[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

விரும்பாத இடத்தில் இருக்க விருப்பம் இல்லை: நாஞ்சித் சம்பத் 

i-waved-my-wings-to-bring-him-to-the-peak

என்னை விரும்பாத இடத்தில் இருக்க விருப்பம் இல்லை, அதனால் தான் வெளியேறினேன் என நாஞ்சில் சம்பத் தெரிவித்துள்ளார்.

இதுதொடர்பாக ட்விட்டரில் பதிவிட்டுள்ள நாஞ்சில் சம்பத், “இன்னல் சூழ்ந்த காலகட்டத்தில் டிடிவி தினகரனுக்கு துணை நின்றேன், தோள் கொடுத்தேன். அநியாயமாக அவர் பழி வாங்கப்பட்டப் பொழுது அவருக்கு பக்கபலமாகவும், தக்க துணையாகவும் இருக்க தீர்மானித்தேன். அவரை சிகரத்திற்குக் கொண்டுச்செல்ல என் சிறகுகளை நான் அசைத்தேன். ஆனால் ஒரு ராஜாளிப் பறவை காலுக்கு கீழே சிக்கிய புழுவை பார்ப்பதை போன்றுதான் என்னைப் பார்த்தார்கள். என்னை விரும்பாத இடத்தில் இருக்க விருப்பம் இல்லை, அதனால்தான் கவலையோடு வெளியேறினேன்” எனத் தெரிவித்துள்ளார்.

முன்னதாக புதியதலைமுறையிடம் நேற்று பேசிய நாஞ்சில் சம்பத், டிடிவி அணியில் இருந்து தான் விலகிவிட்டதாக அறிவித்தார். திராவிடம் எனும் மூலதனத்தையும், அண்ணா எனும் மூலவரையும் தினகரன் அலட்சியப்படுத்தியதாகக் கூறிய நாஞ்சில் சம்பத், கொள்கை திரவியத்தைக் கொட்டிக் கவிழ்த்துவிட்டதாகவும், ஒரு பச்சைப் படுகொலையை தினகரன் நிகழ்த்திவிட்டதாகவும் கூறியுள்ளார். மேலும், இனி மீண்டுமொருமுறை இந்த தவறை செய்யமாட்டேன் எனக் கூறிய நாஞ்சில் சம்பத், எந்த கட்சியிலும் இணையப்போவதில்லை எனத் தெரிவித்தார். தான் கொண்டாடிய தலைவன் தினகரன் எனக்கூறிய அவர், தற்போது மோசம் செய்துவிட்டார் என்றும் குற்றம்சாட்டினார்.

Advertisement:
Advertisement:
Advertisement:
[X] Close