[X] Close
JUST IN
  • BREAKING-NEWS மறைமுகத் தேர்தல் முறை மூலம் சர்வாதிகார முறையில் தேர்தல் நடத்த அரசு முயன்றுள்ளது - மு.க.ஸ்டாலின்
  • BREAKING-NEWS மேயர் பதவிக்கு மறைமுகமாக தேர்தல் நடத்துவது ஜனநாயகத்திற்கு விரோதமானது - கே.எஸ்.அழகிரி
  • BREAKING-NEWS மறைமுகத் தேர்தல் என்பது சட்டத்திற்கு உட்பட்டதே; மறைமுகத் தேர்தலுக்கு அவசரச் சட்டம் பிறப்பித்தது வியூகம் என்பது அல்ல - அமைச்சர் ஜெயக்குமார்
  • BREAKING-NEWS எங்களுடைய செயல்பாட்டை ஏற்றுக்கொண்டு பாஜக கூட்டணிக்கு ரஜினியும், கமலும் வரலாம் - பொன்.ராதாகிருஷ்ணன்
  • BREAKING-NEWS மேயர், நகராட்சி, பேரூராட்சி தலைவர் பதவிகளுக்கு மறைமுக தேர்தல் நடத்துவதற்கான அவசரச் சட்டத்தை பிறப்பித்தது தமிழக அரசு
  • BREAKING-NEWS இலங்கை கடற்படையால் தமிழக மீனவர்கள் தாக்கப்படுவதும், கைது செய்யபப்டுவதும் இந்தாண்டு அதிகரித்துள்ளது - வெளியுறவுத்துறை அமைச்சகம்
  • BREAKING-NEWS மகாராஷ்டிராவில் சிவசேனாவுடன் இணைந்து கூட்டணி ஆட்சி அமைப்பதற்கு சோனியா காந்தி ஒப்புதல் எனத் தகவல்

ரயில்களில் மசாஜ் நிலையமா? - பாஜக எம்.பி கடும் எதிர்ப்பு

massage-on-trains-indore-mp-says-it-s-standardless-against-indian-culture-writes-to-goyal

ரயில்களில் மசாஜ் நிலையம் அமைக்கும் முடிவுக்கு பாரதிய ஜனதா எம்பி ஒருவர் கடும் எதிர்ப்பு தெரிவித்துள்ளார்.

நாட்டிலேயே முதன்முறையாக ஓடும் ரயிலில் பயணிகளுக்கு மசாஜ் செய்யும் வசதியை ரயில்வே நிர்வாகம் ஏற்பாடு செய்துள்ளது. முதற்கட்டமாக, இந்தூரில் இருந்து புறப்படும் 39 ரயில்களில் இந்த வசதி அறிமுகம் செய்யப்படுகிறது. 

தலை, கால்களில் மசாஜ் செய்வதற்கு ரூ.100 முதல் ரூ. 300 வரை கட்டணம் வசூலிக்கப்படும் எனவும் ஒவ்வொரு ரயிலிலும் குறைந்தது 3 முதல் 5 மசாஜ் செய்பவர்கள் பயணம் செய்வார்கள் எனவும் தெரிவிக்கப்பட்டுள்ளது. இந்தத் திட்டத்தால் பயணிகள் பயன் பெறுவதோடு, ரயில்வே துறைக்கும் ஆண்டிற்கு கூடுதலாக ரூ.90 லட்சம் வருவாய் கிடைக்கும். இதற்கான புரிந்துணர்வு ஒப்பந்தம் கையெழுத்தாகி உள்ளது என்று ரயில்வே வாரியத்தின் ஊடக மற்றும் தகவல் தொடர்புத்துறை இயக்குனர் ராஜேஷ் பாஜ்பாய் தெரிவித்தார்.

இந்நிலையில், இந்த முடிவு இந்தியக் கலாச்சாரத்துக்கு எதிரானது என இந்தூர் தொகுதி பாரதிய ஜனதா எம்பி ஷங்கர் லால்வானி, ரயில்வே துறை அமைச்சர் பியூஷ் கோயலுக்கு கடிதம் எழுதியுள்ளார். 

அதில், ரயில்களில் பெண்களும் பயணிக்கும் போது அவர்களுக்கு அசவுகரியங்கள் ஏற்படும் என்பதால் மசாஜ் நிலையம் அமைக்கும் திட்டத்தை கைவிட வேண்டும் என எம்பி ஷங்கர் லால்வானி குறிப்பிட்டுள்ளார். மேலும் “சுற்றுலா பயணிகளுக்காக வழங்கப்படும் இந்தச் சேவையை என்னால் புரிந்து கொள்ள முடிகிறது. ஆனால் பயணிகளுக்கான ரயிலில் மசாஜ் நிலையம் எதற்கு? அங்கு யாருக்கு தேவைப்பட போகிறது. அவர்கள் அதிகபட்சம் 3 லிருந்து 4 மணிநேரம் பயணம் செய்வார்கள். இது முற்றிலும் தேவையில்லாத ஒன்று என நினைக்கிறேன். மேலும் இங்கு பல பெண்கள் குழுக்கள் இதுகுறித்து புகார் தெரிவிக்கின்றனர்” எனத் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close