[X] Close
JUST IN
  • BREAKING-NEWS தமிழகத்தில் கடந்த 3 நாட்களாக நடைபெற்று வந்த ரேஷன் கடை ஊழியர்களின் ஸ்டிரைக் வாபஸ்
  • BREAKING-NEWS தனியார் தண்ணீர் லாரி உரிமையாளர்களின் வேலை நிறுத்தப் போராட்டம் தொடரும் - தனியார் லாரி உரிமையாளர்கள் சங்கம்
  • BREAKING-NEWS சபரிமலைக்கு வரும் பெண் பக்தர்களுக்கு உரிய பாதுகாப்பு வழங்க வேண்டும் - கேரள டிஜிபிக்கு தேசிய மகளிர் ஆணையம் உத்தரவு
  • BREAKING-NEWS #MeToo விவகாரத்தில் மத்திய வெளியுறவுத்துறை இணை அமைச்சர் எம்.ஜே.அக்பர் ராஜினாமா செய்தார்
  • BREAKING-NEWS ராஜராஜ சோழனின் 1033ஆவது சதய விழாவையொட்டி அக்டோபர் 20ஆம் தேதி தஞ்சை மாவட்டத்தில் விடுமுறை - ஆட்சியர் அண்ணாதுரை
  • BREAKING-NEWS ‘இந்தியாவின் உளவு அமைப்பு என்னை கொல்ல சதித்திட்டம்’- இலங்கை அதிபர் குற்றச்சாட்டு
  • BREAKING-NEWS இன்று காலை முடங்கி மீண்டது யூ டியூப்!

மத்திய அரசுடன் இணக்கமாக செயல்படுவது ஏன்?: முதல்வர் விளக்கம்

cm-palanisamy-speech-in-tn-assembly

மக்களுக்கான திட்டங்களுக்காகவும் நிதிக்காகவும் மட்டுமே மத்திய அரசுடன் இணக்கமாக செயல்பட்டு கொண்டிருப்பதாக முதலமைச்சர் எடப்பாடி பழனிசாமி தெரிவித்துள்ளார்.

தமிழக சட்டப்பேரவையில் ஆளுநர் உரைக்கு நன்றி தெரிவிக்கும் தீர்மானத்தின் மீது பேசிய திமுக சட்டமன்ற உறுப்பினர் எ.வ.வேலு, ஜி.எஸ்.டியால் கட்டுமான பொருட்கள், ஆடைகளின்  விலை உயர்ந்துள்ளதாக தெரிவித்தார். ஆண்டுக்கு 36 முறை வணிகர்கள் கணக்கு தாக்கல் செய்ய வேண்டிய நிலை உள்ளதாகவும் அவர் கூறினார். அப்போது பேசிய அமைச்சர் ஜெயகுமார், உயர்தர பொருட்களின் விலை மட்டுமே உயர்ந்துள்ளதாக தெரிவித்தார்.

பின்னர் பேசிய துணை முதலமைச்சர் ஓபிஎஸ், “ ஜி.எஸ்.டி வரியை கொண்டு வந்தது காங்கிரஸ். அதனை ஆதரித்தது திமுக. அதனால் தான் தமிழகத்திற்கு இந்த நிலை ஏற்பட்டது ” என கூறினார். அப்போது பேசிய திமுக சட்டப்பேரவை துணை தலைவர் துரைமுருகன், மறைந்த முதலமைச்சர் எதிர்த்த திட்டங்களை  தற்போது அரசு ஆதரிப்பதாக கூறினார்.

மேலும் பேசிய அமைச்சர் ஜெயக்குமார்,  மத்தியில் காங்கிரஸ் ஆட்சியில் இருக்கும் போது நடைமுறைப்படுத்திய மதிப்புக் கூட்டு வரியால் ஏற்பட்ட இழப்பீட்டை திமுக வாங்க தவறியதுதான் தற்போது தமிழகத்தின் மோசமான நிதிநிலைக்கு காரணம் என்றார். அப்போது குறுக்கிட்ட எதிர்க்கட்சி தலைவர் ஸ்டாலின் தொடர்ந்து அமைச்சர் ஜெயக்குமார் பேரவையில் அவைக்கு ஒவ்வாத வார்த்தைகளை பயன்படுத்துவதாக தெரிவித்து, ஆடிட்டர் குருமூர்த்தி சொன்னது உண்மை தான் போல என தெரிவித்தார். மீண்டும் பதிலளித்த அமைச்சர் ஜெயகுமார், 10 மாதங்களுக்கு மேலாக ஆண்மையுடன் ஆட்சி நடத்தி வருகிறோம் என்றார்.

இதனைதொடர்ந்து பேசிய  தமிழக முதலமைச்சர் மக்களுக்கான திட்டங்களுக்காகவும் தமிழகத்திற்கு சேர வேண்டிய நிதிக்காகவும் மட்டுமே மத்திய அரசுடன் இணைந்து செயல்படுவதாக தெரிவித்தார். யாரிடமும் கைக்கட்டி நிற்பதற்கில்லை என்றும் முதலமைச்சர் கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close