[X] Close
JUST IN
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS ப.சிதம்பரத்தை அவதிக்குள்ளாக்க வேண்டும் என்பதே அமலாக்கத்துறையின் எண்ணம் - கபில் சிபல்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்
  • BREAKING-NEWS அடுத்த 5 நாட்களுக்கு கனமழை நீடிக்கும் - இந்திய வானிலை ஆய்வு மையம்

மக்களவையில் நிறைவேறியது அணைப் பாதுகாப்பு மசோதா - தமிழக எம்.பிக்கள் எதிர்ப்பு

lok-sabha-passes-bill-to-set-up-national-committee-on-dam-safety-to-prevent-dam-failures

மக்களவையில் தமிழகம், கேரளா உள்ளிட்ட மாநிலங்களின் எதிர்ப்பை மீறி அணைப் பாதுகாப்பு மசோதா நிறைவேறியது.

நாடு முழுவதும் அணைப் பாதுகாப்புக்கு ஒரே மா‌திரியான வழிமுறைகளை வகுக்கும் நோக்கத்துடன் கொண்டு வரப்பட்டிருக்கும் அணைப் பாதுகாப்பு மசோதாவை கடந்த 29ஆம் தேதி ஜல் சக்தி துறை அமைச்சர் கஜேந்திர சிங் ஷெகாவத் அறிமுகம் செய்து வைத்தார். இதைத் தொடர்ந்து மசோதா மீது நடந்த விவாதத்தின்போது பேசிய திமுக எம்.பி. ஆ.ராசா, அணைப் பாதுகாப்பு மசோதா தமிழகத்தின் உரிமைகளை பறிக்கும் வகையில் இருப்பதாக கூறினார். பிரேசில், ஆஸ்திரேலியா, சீனா, பிரான்ஸ், மெக்சிகோ போன்ற நாடுகளில் கூட அணைப் பாதுகாப்பு சட்டமாக இல்லாமல் விதிமுறைகளாக மட்டுமே இருப்பதாக‌ கூறினார்.

        

இதைத் தொடர்ந்து பேசிய விடுதலைச் சிறுத்தைகள் கட்சி எம்.பி. திருமாவளவன் இந்த மசோதாவினால் தமிழகம் வெகுவாக பாதிக்கப்படும் எனத் தெரிவித்தார். கேரள எல்லைக்குட்பட்ட முல்லைப் பெரியாறு, பரம்பிக்குளம், துணைக்கடவு, பெருவாரிப்பள்ளம் ஆகிய 4 அணைகள் தமிழகத்துக்கு சொந்தமாக உள்ளதாகவும், மசோதா நிறைவேற்றப்பட்டால், அணைகளின் பராமரிப்பு மற்றும் பாதுகாப்பு விவகாரங்கள் மத்திய அரசு வசம் சென்று விடும் என்றும் தெரிவித்தார்.

அதிமுக சார்பில் பேசிய அக்கட்சியின் எம்.பி ரவீந்திரநாத் , அணைப் பாதுகாப்பு மசோதாவை பிரதமர் தொலைநோக்குப் பார்வையுடன் கொண்டு வந்திருப்பதாக தெரிவித்தார். மேலும் தமிழகத்திற்கு சொந்தமான 4 அணைகளிலும், தமிழகத்தின் உரிமை பாதிக்காத வகையில் மசோதாவில் திருத்தம் கொண்டு வர வேண்டும் எனப் பேசினார்.

                 

இதைத் தொடர்ந்து மசோதா குறித்து விளக்கம் அளித்த ஜல்சக்தி துறை அமைச்சர் கஜேந்திர சிங் ஷெகாவத் முல்லைப் பெரியாறு அணையை போல ஒரு மாநிலத்தின் கட்டுப்பாட்டில் உள்ள அணை மற்ற மாநிலத்தில் அமைந்திருந்தால், ‌உரிமைக்கு பாத்தியப்பட்ட மாநிலம் பாதிக்கப்படாத வகையில் மசோதாவில் விதிமுறைகள் கொண்டு வரப்பட்டிருப்பதாக கூறினார். குறிப்பாக இந்த மசோதாவினால் தமிழ்நாட்டுக்கு எந்தப் பாதிப்பும் ஏற்படாது என வாக்குறுதி அளித்தார்.

 

Advertisement:
இது தொடர்பான செய்திகள் :
Advertisement:
Advertisement:
[X] Close