[X] Close
JUST IN
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

49 பிரபலங்கள் மீதான தேசத்துரோக புகாரை ரத்து செய்ய முடிவு

bihar-advocate-behind-sedition-fir-against-49-celebrities-charged-by-police-for-filing-malicious-case

இயக்குநர் மணிரத்னம் உள்ளிட்ட 49 பிரபலங்கள் மீதான தேசத்துரோக புகாரை நிராகரிக்க பீகார் காவல்துறையினர் முடிவு செய்துள்ளனர்.

நாட்டில் நடைபெற்று வந்த கும்பல் கொலைகள் குறித்து பிரதமர் நரேந்திர மோடிக்கு இயக்குநர் மணிரத்னம் உள்ளிட்ட 49 பிரபலங்கள் கடிதம் எழுதினர். இந்த கடிதத்திற்கு எதிராக வரலாற்றாசிரியர் ராமசந்திர குஹா, அபர்னா சென், ஷியாம் பெனகல், அனுராக் காஷ்யப், நடிகை ரேவதி உள்ளிட்டோர் மீது பீகாரின் சதார் காவல் நிலையத்தில் முஸாபர்பூரைச் சேர்ந்த வழக்கறிஞர் கடந்த வாரம் புகார் அளித்தார். பீகார் நீதிமன்றத்திலும் அவர் வழக்கு தொடர்ந்தார். நீதிமன்ற உத்தரவின்பேரில் 49 பேர் மீது தேசதுரோக வழக்குப் பதிவு செய்யப்பட்டது. இதனையடுத்து, 49 பிரபலங்கள் மீது தேசதுரோக வழக்குப் பதிவு செய்ததற்கு பலரும் எதிர்ப்பு தெரிவித்தனர்.

                 

இந்நிலையில், இயக்குநர் மணிரத்னம் உள்ளிட்ட 49 பிரபலங்கள் மீதான தேசத்துரோக புகாரை ரத்து செய்ய பீகார் காவல்துறையினர் முடிவு செய்துள்ளனர். “49 பேர் மேல் தேசத்துரோக வழக்கு பதிவு செய்ய முகாந்திரம் இல்லை. புகாரை உறுதி செய்யும் வகையிலான ஆவணங்களை புகாரளித்தவர் சமர்பிக்கவில்லை” என்று கூறி போலீசார் புகாரை நிராகரித்துள்ளனர்.  தவறான தகவல்களின் அடிப்படையில் புகார் அளித்த நபருக்கு எதிராக 182வது சட்டப்பிரிவின் கீழ் வழக்குப்பதிவு செய்யப்பட்டுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close