[X] Close
JUST IN
  • BREAKING-NEWS மாநிலங்களவை திமுக குழு தலைவராக திருச்சி சிவாவும், மாநிலங்களவை திமுக கொறடாவாக டி.கே.எஸ்.இளங்கோவனும் தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS திமுக மக்களவை குழு துணை தலைவராக கனிமொழி, பொருளாளராக எஸ்.எஸ்.பழனிமாணிக்கம் தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS திமுக மக்களவை கொறடாவாக முன்னாள் மத்திய அமைச்சர் ஆ.ராசா தேர்வு - திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு
  • BREAKING-NEWS சென்னையில் நடைபெற்ற திமுக நாடாளுமன்ற உறுப்பினர்களின் ஆலோசனை கூட்டத்தில், திமுக மக்களவை குழு தலைவராக டி.ஆர்.பாலு எம்.பி. தேர்வு
  • BREAKING-NEWS சென்னை அசோக் நகரில் உள்ள தலைமையகத்தில் டிடிவி தினகரன் தலைமையில், ஜூன் 1ம் தேதி காலை 10 மணிக்கு அமமுக நிர்வாகிகள் ஆலோசனை கூட்டம் நடைபெறுகிறது
  • BREAKING-NEWS மக்களவை தேர்தலில் மக்கள் அளித்த தீர்ப்பை ஏற்கிறோம்; மத்தியில் ஆக்கப்பூர்வமான எதிர்க்கட்சியாக தொடர்ந்து செயல்படுவோம் - காங்கிரஸ் செய்தித்தொடர்பாளர் ரந்தீப் சுர்ஜிவாலா
  • BREAKING-NEWS காங்கிரஸ் கட்சியின் தலைவராக ராகுல் காந்தியே நீடிப்பார் என செயற்குழு கூட்டத்தில் தீர்மானம் நிறைவேற்றம்

தொடர் பாலியல் வன்கொடுமை தாளாது தீ குளித்து பெண் தற்கொலை முயற்சி? 

up-woman-sold-by-father-raped-sets-herself-on-fire-alleging-police-apathy

உத்திரப்பிரதேசத்தில் தொடர் பாலியல் வன்கொடுமையால் பாதிக்கப்பட்ட பெண்ணின் புகாரை போலீசார் ஏற்க மறுத்ததால், மனமுடைந்த பெண் தீ குளித்து தற்கொலைக்கு முயன்றுள்ளார்.

உத்திரப்பிரதேசம் மாநிலம் மீரட் அருகேயுள்ள ஹபூர் பகுதியைச் சேர்ந்த 30வயது பெண் ஒருவர் தீவைத்துக்கொண்டு தற்கொலைக்கு முயன்றுள்ளார். 70% தீக்காயங்களுடன் அவர் தற்போது டெல்லி மருத்துவமனையில் சிகிச்சைப் பெற்று வருகிறார். அப்பெண் தொடர்ந்து பாலியல் வன்கொடுமைக்கு ஆளாக்கப்பட்டதாகவும், போலீசாரிடம் புகார் அளித்தும் உரிய நடவடிக்கை இல்லாததால் மனமுடைந்த அவர் தற்கொலைக்கு முயன்றதாகவும் கூறப்படுகிறது.

போலீசார் வெளியிட்ட தகவலின்படி, ''தற்கொலைக்கு முயன்ற பெண்ணை அவரது தந்தையும், உறவுக்கார பெண் ஒருவரும் சேர்ந்து கடந்த 2014ம் ஆண்டு ரூ.10ஆயிரத்துக்கு விற்றுள்ளனர். அப்பெண்ணை வாங்கிய நபர், பல வீடுகளுக்கு அவரை வீட்டு வேலைக்காக அனுப்பியுள்ளார். 

வீட்டு வேலைக்கு வந்த பெண்ணை பலர் பாலியல் வன்கொடுமை செய்துள்ளனர். சில இடங்களில் சித்திரவதைக்கும் அப்பெண் ஆளாகியுள்ளார். ஒரு கட்டத்தில் கொடுமை தாங்க முடியாமல் காவல் நிலையத்தை அப்பெண் அணுகியுள்ளார். ஆனால் அவரது புகாரை பதிவு செய்ய போலீசார் மறுத்துள்ளனர். இதனால் மனமுடைந்த அப்பெண் தீ குளித்து தற்கொலைக்கு முயன்றதாக கூறப்படுகிறது.

இது குறித்து கருத்து தெரிவித்த ஹபூர் மாவட்ட காவல் ஆய்வாளர் யஷ்வீர் சிங், ''பாலியல் வன்கொடுமை தொடர்பாக 16 பேர் மீது வழக்குப்பதிவு செய்யப்பட்டுள்ளது. விரைவில் உரிய நடவடிக்கை எடுக்கப்படும்’’ என்று தெரிவித்துள்ளார்.

இந்த விவகாரத்தில் அரசு உரிய நடவடிக்கை எடுத்து குற்றவாளிகளுக்கு தகுந்த தண்டனை வழங்க வேண்டுமென உத்திரப்பிரதேச முதல்வருக்கு டெல்லி தேசிய மகளிர் ஆணையம் கடிதம் எழுதியுள்ளது. அக்கடிதத்தில் குற்றவாளிகளுக்கு கடும் தண்டனை வழங்க வேண்டும். அப்போது தான் பாதிக்கப்பட்ட பெண்ணுக்கு நியாயம் கிடைக்கும் எனக் குறிப்பிட்டுள்ளது.

Advertisement:
Advertisement:
Advertisement:
[X] Close