[X] Close
JUST IN
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு

பயங்கரவாதி அப்துல் ரஷீத் காஸி சுட்டுக் கொலை

pulwama-mastermind-abdul-rasheed-ghazi-killed

காஷ்மீரின் புல்வாமாவில் கொலை வெறித் தாக்குதலுக்கு மூளையாக செயல்பட்ட பயங்கரவாதி அப்துல் ரஷீத் காஸியை பாதுகாப்பு படையினர் சுட்டுக் கொன்றுள்ளனர். 

பாகிஸ்தானை சேர்ந்த அப்துல் ரஷீத் காஸியை பயங்கரவாதிகளை உற்பத்தி செய்து தள்ளும் இயந்திரம் என்றே கூற முடியும். 18 முதல் 23 வயதுள்ள இளைஞர்களை தேடிப்பிடித்து அவர்களை மூளைச்சலவை செய்து, மதவெறியை ஊட்டி, தாக்குதல் நுட்பங்களை சொல்லித் தந்து, காஷ்மீருக்கு அனுப்புவதே இவரது தலையாய பணியாக இருந்தது. கைபர் பக்துன்கவா பகுதியில் அமெரிக்கா உள்ளிட்ட மேற்கத்திய நாடுகள் கொண்ட நேட்டோ படைக்கு எதிராக போர் புரிந்த அனுபவம் பெற்ற காஸி, பின்னர் 2011ம் ஆண்டு பாகிஸ்தான் ஆக்கிரமிப்பு காஷ்மீர் பக்கம் பார்வையைத் திருப்பினார்.
Image result for pulwama attack

ஜெய்ஷ் இ முகமது இயக்கத்தின் தலைவர் மசூத் அசாரின் வலதுகரமாக மாறிய ரஷீத், அந்த அமைப்பு நடத்தும் பயிற்சி மையங்களில் தலைமைப் பயிற்சியாளரானார். எப்படியெல்லாம் வெடிகுண்டு தயாரிக்க வேண்டும். எப்படியெல்லாம் தற்கொலைப் படை தாக்குதல் நடத்த வேண்டும் எனச் சொல்லித் தந்து மாணவர்களை கூர்தீட்டி காஷ்மீருக்கு அனுப்பினார். Image result for ghazi

இதற்கிடையில் காஷ்மீரில் கடந்தாண்டு பயங்கரவாதிகளுக்கு எதிராக பாதுகாப்புப் படையினர் தங்கள் வேட்டையை வேகப்படுத்தினர். இதில் ஜெய்ஷ் இ முகமது இயக்கத்தின் முக்கிய தளபதிகள் உட்பட 230 பேர் கொல்லப்பட்டனர். 
இதில் மசூத் அசாரின் உறவினர்கள் உஸ்மான் மற்றும் தல்ஹா ரஷீத் ஆகியோரும் கொல்லப்பட்டனர்.  

இந்நிலையில் இவை அனைத்துக்கும் மிகப்பெரிய அளவில் பதிலடி தர திட்டமிட்ட மசூத் அசார், தனது நம்பிக்கைக்குரிய தளபதியான ரஷீத் காஸியை கடந்த டிசம்பர் மாதம் காஷ்மீருக்கு அனுப்பினார். அப்போது அடில் அகமது தர்ரை தனது நாசவேலைக்கான கருவியாகத் தேர்வு செய்த காஸி, தற்கொலைப் படைத் தாக்குதலை அவர் மூலம் கடந்த 14ம் தேதி அரங்கேற்றினார்.

இந்நிலையில், இந்தியப் படைகளின் தாக்குதலுக்கு இப்போது காஸி பலியாகியுள்ளார். ஆனால், தற்போது கொல்லப்பட்டது காஸி அல்ல. ஏனெனில் காஸியை பாகிஸ்தான் படைகள் 12 ஆண்டுகளுக்கு முன்பே கொன்று விட்டன என அந்நாட்டு ஊடகங்கள் திசை திருப்பும் நோக்கில் தெரிவித்துள்ளன.

Advertisement:
இது தொடர்பான செய்திகள் :
Advertisement:
Advertisement:
[X] Close