[X] Close
JUST IN
  • BREAKING-NEWS திருச்செந்தூர் முருகன் கோயிலில் வள்ளி குகை அருகே பிரகார மண்டபம் இடிந்ததில் பெண் ஒருவர் பலி
  • BREAKING-NEWS ஜிஷா கொலை வழக்கில் குற்றவாளி அமிருல் இஸ்லாமிற்கு தூக்கு தண்டனை- எர்ணாகுளம் நீதிமன்றம்
  • BREAKING-NEWS ஜெ. மரணம் குறித்து விசாரிக்கும் ஆறுமுகசாமி விசாரணை ஆணையத்தில் தீபக் ஆஜர்
  • BREAKING-NEWS விஏஓ தேர்விற்கு கன்னியாகுமரி மக்கள் விண்ணப்பிக்க காலநீட்டிப்பு செய்வது பற்றி பரிசீலிக்கப்படும் - அமைச்சர் ஜெயக்குமார்
  • BREAKING-NEWS ‘ஐஎன்எஸ் கல்வாரி’ என்ற நீர்மூழ்கிக் கப்பல் நாட்டுக்கு அர்ப்பணிப்பு
  • BREAKING-NEWS பெரியகுளம் அருகே கும்பக்கரை அருவியில் குளிக்க 14 வது நாளாக தடை விதிப்பு
  • BREAKING-NEWS குஜராத் மாநிலத்தில் 2 வது மற்றும் இறுதிக்கட்ட வாக்குப்பதிவு தொடங்கியது
  • BREAKING-NEWS வங்கிக் கணக்குடன் ஆதார் எண்ணை இணைக்க 2018 மார்ச் 31ஆம் தேதி வரை அவகாசம் நீட்டிப்பு
  • BREAKING-NEWS காவல் ஆய்வாளர் பெரியபாண்டி கொள்ளையர்களால் சுட்டுக் கொல்லப்பட்டது அதிர்ச்சி அளிக்கிறது - வைகோ
  • BREAKING-NEWS இலங்கை அணிக்கு எதிரான 2ஆவது ஒரு நாள் கிரிக்கெட் போட்டியில் இந்திய அணி 50 ஓவர் முடிவில் 392/4
  • BREAKING-NEWS இலங்கை அணிக்கு எதிரான 2ஆவது ஒரு நாள் கிரிக்கெட் போட்டியில் இந்திய அணி வீரர் ரோஹித் சர்மா இரட்டை சதம் அடித்தார்
  • BREAKING-NEWS 2017 அக்டோபர் வரை 16,301 பேர் டெங்குவால் பாதிக்கப்பட்டு 52 பேர் உயிரிழந்தனர்- தமிழக அரசு
  • BREAKING-NEWS தாயார் கொலைக்கும், எனக்கும் தொடர்பு இல்லை- தஷ்வந்த்
  • BREAKING-NEWS சுட்டுக்கொல்லப்பட்ட ஆய்வாளர் பெரியபாண்டி குடும்பத்துக்கு விரைவில் நிதி- முதலமைச்சர்
மற்றவை / மேலும் 13 Aug, 2017 01:02 PM

நன்னீர் கடல் பைக்கால்

fresh-water-sea-lake-baikal-tourism-story

பரந்த இப்பூமிப்பந்தின் எண்ணற்ற அதிசயங்களில் ஒன்று, பைக்கால் ஏரி. உலகின் மிகப்பெரிய நாடான ரஷ்யாவின் தென்கிழக்கு சைபீரியா பகுதியில் உள்ள பைக்கால் ஏரி, உலகின் மிகப் பழமையான மற்றும் ஆழமான நன்னீர் ஏரி.

வட அமெரிக்கா, ஆப்பிரிக்கா, ஐரோப்பா ஆகிய கண்டங்களில் இருந்த பல்வேறு ஏரிகள் பல்லாயிரம் ஆண்டுகளுக்கு முன்பு புவிமடிப்புக் கொள்கையின்படி கடலோடு இணைந்தன. அதுபோல, பைக்கால் ஏரியை எதிர்கால கடல் என்றே பூமியியல் வல்லுனர்கள் தெரிவிக்கின்றனர். இந்த ஏரி 25 மில்லியன் ஆண்டுகளுக்கு முன்பு உருவான சுமார் 5000 அடி ஆழம் கொண்டது. உலகின் ஐந்தில் ஒரு பங்கு நன்னீர் பைக்காலில் இருக்கிறது என்பது குறிப்பிடத்தக்கது.

பைக்கால் காலநிலை

மிகப்பெரிய நீர்நிலை என்பதால் சைபீரியாவின் மற்ற பகுதிகளோடு ஒப்பிடும்போது, பைக்கால் பகுதியில் குளிர் சற்று குறைவாகவே உள்ளது. உச்சபட்ச குளிர்காலத்தில் இங்கு -21° செல்சியஸ் வெப்பநிலையும், ஆகஸ்ட் மாதத்தில் 11° செல்சியஸ் வெப்பநிலையும் காணப்படுகிறது. ஜனவரி முதல் மே மாதம் வரை இந்த ஏரி முழுவதும் உறைந்து, கண்ணாடி தரையைப் போன்று காட்சியளிக்கிறது. இந்த ஏரி அதன் கரைகளில் ஒரு அற்புதமான மைக்ரோ காலநிலையை உருவாக்குகிறது. அதை அனுபவிக்கவே சுற்றுலா பயணிகள் அங்கே குவிகின்றனர்.

