[X] Close
JUST IN
  • BREAKING-NEWS இந்தியா மற்றும் மேற்கிந்திய தீவுகள் அணிகள் இடையிலான முதல் டெஸ்ட் கிரிக்கெட் போட்டி இன்று தொடங்குகிறது
  • BREAKING-NEWS டெல்லி சிறப்பு நீதிமன்றத்தில் இன்று ஆஜர்படுத்தப்படுகிறார் ப.சிதம்பரம். காவலில் எடுத்து விசாரிக்க சிபிஐ அதிகாரிகள் நடவடிக்கை
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி

‘சாதிக்கு ரத்த வெறி இருக்கு; ரத்தத்திற்கு சாதி வெறி இல்லை’ - சீமான் பேச்சு

seeman-speech-at-munthiri-kaadu-movie-audio-release

சாதிக்கு ரத்த வெறி இருக்கு, ரத்தத்திற்கு சாதி வெறி இல்லை என்று நாம் தமிழர் கட்சியின் தலைமை ஒருங்கிணைப்பாளர் சீமான் கூறியுள்ளார்.

முந்திரிக்காடு படத்தின் இசை வெளியீட்டு விழாவில் பேசிய சீமான், “நான் கோபமாக பேசவேண்டும் என்று பேசவில்லை. நான் ஒரு அப்பாவி; பல ஆண்டுகள் இருந்த வலி அது ஆவேசமாக மொழியாக வருகிறது.

நல்ல விஷயம் நடக்கும்போது திராவிடன், பெரியாரியன் என்று பேசுவது. ஆனால், தலைகுனியும் பிரச்னை வரும்போது மட்டும் தமிழன் தலை குனிய வேண்டும் என்று சொல்லுவது... நாக்கை திருத்த முடியாத தமிழன் நாட்டை எப்படி திருத்துவான். இழிவு என்று எது சொல்லப்படுகிறதோ அதை எழுச்சியாக மாற்ற வேண்டும். உலகத்தில் இருப்பவன் தாய் மொழியில் பெயர் வைத்தான். ஆனால் தமிழன் தாய்மொழியையே பெயராக வைத்தான்.

முன்னேறிய வகுப்பிற்கு எதற்கு இடஒதுக்கீடு..? அதுதான் முன்னேறிவிட்டாரே எதற்கு இடஒதுக்கீடு என்று கேட்டால் பதில் இல்லை. சாதிக்கு ஏது முன்னேற்றம். சாதிக்கு ரத்த வெறி இருக்கு, ரத்ததிற்கு சாதி வெறி இல்லை.

            

கி.மு.300 ஆண்டு தான் தமிழ் தொன்மையானது என்று பாட புத்தகத்தில் உள்ளது. கீழடியை தோண்டுங்கள் தெரியும். எதையெல்லாம் தோண்ட சொல்கிறோமோ அதையெல்லாம் தோண்டமாட்டார்கள். எதையெல்லாம் மூட சொல்கிறோமோ ஹைட்ராகார்பன், மீத்தேன் அதை எல்லாம் தோண்டுவார்கள்.

ஒரே நாளில் பணம் செல்லாது என்று சொன்னதுபோல் ஒரே நாளில் சாதிகள் அற்ற குடிகள் என்று அறிவிக்கவேண்டும். சாதி பெருமை இருப்பதனால் தான் தமிழன் பிரிந்து இருக்கிறான். ஒரு தேசத்தின் அரசு சொல்கிறது இவன் உயர் சாதி தாழ்ந்த சாதி என்று... இது எவ்வளவு பெரிய கொடுமை. எல்லாத்தையும் இழந்து நிற்கிறோம். சிலர் சாமியை காப்பாற்ற போராடுகிறார்கள்... நாங்கள் பூமியை காப்பாற்ற போராடுகிறோம்” என்று கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close