதனையே.

இந்திய அணி அமெரிக்க மண்ணில் விளையாடிய முதல் போட்டியும் இதுதான். இப்போட்டியில் முதலில் பேட்டிங் செய்த வெஸ்ட் இண்டீஸ் 245 எடுத்தது. பிறகு பேட்டிங் செய்த இந்தியா வெற்றி இலக்கை நெருங்கிக் கொண்டிருந்தது. 244 ரன்கள் எடுத்திருந்த நிலையில், மீதம் ஒரே ஒரு பந்துதான் இருந்தது. இந்தியா வெற்றிபெற 2 ரன்கள் எடுக்க வேண்டும். அப்போது தோனி கடைசி பந்தை எதிர்கொண்டார். பந்து வீசியவர் தோனியின் நண்பரான பிராவோ. பந்து வீசுவதற்கு முன்பாக அவர் தோனி என்ன செய்ய உள்ளார் என்பதை கணித்தார். நான்கு ரன்களோ அல்லது சிக்ஸரோ அடிக்காமல், 2 ரன்கள் எடுக்க தோனி முடிவு செய்திருப்பதை மிகச்சரியாக கணித்தார் பிராவோ. அதை முறியடிக்கும் விதமாக வேகம் குறைந்த பந்து வீசி அவரது எண்ணத்தை முறியடித்தார் பிராவோ.

கடைசி பந்தை எதிர்கொண்ட தோனி, 2 ரன்கள் எடுத்து வெற்றி அல்லது ஒரு ரன் எடுத்து சமன் செய்யலாம் என்று எண்ணியிருந்தார். கடைசியில் பிராவோவின் கணிப்பே நடந்தது. கடைசி பந்தில் ஒரு ரன் கூட எடுக்காமல் இந்தியா ஒரு ரன் வித்தியாசத்தில் தோல்வியடைந்தது. வெட்ஸ் இண்டீஸ் அணியின் வெற்றிக்கு பிராவோ தோனியின் எண்ணத்தை கணித்ததே காரணம் என்பது பிறகு தெரியவந்தது.

Advertisement:
இது தொடர்பான செய்திகள் :
Advertisement:
Advertisement:
[X] Close