[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.85 காசுகளாகவும், டீசல் லிட்டருக்கு ரூ. 69.41 காசுகளாகவும் விலை நிர்ணயம்
  • BREAKING-NEWS கோடநாடு விவகாரத்தில் தொடர்புடைய கூலிப்படையினருக்கு திமுகவை சேர்ந்த வழக்கறிஞர்கள் உதவுகின்றனர் - முதல்வர் பழனிசாமி
  • BREAKING-NEWS ஸ்டாலின் கனவில் வேண்டுமானால் முதலமைச்சராகலாம், எந்தக்காலத்திலும் முதல்வராக முடியாது - முதல்வர் பழனிசாமி
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்

இலங்கை நாடாளுமன்றம் கலைப்பு : ஜனவரியில் தேர்தல்?

sri-lanka-president-dissolves-parliament-amid-power-struggle-reports

இலங்கை நாடாளுமன்றம் கலைக்கப்பட்டுள்ளதாக ஏ.எஃப்.பி செய்தி நிறுவனம் தகவல் வெளியிட்டுள்ளது. 

இலங்கையின் புதிய பிரதமராக ராஜபக்ச நியமிக்கப்பட்டதை அடுத்து, அந்நாட்டு அரசியலில் குழப்பம் நீடித்து வருகிறது. ரணில் விக்ரமசிங்கே கட்சியின் உறுப்பினர்கள் சிலர், மகிந்த ராஜபக்ச கட்சிக்கு தாவியதால் பரபரப்பு ஏற்பட்டுள்ளது. இதனைத் தொடர்ந்து அரசியல் குழப்பத்தை முடிவுக்குக் கொண்டுவரும் வகையில், வரும் 14 ஆம் தேதி நாடாளுமன்ற உறுப்பினர்கள் கூட்டத்திற்கு அதிபர் சிறிசேன அழைப்பு விடுத்துள்ளார்.வரும் 14 ஆம் தேதி நாடாளுமன்றம் கூடும்போது, குழப்பமான நிலை முடிவுக்கு வரும்  எதிர்பார்க்கப்படுகிறது. 

நவம்பர் 14 ஆம் தேதி நாடாளுமன்றம் கூடும் போது, நம்பிக்கை வாக்கெடுப்பு நடத்தப்பட்டால், ராஜபக்ச பெரும்பான்மையை நிரூபிக்க நேரிடலாம் எனக் கூறப்படுகிறது. எனவே தேவையான எம்.பி.,க்களை தங்கள் வசம் இழுக்க ராஜபக்ச தரப்பு முயன்று வருவதாகவும் தகவல்கள் வெளியாகின. 

இந்நிலையில், இலங்கை நாடாளுமன்றம் கலைக்கப்பட்டுள்ளதாக ஏ.எஃப்.பி செய்தி நிறுவனம் தகவல் வெளியிட்டுள்ளது. நவம்பர் 14 ஆம் தேதி நாடாளுமன்றம் கூடும் என அறிவிக்கப்பட்டிருந்த நிலையில், பெரும்பான்மையை நிரூபிக்கும் முன்னரே இலங்கை அதிபர் சிறிசேன நாடாளுமன்றத்தை கலைத்துள்ளதாக கூறப்படுகிறது. அமைச்சர் ஒருவரே இந்தத் தகவலை தெரிவித்துள்ளாதாக கூறப்படுகிறது.

225 உறுப்பினர்கள் கொண்ட இலங்கை நாடாளுமன்றத்தில், ராஜபட்ச பெரும்பான்மையை நிரூபிக்கும் அளவிற்கு அவருக்கு எம்.பிக்கள் இல்லை என்பதால் இந்த முடிவை அதிபர் சிறிசேன எடுத்துள்ளதாக தெரிகிறது. நாடாளுமன்றம் கலைக்கப்பட்டதை தொடர்ந்து புதிய தேர்தல் ஜனவரி மாதத்தில் நடத்தப்படும் என்றும் செய்திகள் வெளியாகியுள்ளது. இந்த நாடாளுமன்றத்திற்கான பதவிக்காலம் முடிவடைய இரண்டு ஆண்டுகள் உள்ள நிலையில், அதற்கு முன்பாகவே கலைக்கப்பட்டுள்ளது.

நாடாளுமன்றம் கலைக்கப்பட்டதாக அதிபர் சிறிசேன வெளியிட்டுள்ள உத்தரவு இன்று நள்ளிரவு முதல் அமலுக்கு வருகிறது. அதிபர் சிறிசேனவின் இந்த உத்தரவுக்கு எதிராக உச்சநீதிமன்றத்தில் வழக்கு தொடர உள்ளதாக ரணில் விக்கிரமசிங்கே தரப்பினர் தெரிவித்துள்ளனர்.

Advertisement:
Advertisement:
Advertisement:
[X] Close