[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை

வங்கிகளின் வாராக் கடனுக்கு காங்கிரசே காரணம்- அமித் ஷா தாக்கு..!

bad-loans-are-results-of-congress-government-s-misdeeds-amit-shah

முந்தைய காங்கிரஸ் அரசுகளின் தவறான செயல்களால்தான் வங்கிகளின் வாராக்கடன் இந்த நிலைக்கு சென்றுள்ளதாக பாரதிய ஜனதா கட்சித் தலைவர் அமித் ஷா குற்றம்சாட்டியுள்ளார்.

ராஜஸ்தான் தலைநகர் ஜெய்ப்பூரில் தேர்தல் பரப்புரை கூட்டத்தில் பேசிய அவர், வங்கிகளில் இப்போதுள்ள வாராக்கடன்கள் பிரதமர் மோடி அரசின்போது தரப்பட்டவையல்ல என்று தெரிவித்துள்ளார். பெரிய நிறுவனம் ஒன்றுக்கு ஆயிரக்கணக்கான கோடி கடன் பெற்றுத் தந்ததில் நேரு குடும்பத்தைச் சேர்ந்த மருமகன் கமிஷன் பெற்றதாக சோனியா காந்தியின் மருமகன் ராபர்ட் வதேரா பற்றி மறைமுகமாக குறிப்பிட்டார்.

அந்த கமிஷனைக் கொண்டு பிகானெர் அருகே 150 ஹெக்டேர் நிலத்தை அவர் குறைந்த விலைக்கு வாங்கியதாக ஆங்கில நாளேடு செய்தி வெளியிட்டிருப்பதையும் அமித் ஷா சுட்டிக்காட்டினார். விஜய் மல்லையா, நிரவ் மோடி ஆகியோர் காங்கிரஸ் ஆட்சியின்போது தாராளமாக கடன் பெற்றவர்கள் என்றும், காங்கிரஸ் ஆட்சியின்போது தைரியமாக வலம் வந்த அவர்கள், மோடி அரசு வந்ததால்தான் வெளிநாட்டுக்கு தப்பினர் என்றும் அமித் ஷா கூறியுள்ளார்.

ராஜஸ்தானில் டிசம்பர் 7-ஆம் தேதி சட்டப்பேரவைத் தேர்தல் நடைபெற உள்ளது. இதற்காக பாஜக, காங்கிரஸ் கட்சிகள் தீவிர பரப்புரையில் ஈடுபட்டு வருகின்றன. தேர்தலில் பதிவான வாக்குகள் டிசம்பர் 11-ஆம் தேதி எண்ணப்பட்டு அன்றைய தினமே முடிவுகள் அறிவிக்கப்படும். தற்போது ராஜஸ்தானில் வசுந்தர ராஜே தலைமையில் பாஜக ஆட்சி நடைபெற்று வருவது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close