[X] Close
JUST IN
  • BREAKING-NEWS கோவையில் இளம்பெண் விபத்தில் சிக்கிய இடத்தில் கொடிக்கம்பம் ஏதும் இல்லை - உயர்நீதிமன்றத்தில் தமிழக அரசு விளக்கம்
  • BREAKING-NEWS எஸ்பிஜி பாதுகாப்பை விலக்கிக் கொள்ளும் மசோதாவை தாக்கல் செய்ய மத்திய அமைச்சரவை ஒப்புதல்
  • BREAKING-NEWS இந்தியாவிலேயே அதிக மருத்துவர்கள் கொண்ட மாநிலங்களில் தமிழகம் 2வது இடம்; மகாராஷ்டிரா முதல் இடம் - மத்திய அரசு
  • BREAKING-NEWS சிவசேனா, தேசியவாத காங்., காங்கிரஸ் இணைந்து மகாராஷ்டிராவில் ஆட்சியமைத்தாலும் நிலைக்காது - நிதின் கட்கரி
  • BREAKING-NEWS இடஒதுக்கீடு விவரங்கள் கொண்ட வெள்ளை அறிக்கையை நாடாளுமன்ற நடப்பு கூட்டத்தொடரில் பிரதமர் தாக்கல் செய்ய வேண்டும் - மு.க.ஸ்டாலின்
  • BREAKING-NEWS நெல்லையில் இருந்து பிரித்து தென்காசி மாவட்டத்தை உருவாக்கும் அரசாணையை ரத்து செய்யக்கோரிய மனு தள்ளுபடி - உயர்நீதிமன்ற கிளை
  • BREAKING-NEWS கோயில் நிலங்களில் 5 ஆண்டுகளுக்கு மேல் வசிப்போருக்கு பட்டா வழங்க தமிழக அரசுக்கு உயர்நீதிமன்றம் இடைக்காலத்தடை

மகாராஷ்டிரா தேர்தல்: ஒரே தொகுதியில் மோதும் இரண்டு தமிழர்கள் 

maharashtra-assembly-elections-2019

மகாராஷ்டிரா சட்டப்பேரவைத் தேர்தலில் தமிழர்கள் இருவர் ஒரே தொகுதியில் எதிரெதிரே போட்டியிடுகின்றனர். யார் இவர்கள்?‌ எந்தத் தொகுதியில் போட்டியிடுகின்றனர்? என்பதை பார்க்கலாமா?

மகாராஷ்டிரா சட்டப்பேரவைத் தேர்தலில், பாஜக-சிவசேனா கூட்டணி ஒரு அணியாகவும், காங்கிரஸ்- தேசியவாத காங்கிரஸ் கூட்டணி ‌மற்றொரு அணியாகவும் போட்டியிடுகின்றன‌ர். இந்நிலையில், தமிழ் மொழி‌ பேசுபவர்கள் அதிகம் உள்ள மும்பை மாநகரத்துக்குட்பட்ட சியான் கொலிவாடா‌ சட்டப்பேரவை தொகுதியில், தமிழர்கள் இருவர் பாஜக, காங்‌‌கிரஸ் கட்சிகளின் சார்பில் களமிறக்கப்பட்டுள்ளனர்.

பாஜக சார்பில் இந்தத் தொ‌‌குதியில் தமிழ்செல்வன் போட்டியிடுகிறார். தற்போது இதே தொகுதியில் சட்டமன்ற உறுப்பினராக உள்ள இவர், க‌டந்த தேர்தலில் சிவசேனா வேட்பாளர் மங்கேஷ் சதாம்க‌ரை 3,738 வாக்கு வித்தியாசத்தில் தோற்கடித்தார். இதனால், அவருக்கு மீண்டும் அதே‌ தொகுதியில் போட்டியிட வாய்ப்பு வழங்கப்பட்டுள்ளது.

1978-ஆம் ஆண்டு புதுக்கோட்டையிலிருந்து மும்பை‌ சென்ற தமிழ்செல்வன், ஆரம்பக் காலக்கட்டத்தில் பல்வேறு பணிகளை செய்து வந்துள்ளார். மெல்ல மெல்ல அரசியலில் நுழைந்த தமிழ்செல்வன், கடந்த ‌2012-ஆம் ஆண்டு நடைபெற்ற உள்ளாட்சித் தேர்தலில் போட்டியிட்டு, மும்பை மாநகரின் 168ஆவது வார்டு கவுன்சிலராக தன்னை அடையாளப்படுத்திக் கொண்டார். அடுத்த இரண்டே ஆண்டுகளில், எம்.எல்.ஏ. பதவிக்கு உயர்ந்தார் தமிழ்செல்வன்.‌

இவருக்கு எதிராக தமிழகத்தை பூர்விகமாக கொண்ட கணேஷ்கு‌மார் யாதவ் என்பவரை களமிறக்கியுள்ளது காங்கிரஸ். பட்டதாரியான இவர், மும்பை இ‌‌ளைஞர் காங்கிரஸின் தலை‌வராக இருக்கிறார். அரசியலில் மிகத் தீவிரமாக செயல்படுபவர் என்ற பெயருக்கு சொந்தக்காரராக கணேஷ்குமார் யாதவ் திகழ்வதால் காங்கிரஸ் கட்சி இந்த முடிவை எடுத்துள்ளது.

நடுத்தர மற்றும் ஏழைகள் அதிகம் வசிக்கும் பகுதியான சியான் கொலிவாடா‌வில், சாலை உள்ளிட்ட பல்வேறு பிரச்னைகள் இருப்பதாக கூறப்படுகிறது. மராத்தி‌, குஜராத்தி, பஞ்சாபி, தமிழ் என பல மொழிகளில் பேசும் மக்களை உள்ளடக்கி‌ய சியான் கொலிவாடா தொகுதியில் யார் வெற்றி பெற போகிறார் என்பது தேர்தல் முடிவில் தெரிந்துவிடும்.

Advertisement:
இது தொடர்பான செய்திகள் :
Advertisement:
Advertisement:
[X] Close