[X] Close
JUST IN
  • BREAKING-NEWS உளவு பார்த்த புகாரில் கைது செய்யப்பட்டு பாகிஸ்தான் சிறையில் உள்ள குல்பூஷண்ஜாதவ் விவகாரத்தில் இந்தியாவிற்கு சாதகமான தீர்ப்பு: சாதகமான தீர்ப்பு வந்துள்ளதால்,அவரை பாகிஸ்தான் தூக்கிலிட முடியாது;பாகிஸ்தான் தனதுதீர்ப்பை மறுபரிசீலனை செய்யவேண்டும் -சர்வதேச நீதிமன்றம்
  • BREAKING-NEWS இந்த ஆண்டு ரூ.600 கோடி செலவில் 2 ஆயிரம் புதிய பேருந்துகள் வாங்கப்படும் - முதல்வர் பழனிசாமி அறிவிப்பு
  • BREAKING-NEWS தமிழகம், புதுச்சேரியில் 2 நாட்களுக்கு மிதமான மழைபெய்ய வாய்ப்பு - சென்னை வானிலை ஆய்வு மையம்
  • BREAKING-NEWS ஹைட்ரோ கார்பன், நியூட்ரினோ போன்ற அனைத்து திட்டங்களுமே வளர்ச்சிக்கான திட்டம் - தமிழிசை சவுந்தரராஜன்
  • BREAKING-NEWS அண்ணா பல்கலைக்கழக கல்விக் கட்டணம் உயர்வு : அட்டவணை வெளியீடு
  • BREAKING-NEWS ”உள்ளாட்சித் தேர்தலுக்கான அறிவிப்பு அக்டோபரில் வெளியாகும்” - மாநில தேர்தல் ஆணையம்
  • BREAKING-NEWS கர்நாடக அணைகளில் இருந்து தமிழகத்திற்கு காவிரி நீர் திறப்பு

ஓடும் பேருந்துக்குள் 'மினி தோட்டம்' - கலக்கும் அரசு பேருந்து ஓட்டுநர்!

bangalore-driver-creates-mini-garden-in-his-bus

ஓடும் பேருந்துக்குள் மினி தோட்டத்தை பராமரித்து வரும் அரசு பேருந்து ஓட்டுநரை சமூக வலைதளவாசிகள் பாராட்டி வருகின்றனர்

இயற்கையை பிடிக்காதவர்கள் யாரும் இருக்க முடியாது. மரம், செடி, கொடிகளை விரும்பும் வன ஆர்வலர்கள் தங்கள் வீடுகளைச் சுற்றி பசுமை ஆக்குகிறார்கள். இடம் இல்லாதவர்கள் கூட மொட்டை மாடியிலும், பூந்தொட்டிகளிலும் செடிகளை வளர்க்கிறார்கள். பலர் தாங்கள் வேலை பார்க்கும் அலுவலகங்களில் கூட சிறிய அளவிலான செடிகளை வளர்ப்பார்கள். இப்படி இருக்க இயற்கை ஆர்வலரான பேருந்து ஓட்டுநர் ஒருவர், தான் ஓட்டிச் செல்லும் பேருந்திலேயே மினி தோட்டத்தை பராமரித்து வருகிறார். அந்த தோட்டத்துக்கு பயணிகள் மத்தியிலும் நல்ல வரவேற்பு கிடைத்துள்ளது.

பெங்களூருவில் அரசு பேருந்து ஓட்டுநரான நாராயணப்பா, பைலாசந்த்ரா - யஷ்வந்த்பூர் மார்க்கத்தில் பேருந்து ஓட்டி வருகிறார். இயற்கை மீது விருப்பம் கொண்ட அவர், சுற்றுச்சூழல் குறித்து விழிப்புணர்வு ஏற்படுத்தும் விதமாக தான் ஓட்டிச் செல்லும் பேருந்திலேயே சிறிய சிறிய செடிகளை வளர்த்து ஒரு மினி தோட்டத்தையே பராமரித்து வருகிறார். 

இது குறித்து கருத்து தெரிவித்த நாராயணப்பா, சுற்றுச்சூழல் குறித்து விழிப்புணர்வு ஏற்படுத்தும் விதமாக 3 வருடங்களுக்கு மேலாக மினி தோட்டத்தை பேருந்துக்குள் பராமரித்து வருவதாக தெரிவித்துள்ளார்.

ஓடும் பேருந்துக்குள் இருக்கும் மினி தோட்டத்துக்கு பயணிகள் மத்தியில் மட்டுமின்றி சமூக வலைதளவாசிகள் மத்தியிலும் வரவேற்பு கிடைத்துள்ளது. பலரும் ஓட்டுநர் நாராயணப்பாவுக்கு பாராட்டுகளை தெரிவித்து வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close