[X] Close
JUST IN
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது

இந்தியாவின் முதல் பெண் புகைப்பட பத்திரிகையாளரை கவுரவித்த கூகுள் டூடுல்

google-doodle-honors-homai-vyarawalla

இந்தியாவின் முதல் பெண் புகைப்பட பத்திரிகையாளரான ஹோமை வியாரவல்லா பிறந்த தினம் இன்று. இதனையடுத்து கூகுள், டூடுல் மூலம் அவருக்கு மரியாதை செலுத்தியுள்ளது.

இந்தியாவின் முதல் பெண் புகைப்பட பத்திரிகையாளர் ஹோமை வியாரவல்லா. குஜராத்தில் சூரத் அருகே நவ்சாரி பகுதியில் ஒரு பார்சி குடும்பத்திற்கு 1913 டிசம்பர் 9 அன்று பிறந்தார். இவர் 1930களில் தனது புகைப்பட வாழ்க்கையைத் தொடங்கினார். ஆரம்பத்தில், அவரது படங்கள் அவர் கணவரின் பெயரில் வெளியிடப்பட்டன. 

1942ம் வருடம் டெல்லிக்கு குடி பெயர்ந்த இவர் பிரிட்டிஷ் இன்ஃபர்மேஷன் சர்வீசஸில் பணிபுரிந்தார். அந்த நேரத்தில் இந்திய சுதந்திரத்தின் முக்கிய நிகழ்வுகளை ஹோமை படம் பிடித்துள்ளார். காந்தி மற்றும் ஜவஹர்லால் நேரு உள்ளிட்ட பல இந்தியத் தலைவர்களின் புகைப்படங்களை எடுத்தபின்னர் தான் அவரது பணி அங்கீகரிக்கப்பட்டது. 

அவரது புகைப்படங்கள் பெரும்பாலானவை "தல்டா 13" என்ற புனைப்பெயரின் கீழ் வெளியிடப்பட்டன. இந்த பெயரைத் தேர்ந்தெடுத்த காரணம், அவர் 1913 ஆம் ஆண்டு பிறந்தார், 13 வயதில் தன் கணவனை சந்தித்தார். மேலும் அவரது முதல் காரின் எண்  "DLD 13 " . இந்திய அரசு 2011ம் ஆண்டு அவருக்கு பத்ம விபூஷன் விருது அளித்து சிறப்பித்தது. அவரது 104 வது பிறந்த நாளின், கூகுள்  நிறுவனம் டூடுல் மூலம் அவருக்கு மரியாதை செலுத்தியது.

Advertisement:
Advertisement:
Advertisement:
[X] Close