பைக்காலின் ஆறுகளும் தீவுகளும்

பைக்கால் ஏரியில் விழும் நீர், பெரும்பாலும் செலங்கா ஆற்றில் இருந்து வருகின்றது. மேலும், சுற்றியுள்ள மலைகளில் இருந்து 330 நதிகளும், ஓடைகளும் இந்த ஏரியில் நீரைக் கொட்டுகின்றன. பைக்கால் ஏரியில் இருந்து அங்காரா நதி மூலம் நீர் வெளியேறுகிறது. அங்காராவை தவிர்த்து வேறு எங்கும் ஏரியில் இருந்து நீர் வெளியேறுவதில்லை என்பது குறிப்பிடத்தக்கது. இந்த ஏரியில் 45 தீவுகள் உள்ளன. இதில் ஒல்ஹோன் தீவு மிகப்பெரியது மற்றும் சுற்றுலா முக்கியத்துவம் வாய்ந்தது. ஒல்ஹோன் தீவில் இயற்கை எழில் கொஞ்சும் காடுகளும், புல்வெளிகளும் உள்ளன. அங்குள்ள மான்கள், பிரவுன் கரடிகள், பல்வேறு வகையான பறவைகள் பார்க்க வேண்டியவை. 45 தீவுகளில் 27-இல் ஆள்நடமாட்டமே இல்லை என்பது குறிப்பிடத்தக்கது.

பைக்காலின் அதிசயங்கள்

பைக்கால் ஏரியின் நீளம் 640 கிமீ. அதாவது சென்னையில் இருந்து திருநெல்வேலி செல்கின்ற தூரம். இதன் அகலம் 72 கிமீ; அதிகபட்ச ஆழம் 1,632 மீட்டர். நன்னீரில் வாழக்கூடிய தனித்துவமான 600 வகை தாவரங்களும், 1200 வகை விலங்குகளும் இந்த ஏரியில் உள்ளன. இதில் பாதிக்கும் மேல் பைக்காலில் மட்டுமே வாழும் புளோரா & ஃபானா ஆகும். மிகவும் தூய்மையான, தெளிவான நீர் என்பதால் 40 மீட்டர் ஆழத்தில் உள்ள தரையைக்கூட பார்க்க முடியும்.

பைக்கால் பயணம்

சைபீரியாவில் தொலைதூரத்தில் உள்ள பைக்கால் ஏரி, அடிக்கடி சுற்றுலா செல்லும் இடம் இல்லை. ஆனால் வாழ்வில் ஒருமுறையேனும் பார்த்துவிட வேண்டிய அதிசயம். கடல் எப்போதும் பிரம்மாண்டம்தான். ஆனால் கடலில் சிறிது நேரத்திற்கு மேல் நீருக்குள் இருக்க முடியாது. அதன் உப்பு நீர் ஒரு ஒவ்வாமையை ஏற்படுத்தும். பைக்கால், பெருங்கடலின் பிரம்மாண்டத்தைக் கொண்ட சுத்தமான நீரைக் கொண்டது. ஏரியைச் சுற்றி பல்வேறு தங்கும் விடுதிகள் இருந்தாலும், லிஸ்த்யங்கா கிராமம் சுற்றுலா பயணிகள் அதிகமாக தங்கும் இடமாக இருக்கிறது. இந்த இடத்துக்கு சர்வதேச விமானங்கள் தரையிரங்கும் இர்குட்ஸ்க் நகரத்தில் இருந்து 2 மணி நேர பயணத்தில் சென்றடைய முடியும். அதேபோல் வடக்கு கரையோரம் உள்ள சேவ்ரோபேகல்ஸ்க் நகரம் சுற்றுலா பயணிகள் அதிகமாக செல்லும் இடம். இதன் அருகே அழகான சிறு சிறு தீவுகள் உள்ளன. அதேபோல் பைக்கால் ஏரியின் மிகப்பெரிய தீவு ஒல்ஹோன் சுற்றுலாப்பயணிகளை அதிகம் ஈர்க்கிறது. இந்தத் தீவுக்குள் பல அழகிய கிராமங்கள் உள்ளன. தங்குவதற்கு இந்திய ரூபாயின் மதிப்பில் 3000 ரூபாய் முதல் அறைகள் உள்ளன. உணவுக்கும் பெரிய செலவு ஆகாது. வயதான பாட்டிகள் சமைத்துக் கொடுக்கும் ஸ்மோக்டு பிஷ் தவறவிடக்கூடாத சுவை மிகுந்த உணவு. இந்தியாவிலிருந்து இர்குட்ஸ்க் நகரத்துக்கு, மூன்று மாதங்களுக்கு முன் டிக்கெட் புக் செய்தால் ரூ.75,000 செலவாகும். இர்குட்ஸ்க் நகரத்திலிருந்து 2 மணி நேரத்தில் பைக்கால் ஏரியை அடையலாம்.

Advertisement:
இது தொடர்பான செய்திகள் :
Advertisement:
Advertisement:
[X] Close