[X] Close
JUST IN
  • BREAKING-NEWS இந்தியா, தென்னாப்ரிக்கா இடையே ராஞ்சியில் இன்று தொடங்குகிறது மூன்றாவது டெஸ்ட் போட்டி
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

“எதிரிகளை தோற்கடிக்க அதிகாரத்தை தியாகம் செய்ய வேண்டும்” - ராகுல்

congress-must-change-radically-rahul-gandhi-says-will-fight-not-lead

வலுவான எதிராளிகளை தோற்கடிக்க அதிகாரத்தை தியாகம் செய்ய வேண்டும் என ராகுல் காந்தி கூறியுள்ளார்.

மக்களவைத் தேர்தல் தோல்விக்கு காங்கிரஸ் தலைவர் என்ற முறையில் தார்மீக பொறுப்பேற்று பதவி விலகும் முடிவை எடுத்ததாக ராகுல் காந்தி நேற்று திட்டவட்டமாக அறிவித்தார். மேலும் அவர் வலுவான எதிராளிகளை தோற்கடிக்க அதிகாரத்தை தியாகம் செய்ய வேண்டும், அதற்கு அனைவரும் ‌தயாராக இருக்க வேண்டும் என்றும் ராகுல் குறிப்பிட்டுள்ளார். 

கட்சித் தலைவர் பதவியில் இருந்து விலகியது ஏன் என்பதற்கான காரணங்கள் குறித்து விரிவாக அவர் அறிக்கை வெளியிட்டுள்ளார். அதில் மக்களவைத் தேர்தல் தோல்விக்கு காங்கிரஸ் தலைவர் என்ற முறையில் தாமே பொறுப்பேற்றுக் கொள்வதாக கூறியுள்ளார். 

கட்சியின் எதிர்காலத்தை கருதியே காங்கிரஸ் தலைவர் பொறுப்பில் இருந்து விலகும் முடிவை எடுத்திருப்பதாகவும் குறிப்பிட்டுள்ளார். தற்போதைய சூழலில் கட்சிக்கு புதிய தலைமை தேவைப்படுகிறது. எனவே தமக்கு பதில் வேறொருவரை தலைவராக நியமிப்பதுதான் சரியாக இருக்கும். ‌தலைமை மாற்றம் சுமூகமாக நடைபெறுவதற்கு தாம் முழு ஒத்துழைப்பு அளிக்கப்போவதாகவும் ராகுல் காந்தி தெரிவித்துள்ளார். 

காங்கிரஸ் கட்சியின் சித்தாந்தத்தை காப்பாற்ற முழு பலத்துடன் தொடர்ந்து போராடுவேன். அதிகாரத்தில் ஓட்டிக் கொண்டிருக்க வேண்டும் என்பது இந்தியாவில் தொன்று தொட்ட பழக்கமாக இருக்கிறது. யாரும் அதிகாரத்தை தியாகம் செய்வதற்கு தயாராக இல்லை. வலுவான எதிராளிகளை தோற்கடிக்க அதிகாரத்தை தியாகம் செய்தால் மட்டுமே சாத்தியமாகும். எனவே அதற்கு அனைவரும் ‌தயாராக இருக்க வேண்டும் என அந்த அறிக்கையல் ராகுல் காந்தி தெரிவித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close