[X] Close
JUST IN
  • BREAKING-NEWS சியாச்சினில் கண்காணிப்பு கோபுரத்தில் இருந்து தவறி விழுந்து தமிழகத்தை சேர்ந்த ராணுவ வீரர் பால்பாண்டி உயிரிழப்பு
  • BREAKING-NEWS ஒட்டப்பிடாரம், திருப்பரங்குன்றம், சூலூர் சட்டப்பேரவை தொகுதிகளுக்கு தேர்தல் நடத்த தயார் - சத்யபிரதா சாஹூ
  • BREAKING-NEWS நூறு நாள் வேலைதிட்டத்தை 200 நாட்களாக உயர்த்த நடவடிக்கை எடுக்கப்படும் - அதிமுக கூட்டணியில் போட்டியிடும் புதிய நீதி கட்சி தலைவர் ஏ.சி.சண்முகத்திற்கு ஆதரவாக முதல்வர் பழனிசாமி பரப்புரை
  • BREAKING-NEWS மணல் கடத்தலுக்கு உதவிய எத்தனை அதிகாரிகள் மீது குண்டாஸ் போடப்பட்டுள்ளது? - உயர்நீதிமன்ற கிளை
  • BREAKING-NEWS திருச்சியில் வரும் 25ல் வேட்புமனு தாக்கல் செய்ய உள்ளேன்; தேர்தல் பரப்புரைக்காக ராகுல் காந்தி விரைவில் தமிழகம் வருவார் - திருநாவுக்கரசர்
  • BREAKING-NEWS லோக்பால் அமைப்பின் முதல் தலைவராக முன்னாள் உச்சநீதிமன்ற நீதிபதி பினாகி சந்திரகோஷ் பதவியேற்றார்
  • BREAKING-NEWS தேமுதிக பொருளாளர் பிரேமலதா விஜயகாந்த் 27ம் தேதி முதல் தேர்தல் பரப்புரையை தொடங்குகிறார்

பிரச்சார போஸ்டரில் அபிநந்தன் படம் - பாஜக எம்.எல்.ஏவுக்கு தேர்தல் ஆணையம் நோட்டீஸ்

take-down-bjp-posters-with-iaf-pilot-abhinandan-s-photo-ec-to-facebook

தேர்தல் பிரச்சார போஸ்டரில் விமானப்படை வீரர் அபிநந்தன் படத்தை பயன்படுத்திய பாஜக எம்.எல்.ஏ-வுக்கு தேர்தல் ஆணையம் நோட்டீஸ் அனுப்பியுள்ளது.

மத்திய அரசின் பதவிக்காலம் வரும் ஜூன் 3ஆம் தேதி முடிவடையவுள்ளது. ஏப்ரல் 11ம் தேதி தொடங்கி மே 19ம் தேதி வரை 7 கட்டங்களாக நாடாளுமன்ற தேர்தல் நடைபெறும் என்று தேர்தல் ஆணையம் மார்ச் 10ம் தேதி அறிவித்தது. இதனிடையே, சமீபத்தில் தேசிய, மாநில கட்சிகளின் தலைவர்கள், பொதுச்செயலாளர்களுக்கு தேர்தல் ஆணையம் கடிதம் ஒன்றை அனுப்பியது. அதில், ராணுவ வீரர்கள் மற்றும் உயர் அதிகாரிகளின் படங்களை எந்த வகையிலும் பயன்படுத்தக்கூடாது என நிர்வாகிகள், வேட்பாளர்களுக்கு அரசியல் கட்சிகளின் தலைவர்கள் அறிவுறுத்த வேண்டும் என தெரிவிக்கப்பட்டு இருந்தது. 

       

இந்நிலையில், விமானப்படை விங் கமாண்டர் அபிநந்தன் படத்தை தேர்தல் பிரச்சார போஸ்டரில் பயன்படுத்தியதாக டெல்லியைச் சேர்ந்த பாஜக எம்.எல்.ஏ ஓம் பிரகாஷ் ஷர்மாவுக்கு தேர்தல் ஆணையம் நோட்டீஸ் அனுப்பியுள்ளது. எம்.எல்.ஏ ஓம் பிரகாஷ் தன்னுடைய ஃபேஸ்புக் பக்கத்தில் பிரச்சாரம் செய்யும் வகையில் ஒரு போஸ்டரை பதிவிட்டு இருந்தார்.

அந்த படத்தில் பிரதமர் மோடி, அமித்ஷா உள்ளிட்டோர் படத்துடன் அபிநந்தன் படமும் இருந்தது. அந்த போஸ்டரில், ‘பாகிஸ்தான் பணிந்துவிட்டது. நம்முடைய வீரர் திரும்பி வந்துவிட்டார். குறுகிய நேரத்தில் அபிநந்தனை திரும்ப கொண்டு வந்தது பிரதமர் நரேந்திர மோடி ராஜதந்திரத்திற்கு கிடைத்த மிகப்பெரிய வெற்றி’ என்று குறிப்பிட்டு இருந்தார்.

         

இதனையடுத்து, அந்த படத்தை தன்னுடைய ஃபேஸ்புக்கில் இருந்து நீக்க வேண்டும் என்றும் பதிவிட்டது குறித்து விளக்கம் அளிக்க வேண்டும் தேர்தல் ஆணையம் தன்னுடைய நோட்டீஸில் குறிப்பிட்டுள்ளது. பாஜக எம்.எல்.ஏ மற்றும் அதனை ஷேர் செய்த பாஜக தலைவரையும் விளக்கம் நாளைக்குள் விளக்கம் அளிக்க வேண்டும் என்று தெரிவிக்கப்பட்டுள்ளது. 

         

இதனிடையே, பாஜக தலைவர்கள் பதிவிட்ட படங்களை நீக்க வேண்டும் என்று ஃபேஸ்புக்கிடம் தேர்தல் ஆணையம் கேட்டுக் கொண்டுள்ளது. தேர்தல் ஆணையத்தின் அறிவுறுத்தலுக்கு பின்னர் எடுக்கப்பட்ட முதல் நடவடிக்கை இது. 

Advertisement:
இது தொடர்பான செய்திகள் :
Advertisement:
Advertisement:
[X] Close