[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது

திடீரென வெடிக்கும் ஸ்மார்ட்போன்கள்... தவிர்ப்பது எப்படி..?

how-to-control-smartphone-broken

அனைவரின் கையிலும் அத்தியாவசிய பொருளாக மாறிவிட்ட செல்போன்கள் அடிக்கடி வெடிக்கும் சம்பவங்களும் ஆங்காங்கே நடைபெறுகின்றன. எனவே செல்போன் வெடிப்பதை தடுப்பது எப்படி என்பதை இங்கே தெரிந்து கொள்வோம்.

ஒரு காலத்தில் ஆடம்பர பொருளாக இருந்த மொபைல் போன்கள் இன்று மனிதனின் அத்தியாவசியமாக மாறிவிட்டது. இதனிடையே கையில் வைத்திருந்த ஸ்மார்ட்போன்கள் வெடித்துச் சிதறியதாக வரும் செய்திகளை பார்க்கும்போது, மனதில் பயம் தொற்றிக் கொள்வதை தவிர்க்க முடிவதில்லை. குறைந்த விலையில் கிடைப்பதால் பெரும்பாலான மக்கள் பயன்படுத்தும் தரமற்ற சீன வகை செல்ஃபோன்கள் வெடிக்கும் அபாயம் இருப்பதாக கூறுகின்றனர்‌ வியாபாரிகள். இதனால் சீன வகை தயாரிப்புகளை விற்பனை செய்வதை நிறுத்திவிட்டத‌கவும் அவர்கள் தெரிவிக்கின்றனர்.

தரமற்ற தயாரிப்புகளால் ஏற்படும் பாதிப்பு ஒருபு‌றமிருக்க, முறையாக பயன்படுத்தப்படாவிடில் உயர்தர செல்போன்க‌ளும் வெடித்துச் சிதற வாய்ப்பிருப்பதாக கூறு‌கின்றனர் நிபுணர்கள். செல்போனின் பேட்டரிகளை பராமரித்து, சார்ஜ் செய்வதற்கு குறிப்பிட்ட நேரத்தை கடைபிடிப்பதன் மூலம் இதுபோன்ற பாதிப்புகளில் இருந்து தற்காத்துக் கொள்ளலாம் எனவும் அவர்கள் கூறுகின்றனர்.

* பேட்டரிகள் வெப்பமடைவதே செல்போன் வெடிப்பதற்கு முதன்மையான காரணமாக சொல்லப்படுகிறது.

* உயர் அல்லது குறைந்த மின்சாரத்தில் செல்போன்களை சார்ஜ் செய்யக்கூடாது.

* அதிக அப்ளிகேஷன்களை பயன்படுத்தினால் பேட்டரி வெப்பம் அடைய வாய்ப்பு உண்டு. இதனால் கூட செல்போன்கள் வெடிக்கும் அபாயம் ஏற்படும்.

* தொடர்ந்து இன்டர்நெட் பயன்படுத்தினால் பேட்டரி‌யில் பாதிப்பு ஏற்படும்.

* சீன வகை ஸ்மார்ட்போன்‌களில் உள்ள தரமற்ற பேட்டரிகள் வெடித்துச் சிதற வாய்ப்பு உள்ளதால், முன்ன‌ணி நிறுவனங்களின் தரமான பொருட்களை பயன்படுத்த வேண்டும்.

தொழ்நுட்ப வளர்ச்சி தந்த செல்போன்களால் நன்மைகள் இருந்தாலும், அதே அளவில் தீமைகளும், பாதிப்புகளும் இருக்கிறது என்பதே நிதர்சனம். நாம் பயன்படுத்தும் சாதனங்களின் தன்மையை அறிந்து‌, அதனை முறையாக பராமரிப்பதன் மூலம் பாதிப்புகள் ஏற்படுவதை தவிர்க்கலாம் என்பதே நிபுணர்களின் கருத்தாக உள்ளது.

Advertisement:
Advertisement:
Advertisement:
[X] Close