[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

“ அரசு எங்களை ஓரங்கட்டுகிறது”- தேசிய புள்ளிவிவர ஆணையத் தலைவர் ராஜினாமா

nsc-members-feel-sidelined-by-govt-resign-on-row-over-jobs-gdp-data

தேசிய புள்ளிவிவர ஆணையத் தற்காலிகத் தலைவர் மற்றும் வெளிவிவகார உறுப்பினர் அரசு தங்களை ஓரங்கட்டுவதாக கூறி பணிகளை ராஜினாமா செய்துள்ளனர்.

தேசிய புள்ளிவிவர ஆணையத் தற்காலிகத் தலைவர் பிசி மோகனன். வெளிவிவகார உறுப்பினர் ஜேவி மீனாட்சி. இவர்களின் பணிக்காலம் வரும் 2020-ஆம் ஆண்டு ஜூன் மாதம் வரை உள்ள நிலையில், அரசு தங்களை ஓரங்கட்டுவதாக கூறி பணிகளில் இருந்து விலகியுள்ளனர். இதுதொடர்பாக அவர்கள் கூறும்போது, “ கடந்த 2017-18-ஆம் ஆண்டிற்கான வேலைவாய்ப்பு கணக்கெடுப்பை வெளியிடாமல் நிறுத்தி வைத்துள்ளனர். அதேமசயம் எங்களுடன் எந்தவித ஆலோசனையும் மேற்கொள்ளாமல் கடந்தாண்டிற்கான மொத்த உள்நாட்டு உற்பத்தி விவரம் வெளியிடப்பட்டுள்ளது.

முக்கிய முடிவுகளில் எங்களை கண்டுகொள்வதில்லை. அரசாங்கத்தால் ஓரங்கட்டப்படுகிறோம். அதுமட்டுமில்லாமல் தேசிய புள்ளிவிர ஆணையத்தின் தற்போதைய முடிவுகள் எதுவும் செயல்படுத்தப்படுவதும் இல்லை” எனக் கூறியுள்ளனர். இதுமட்டுமில்லாமல் NSSO-வின் வீட்டுக் கணக்கெடுப்பு தொடர்பான விவரங்களை வெளியிடுவதில் தாமதம் ஏற்பட்டதும் இவர்கள் பதவி விலக காரணமாக கூறப்படுகிறது.

இதனிடையே இந்திய புள்ளியியல் கணக்கெடுப்பு தலைமையாளரான பிரவீன் ஸ்ரீவஸ்தவா இதுகுறித்து கூறும்போது, “ கடந்த சில மாதங்களில் நடைபெற்ற ஆணையக் கூட்டத்தில் அவர்கள் எந்தவித குறையையும் எழுப்பவில்லை. ஆணையம் எப்போதும் ஆணையக் குழுவின் அறிவுறுத்தல்களை கேட்டு அதற்கேற்ற நடவடிக்கை எடுத்து வருகிறது” எனத் தெரிவித்துள்ளார்.

Advertisement:
Advertisement:
Advertisement:
[X] Close