மகாராஷ்டிர சட்டப்பேரவை சபாநாயகராக பதவியேற்றார் நானா பட்டோலே

மகாராஷ்டிர சட்டப்பேரவை சபாநாயகராக காங்கிரஸ் கட்சியின் நானா பட்டோலே தேர்ந்தெடுக்கப்பட்டுள்ளார். 

மகாராஷ்டிர மாநிலத்தில் நீண்ட அரசியல் குழப்பத்திற்கு பிறகு தேசியவாத காங்கிரஸ், காங்கிரஸ் மற்றும் சிவசேனா உள்ளிட்ட கட்சிகள் கூட்டணி அமைத்து ஆட்சி அமைத்தது. சிவசேனா கட்சியின் தலைவர் உத்தவ் தாக்கரே கடந்த 28ஆம் தேதி மகாராஷ்டிர முதலமைச்சராக பதவியேற்றார். உத்தவ் தாக்கரே தலைமையிலான அரசு மகாராஷ்டிர சட்டப்பேரவையில் நேற்று தனது பெரும்பான்மையை நிரூபித்தது.

இந்நிலையில் இன்று மகாராஷ்டிரா மாநில சட்டப்பேரவை சபாநாயகராக காங்கிரஸ் கட்சியைச் சேர்ந்த நானா பட்டோலே தேர்ந்தெடுக்கப்பட்டுள்ளார். நானா பட்டோலே போட்டியின்றி ஒருமனதாக தேர்வாகி உள்ளார். பாஜக சார்பில் கிஷன் காத்தோர் சபாநாயகர் பதவிக்கு பரிந்துரைக்கப்பட்டிருந்தார். எனினும் அனைத்து கட்சிக் கூட்டத்தில் பாஜக உள்ளிட்ட அனைத்து கட்சிகளும் நானா பட்டோலேவிற்கு ஆதரவு தர தீர்மானிக்கப்பட்டது. இதனைத் தொடர்ந்து நானா பட்டோலே சபாநாயகராக பதவியேற்றார்.

இதையும் படிக்கலாமே: பெரும்பான்மையை நிரூபித்தார் உத்தவ் தாக்கரே