[X] Close
JUST IN
  • BREAKING-NEWS மத்திய மாநில ஆட்சியில் சட்டம்-ஒழுங்கை நிலைநாட்டும் பொறுப்பில் இருப்போர் முகிலனை மீட்க வேண்டும் - மு.க.ஸ்டாலின்
  • BREAKING-NEWS 21 தொகுதி இடைத்தேர்தலில் திமுக சார்பில் போட்டியிட விருப்பம் உள்ளவர்கள் விருப்ப மனு அளிக்கலாம் - திமுக பொதுச்செயலாளர் க.அன்பழகன்
  • BREAKING-NEWS மக்களவை தேர்தலை முன்னிட்டு திமுக சார்பில் 25ம் தேதி முதல் அண்ணா அறிவாலயத்தில் விருப்ப மனு விநியோகம் - திமுக பொதுச்செயலாளர் க.அன்பழகன்
  • BREAKING-NEWS திண்டிவனம் அருகே நிகழ்ந்த சாலை விபத்தில் விழுப்புரம் அதிமுக எம்.பி. ராஜேந்திரன் (வயது 62) உயிரிழப்பு
  • BREAKING-NEWS சென்னையில் பெட்ரோல் லிட்டருக்கு ரூ. 74.08 காசுகளாகவும், டீசல் லிட்டருக்கு ரூ. 70.32 காசுகளாகவும் விலை நிர்ணயம்

நாளை மாலைக்குள் ரூ.100 கோடி செலுத்த வேண்டும் - கார் நிறுவனத்துக்கு அபராதம்!

ngt-asks-volkswagen-to-pay-penalty-of-rs-100-crore-in-24-hours

ஃபோக்ஸ்வாகன் நிறுவனம் நாளை (ஜனவரி 18) மாலை 5 மணிக்குள் ரூ.100 கோடி அபராதம் செலுத்த வேண்டும் என்று பசுமை தீர்ப்பாயம் தெரிவித்துள்ளது

ஜெர்மனி நாட்டைச் சேர்ந்த ஃபோக்ஸ்வாகன் கார் நிறுவனத்துக்கு இந்தியா மிகப்பெரிய சந்தையாக இருக்கிறது. இந்நிலையில் ஃபோக்ஸ்வாகன் கார்கள் அதிக அளவில் நைட்ரஜன் ஆக்ஸ்சைடை வெளியிடுவதாகவும், இதனால் காற்று மாசடைவதாகவும் புகார் தெரிவிக்கப்பட்டது. இதனையடுத்து 4 பேர் கொண்ட குழுவை அமைத்து பசுமை தீர்ப்பாயம் விசாரணை மேற்கொண்டது. 

அதில் 2016 -ம் ஆண்டில் மட்டும் 48.678 டன் நைட்ரஜன் ஆக்ஸ்சைடை ஃபோக்ஸ்வாகன் கார்கள் டெல்லியில் வெளியிட்டதாக அறிக்கை அளிக்கப்பட்டது. இதனையடுத்து கடந்த ஆண்டு நவம்பர் மாதம் ஃபோக்ஸ்வாகன்  நிறுவனத்துக்கு ரூ.171 கோடி அபராதம் விதித்தது பசுமை தீர்ப்பாயம். ஆனால் அபராதத்தொகையை ஃபோக்ஸ்வாகன் நிறுவனம் இதுவரை செலுத்தவில்லை. 

இந்த விவகாரத்தை இன்றும் மீண்டும் கவனத்தில் கொண்டுவந்த பசுமை தீர்ப்பாயம் இந்திய மாசு கட்டுபாட்டு விதிமுறைகளை மீறிய ஃபோக்ஸ்வாகன் நிறுவனம் நாளை (ஜனவரி 18) மாலை 5 மணிக்குள் ரூ.100 கோடி செலுத்த வேண்டும் என்று தெரிவித்துள்ளது. மேலும் அபராதத்தொகையை செலுத்த தவறினால் இந்தியாவில் உள்ள ஃபோக்ஸ்வாகன் நிறுவனத்தின் சொத்துகள் முடக்கப்படும் அல்லது இந்திய நாட்டிற்கான ஃபோக்ஸ்வாகன் நிறுவனத்தின் தலைவர் கைது செய்யப்படுவார் என்ற கடுமையான எச்சரிக்கையை விடுத்துள்ளது.

Advertisement:
Advertisement:
Advertisement:
[X] Close