[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

மோசமான சாலைகளால் 5 ஆண்டுகளில் 14 ஆயிரம் பேர் உயிரிழப்பு

14-926-person-die-for-road-accidents-in-last-5-five-years

கடந்த ஐந்து ஆண்டுகளில் மோசமான சாலைகளால் நேரிட்ட விபத்துகளில் 14 ஆயிரத்து 926 பேர் உயிரிழந்தது குறித்து உச்சநீதிமன்றம் கவலை தெரிவித்துள்ளது. 

இந்தியாவில் நாள்தோறும் நூற்றுக்கணக்கனோர் பலியாவதற்கு காரணமாக விபத்துகள் அமைகின்றன. ஒரு நொடிப் பொழுதில் அனைத்தையும் தலைகீழாக மாற்றி, பல உயிர்களை பறித்துவிடும் கொடூரமாக விபத்துகள் அமைகின்றன. ஒரு விபத்தில் 5 பேர் பலி, 10 பேர் பலி என்ற செய்தியாக பார்ப்பதைவிட, அந்தப் பத்து உயிர்களும் ஒவ்வொரு குடும்பத்தின் உறுப்பினர்கள், அவர்களை நம்பி பலர் உள்ளனர் என்று ஆராய்ந்து பார்த்தால் அதன் வலி புரியும். 

நாட்டில் நோய்களால் இறப்பவர்கள், வயது முதுமையால் இறப்பவர்கள், தற்கொலை செய்துகொள்பவர்கள் என்பவர்களுக்காக பல்வேறு விழிப்புணர்வுகளை மேற்கொள்ளும் பலரும் விபத்துகளை எளிதில் கடந்து செல்கின்றனர். இந்த விபத்துகள் ஏற்பட முக்கிய காரணமாக இருப்பது மோசமான சாலைகள்தான். இதுதொடர்பாக உச்சநீதிமன்றத்தில் வழக்கு தொடரப்பட்டது. 

இந்நிலையில் இந்த வழக்கு மதன் பி தாக்கூர் தலைமையிலான அமர்வு முன் விசாரணைக்கு வந்தது. அப்போது எல்லையிலோ, பயங்கர‌வாதிகளாலோ கொல்லப்படுவோரைக் காட்டிலும், மோசமான சாலைகளால் ஏற்படும் உயிரிழப்புகள் அதிகம் இருப்பதாகவும், இதனை ஏற்றுக்கொள்ள முடியாது என்றும் நீதிபதிகள் தெரிவித்தனர்.

2013 தொடங்கி, 2017 வரையிலான காலகட்டத்தில் அதிக உயிரிழப்புகள் நேர்ந்திருப்பது அதிகாரிகளின் அலட்சியத்தையே காட்டுவதாக நீதிபதிகள் குறிப்பிட்டனர். மோசமான சாலைகளால் நேரிடும் விபத்துகள் தொடர்பாக மத்திய அரசு பதிலளிக்க உத்தரவிட்ட நீதிபதிகள், வழக்கை வரும் ஜனவரி மாதத்திற்கு ஒத்திவைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close