[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

“தாயின் மறுமணத்தில் ரகசியம் காக்க விரும்பவில்லை” - வைரலான ஃபேஸ்புக் பதிவு

why-a-kerala-youngster-s-fb-post-on-his-mother-s-remarriage-is-going-viral

கேரளாவில் தன்னுடைய தாயின் மறுமணம் குறித்து கருத்து தெரிவித்துள்ள இளைஞரின் ஃபேஸ்புக் பதிவு வைரலாக பகிரப்பட்டு வருகிறது. 

இந்தியாவில் இன்றளவும் மறுமணம் என்பது அவ்வளவு எளிதில் நடக்க முடியாத ஒன்றாகவே உள்ளது. அதுவும் பெண்களுக்கு மறுமணம் என்பது இன்னும் சிரமம்தான். மறுமணம் செய்து கொள்ளலாம் என ஒரு பெண் நினைத்தாலும், சமூகத்தில் உள்ளவர்கள் எப்படி பார்ப்பார்கள் என்பதை கருத்தில் கொண்டு அதற்காக தனது எண்ணத்தை கைவிட்டு விடுவார்கள்.

இந்நிலையில்தான், கேரளாவைச் சேர்ந்த கோகுல் ஸ்ரீதர் என்ற இளைஞர் தன்னுடைய ஃபேஸ்புக் பக்கத்தில் தன்னுடைய தாயின் மறுமணம் குறித்து ஒரு பதிவை எழுதியுள்ளார். எழுத தொடங்கும் போதே தாயின்  மறுமணம் குறித்து பேசுவதில் தனக்குள்ள தயக்கத்தை குறிப்பிட்டுள்ளார். 

23 வயதான கோகுல் தற்போது கொல்லத்தில் இன்ஜினியராக உள்ளார். கோகுல் பத்தாம் வகுப்பு இருக்கும் போது, வீட்டில் கொடுமை தாங்க முடியாமல் அவருடைய தாய் அவரை அழைத்துக் கொண்டு வீட்டில் இருந்து வெளியேறினார். அவரது தாய் ஒரு ஆசிரியராக இருக்கிறார். தாயுடன் கோகுல் வசித்து வந்துள்ளார். நீண்ட வருடங்களுக்குப் பின்னர் அவரது தாய்க்கு மறுமணம் நடந்துள்ளது. மறுமணம் செய்து கொண்ட தன்னுடைய தாய்க்கு வாழ்த்து தெரிவித்து, ஃபேஸ்புக் பதிவை உருக்கமாக எழுதி இருந்தார்.

      

கோகுல் தன்னுடைய பதிவில், “இது என்னுடைய தாயின் திருமணம். இதுபோன்ற பதிவை எழுதுவதற்கு கொஞ்சம் தயக்கமாக இருக்கிறது. மறுமணம் என்பது பலருக்கும் இன்னும் விலக்கப்பட்ட ஒன்றாகவே உள்ளது.

எனக்காக தன்னுடைய வாழ்க்கையை என் தாய் தியாகம் செய்து வந்துள்ளார். அவருடைய திருமண வாழ்க்கையில் மிகுந்த கஷ்டத்தை அனுபவித்து வந்தார். ஒருமுறை கடுமையாக தாக்கப்பட்டு தலையில் ரத்தம் வழிய இருந்த என்னுடைய தாயை பார்த்தேன். ஏன் இன்னும் இந்த வாழ்க்கையை வாழ்ந்து கொண்டிருக்கிறீர்கள் என அவரிடம் கேட்டேன். அப்போது, உனக்காக தான் வாழ்கிறேன் என அவர் சொன்னது எனக்கு இன்னும் நினைவில் இருக்கிறது. எனக்காக தன்னுடைய இளமையையும், கனவுகளையும் அவர் விலக்கி வைத்தார். இதற்கு மேல் எனக்கு சொல்வதற்கு ஒன்றும் இல்லை. இதனை ஒரு ரகசியமாக வைத்திருக்க விரும்பவில்லை. 

ஒவ்வொரு முறை மறுமணத்தைப் பற்றி என்னுடைய தாயிடம் கூறும் போதெல்லாம், அவர் தொடர்ந்து மறுத்து வந்தார். ஆனால், அவர் உடன் பணி செய்பவர் மூலமாக இந்தத் துணை அமைந்தது. முதலில் அவர் மறுத்தாலும், பின்னர் மறுமணத்திற்கு ஒப்புக் கொண்டார்” எனக் குறிப்பிட்டுள்ளார்.

 

கோகுல் ஸ்ரீதரின் இந்த நேர்மையான முடிவிற்கு பலரும் பாராட்டு தெரிவித்து வருகின்றனர். அவருடைய இந்த ஃபேஸ்புக் பதிவை பலரும் பகிர்ந்து வருகின்றனர்.

Advertisement:
Advertisement:
Advertisement:
[X] Close