[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

ஏஎன்-32 ரக விமான விபத்தில் உயிரிழந்த 13 பேரின் உடல்கள் மீட்பு 

iaf-an-32-recovery-operation-six-bodies-and-seven-mortal-remains-have-been-recovered-from-the-crash-site

காணாமல் போன ஏஎன்-32 ரக விமான விபத்தில் உயிரிழந்த 13 பேரின் உடல்கள் மீட்கப்பட்டுள்ளன.

கடந்த 3ஆம் தேதி ஏஎன்-32 ரக இந்திய விமானம் காணாமல் போனதாக இந்திய விமானப்படையின் அதிகாரப்பூர்வ ட்விட்டர் பக்கத்தில் அறிவிக்கப்பட்டது. அதில் விமானம் ஜோர்கட் என்ற இடத்திலிருந்து மதியம் 12.27 மணிக்கு அருணாசலத்தின் மேசூகா பகுதிக்கு புறப்பட்டதாகவும், அதன்பின் அந்தக் கட்டுப்பாட்டு அறைக்கும், விமானத்துக்குமான தகவல் தொடர்பு அன்று மதியம் 01.00 மணிக்கு துண்டிக்கப்பட்டதாகவும் தெரிவித்திருந்தது. அந்த விமானத்தில் 13 பேர் பயணம் செய்ததாக தகவல் வெளியானது.

அதனைத் தொடர்ந்து காணாமல் போன விமானத்தை தேடும் பணியில் சி-130ஜே, ஏஎன்-32 மற்றும் எம்.ஐ-17 உள்ளிட்ட 3 இந்திய விமானங்களும், ஒரு ஏஎல்எச் ஹெலிகாப்டரும் புறப்பட்டது. இவை அனைத்தும் துல்லியமாக கண்டறியும் திறன் கொண்ட சென்சார்களை கொண்டுள்ளவை. வான்வெளியில் மட்டுமல்லாது தரை வழியாகவும், கடல் வழியாகவும் இரவு பகலாக தேடும் பணி தீவிரப்படுத்தப்பட்டது. 

கூடுதலாக பி-81 ரக விமானமும் தேடுதல் பணிக்காக அனுப்பி வைக்கப்பட்டது. ஒருவார கால கடும் தேடுதல் பணிக்கு பிறகு 12 ஆம் தேதி காணாமல் போன விமானம் அருணாசலப்பிரதேசத்தின் லிப்போ மலைப்பகுதிகளில் விபத்துக்குள்ளானதாக கண்டறிப்பட்டது. ஆனால் மோசமான வானிலை காரணமாக விபத்துக்குள்ளான இடத்திற்கு மீட்பு படையினரால் செல்ல முடியவில்லை எனத் தெரிவிக்கப்பட்டது. 

அதன் பின்னர் 13 ஆம் தேதி அந்த இடத்தை அடைந்தனர் மீட்புப்படையினர். ஆனால் ஒருவரும் உயிருடன் இல்லை என்ற தகவல் மட்டுமே வந்தது. அதில் பயணம் செய்த 13 விமானப்படை வீரர்களின் பெயரை அதிகாரப்பூர்வமாக வெளியிட்டது இந்திய விமானப்படை. இன்று விமானம் விழுந்து நொறுங்கிய இடத்தில் இருந்து 6 இறந்து போன வீரர்களின் உடல்களும், 7 சிதைந்து போன வீரர்களின் உடற்பாகங்களும் கண்டுபிடிக்கப்பட்டுள்ளதாக தகவல் வெளியாகியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close