[X] Close
JUST IN
  • BREAKING-NEWS முன்னாள் மத்திய அமைச்சர் இ.பொன்னுசாமி அதிமுகவிலிருந்து விலகி மீண்டும் பாஜகவில் இணைந்தார்
  • BREAKING-NEWS டெல்லியில் புதிதாக கட்டப்பட்டுள்ள பாஜக தலைமை அலுவலகம் நாளை திறப்பு
  • BREAKING-NEWS காவிரி மேலாண்மை வாரியம் அமைத்தால் கர்நாடகா எதிர்க்கும் - கர்நாடகா முதல்வர் சித்தராமையா
  • BREAKING-NEWS பஞ்சாப் நேஷனல் வங்கியில் நடந்த முறைகேடு குறித்து பிரதமர் மோடி பதிலளிக்க வேண்டும் - ராகுல் காந்தி
  • BREAKING-NEWS கமல் ஆலோசனை பெறவில்லை; மூத்த தலைவர் என்ற முறையில் மரியாதைக்காக சந்தித்தார் - நல்லகண்ணு
  • BREAKING-NEWS மக்களுக்காக யார் சேவை செய்தாலும் அவர்களை மதிக்க கடமைப்பட்டுள்ளேன் - கமல்ஹாசன்
  • BREAKING-NEWS சென்னையில் இந்திய கம்யூனிஸ்ட் கட்சியின் மூத்த தலைவர் நல்லகண்ணுவுடன் கமல்ஹாசன் சந்திப்பு

‘அதிமுகவை சரியவிடாதீர்கள்’: தொண்டர்களுக்கு சசிகலா கடிதம்

do-not-let-admk-to-fall-down-sasikala-wrote-letter-to-cadres

இந்தியாவின் மூன்றாவது மிகப்பெரிய இயக்கம் என்ற இடத்தில் இருக்கும் அதிமுக சிறிதளவும் கீழே இறங்கிவிடக்கூடாது என்று அதிமுக அம்மா அணியின் பொதுச்செயலாளர் சசிகலா வலியுறுத்தியுள்ளார்.

தொண்டர்களுக்கு அவர் எழுதியுள்ள கடிதத்தில், உழைப்பும், உண்மையும், விசுவாசமும் இருந்தால் மட்டும் போதும் வாழ்வின் உச்ச நிலையை கடைக்கோடி தொண்டரும் அடைய முடியும் என்பதே ஜெயலலிதா அதிமுகவின் வாயிலாக பலமுறை நிரூபித்துக் காட்டியுள்ளதாக தெரிவித்துள்ளார்.

சாதி, சமய வேறுபாடுகளுக்கு அப்பாற்பட்டு பல்வேறு உயர் பதவிகளை எட்டுவது என்பது அதிமுகவில் மட்டுமே சாத்தியமாகும் என்றும் சசிகலா கூறியுள்ளார். எத்தனையோ நெருக்கடிகைளைத் தாண்டி இறுதிவரை சிறுபான்மையினரின் நலனை விட்டுக் கொடுக்காத இயக்கமாக அதிமுகவை ஜெயலலிதா வழிநடத்தியதாகவும் அவர் குறிப்பிட்டுள்ளார்.

அதிமுகவை யாராலும் வீழ்த்த முடியாது என்று எதிரிகளைப் பார்த்து அறைகூவல் விடுத்தவர் ஜெயலலிதா என்று கூறியுள்ள சசிகலா, அதை நிரூபித்துக் காட்ட வேண்டிய பெரும் பொறுப்பு நமக்கு உள்ளதாகவும் தெரிவித்துள்ளார். இந்தியாவின் 3-வது பெரிய இயக்கம் என்ற உயரத்தில் இருக்கும் அதிமுக சிறிதளவும் கீழே இறங்கி விடக்கூடாது என்ற அக்கறையாலேயே தன்னை கட்சிக்கு அர்ப்பணித்துக் கொண்டதாக சசிகலா குறிப்பிட்டுள்ளார். வீழ்ந்தே கிடக்கும் எதிரிகள் எஃகு கோட்டையில் விரிசல் விழாதா, தடி ஊன்றியாவது எழுந்து விட மாட்டோமா என்று எண்ணிக் கொண்டிருக்கும் வேளையில் முன்பை விட உறுதியாய் கட்சியையும், தமிழகத்தையும் காத்திட வேண்டும் என எம்ஜிஆர் நூற்றாண்டு விழாவில் சூளுரை ஏற்போம் என்றும் சசிகலா கூறியுள்ளார்.

அதிமுக 3 ஆக பிரிந்ததற்கு பாஜக தான் காரணம் என நேற்று நமது எம்ஜிஆரில் குற்றம்சாட்டியிருந்த நிலையில், இன்று சசிகலா கட்சித் தொண்டர்களுக்கு கடிதம் எழுதியுள்ளார்.

வீடியோ

Advertisement:
Advertisement:
Advertisement:
[X] Close