[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

“கமல்ஹாசனின் கைகள் சுத்தமாக இருக்கிறதா?” - ராஜேந்திர பாலாஜி கேள்வி

minister-speech-about-kamalhassan

‘மக்கள் நீதி மய்யம்’ தலைவர் கமல்ஹாசனின் கைகள் சுத்தமாக இருக்கிறதா எனப் பால்வளத்துறை அமைச்சர் ராஜேந்திர பாலாஜி கேள்வி எழுப்பியுள்ளார்.

ஏப்ரல்-மே மாதங்களில் நாடாளுமன்றத்தேர்தல் வர உள்ளதால் தமிழகத்தில் கட்சிகளிடையே கூட்டணி பேச்சுவார்த்தை தீவிரம் அடைந்துள்ளது. இதில் அதிமுகவுடன் பாஜக இணையும் எனத் தகவல்கள் வெளியாகி வருகிறது. அதேபோல் திமுக காங்கிரஸ் கூட்டணி சேர்ந்து தேர்தலை சந்திக்க உள்ளது. 

இதனிடையே  தமிழகத்தின் 40 தொகுதிகளிலும் ‘மக்கள் நீதி மய்யம்’ கட்சி தனித்து போட்டியிடும் என அக்கட்சியின் தலைவர் கமல்ஹாசன் தெரிவித்திருந்தார்.

இதைத்தொடர்ந்து கமல்ஹாசன் பேசிய ஒரு பேட்டியில், “எங்கள் கை சுத்தமாக இருக்க வேண்டும் என்ற முயற்சியில் இருக்கும்போது நாங்கள் யாருடன் கை கோர்க்க வேண்டும் என்பதில் கவனமாக இருக்கிறோம். எங்கள் கை கறை படிந்து விடக்கூடாது என்பதற்காக தனித்து போட்டியிடுகிறோம்” எனத் தெரிவித்தார்.

இந்நிலையில், விருதுநகர் சாத்தூரில் பால்வளத்துறை அமைச்சர் ராஜேந்திர பாலாஜி செய்தியாளர்களுக்கு பேட்டியளித்தார். அப்போது, “கமல் கட்சிக்கு யாரும் கூட்டணிக்கு வராததால்தான் பிற கட்சிகளை கறைபடிந்த கட்சிகள் எனக் குற்றம் சாட்டுகிறார். கமல்ஹாசனின் கைகள் சுத்தமாக இருக்கிறதா?” எனக் கேள்வி எழுப்பினார்.

இதேபோல் தூத்துக்குடி கோவில்பட்டி அடுத்த கழுகுமலையில் அமைச்சர் கடம்பூர் ராஜூ செய்தியாளர்களுக்கு பேட்டியளித்தார். அப்போது பேசிய அவர், “தேர்தல் முடிவின் மூலம் யார் நாட்டை விட்டு வெளியே செல்வது என மக்கள் தகுந்த முடிவு எடுப்பார்கள்.  ‘விஸ்வரூபம்’ படப்பிரச்னையின் போது நாட்டை விட்டு வெளியேறுவேன் என கமல் கூறினார். திராவிட இயக்கங்களை பற்றி கருத்து கூற கமலுக்கு எந்தத் தகுதியும் இல்லை” எனத் தெரிவித்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close