[X] Close
JUST IN
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை
  • BREAKING-NEWS தமிழகத்திற்கு தரவேண்டிய நிலுவைத்தொகை ரூ.13,000 கோடியை மத்திய அரசு வழங்க வேண்டும்- மாநிலங்களவையில் அதிமுகவின் மைத்ரேயன் பேச்சு

“காங்கிரசுக்காக காத்திருந்தே கெஜ்ரிவால் சோர்ந்துபோனார்” - அகிலேஷ் விமர்சனம் 

congress-makes-people-wait-so-long-they-get-tired-akhilesh-yadav-on-aap-alliance

காங்கிரஸ் கட்சி நீண்ட நாட்கள் காத்திருக்க வைத்ததால், ஆம் ஆத்மி கட்சியினர் சோர்வடைந்துவிட்டார்கள் என்று அகிலேஷ் யாதவ் விமர்சித்துள்ளார்.

நாடாளுமன்றத் தேர்தல் விறுவிறுப்பாக நடைபெற்று வருகிறது. இதுவரை 5 கட்ட வாக்குப் பதிவு நிறைவடைந்துள்ள நிலையில், வருகின்ற மே 12ம் தேதி 6ம் கட்ட தேர்தல் நடைபெறவுள்ளது. இதில், டெல்லி மாநிலத்தில் உள்ள 7 நாடாளுமன்றத் தொகுதிகளுக்கும் வாக்குப் பதிவு நடைபெறுகிறது. டெல்லியில், காங்கிரஸ், ஆம் ஆத்மி, பாஜக இடையே மும்முனை போட்டி நிலவுகிறது. ஆம் ஆத்மி - காங்கிரஸ் இடையே கூட்டணி அமைக்கப்படும் என எதிர்பார்க்கப்பட்டது. ஆனால், ஆம் ஆத்மி வெளிப்படையாக விருப்பம் தெரிவித்தும் அதனை காங்கிரஸ் நிராகரித்து விட்டது. 

                 

இந்நிலையில், காங்கிரஸ் - ஆம் ஆத்மி இடையே கூட்டணி அமையாமல் போனது குறித்து சமாஜ்வாதி தலைவர் அகிலேஷ் யாதவ் கருத்து தெரிவித்துள்ளார். இதுகுறித்து அவர் பேசுகையில், “ஆம் ஆத்மி கட்சியும், அரவிந்த் கெஜ்ரிவாலும் காங்கிரஸ் கட்சியுடன் கூட்டணி வைக்க விரும்பினர். காங்கிரஸ் உடன் இணைந்து பணியாற்ற கெஜ்ரிவால் விரும்பினார். ஆனால், காங்கிரஸ் கட்சி அவருடன் இணைந்து செல்ல விரும்பவில்லை. இருப்பினும், அரவிந்த் கெஜ்ரிவால் அதிகப்படியான இடங்களில் வெற்றி பெறுவார் என்ற நம்பிக்கை இன்னும் எனக்கு உள்ளது. இந்தக் கூட்டணி அமையாமல் போனதற்கு காங்கிரஸ் கட்சியே பொறுப்பு. 

காங்கிரஸ் ஒரு நல்ல கட்சிதான். ஆனால், நிறைய மக்களை நீண்ட காலம் காத்திருக்க வைத்துவிடுகிறது. அவர்களுடைய இந்தச் செயலால் மற்றவர்கள் களைப்படைந்துவிடுகிறார்கள். அரவிந்த் கெஜ்ரிவால் விவகாரத்திலும் இதுதான் நடைபெற்றிருக்கும்” என்று கூறினார்.

                

2017ம் ஆண்டு சட்டசபை தேர்தலில் காங்கிரஸ் கட்சியுடன் சமாஜ்வாதி கூட்டணி அமைத்தது. பாஜகவின் மாபெரும் வெற்றியை அந்தக் கூட்டணியாக தடுத்து நிறுத்த முடியவில்லை. தற்போதைய நாடாளுமன்றத் தேர்தலில் காங்கிரஸ் கட்சியை கழட்டிவிட்டு பகுஜன் சமாஜ் கட்சியுடன் அகிலேஷ் கூட்டணி அமைத்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close