[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

சபரிமலை மண்டல பூஜையை காண 539 பெண்கள் முன்பதிவு.. போலீசார் பலத்த பாதுகாப்பு

539-women-aged-between-10-50-apply-for-sabarimala-visit

மண்டல பூஜைக்காக சபரிமலை வரும் 16-ஆம் தேதி திறக்கப்பட உள்ள நிலையில் கோயிலுக்குச் செல்ல 539 இளம்பெண்கள் ஆன்லைன் வழியாக முன்பதிவு செய்துள்ளனர்.

சபரிமலை கோயிலுக்குள் அனைத்து வயது பெண்களும் செல்லலாம் என உச்சநீதிமன்றம் அண்மையில் பரபரப்பு தீர்ப்பு வழங்கியது. இதனால் மாநிலம் முழுவதும் போராட்டம் வெடித்தது. ஆகவே அப்பகுதிகளில் ஏராளமான போலீஸ் பாதுகாப்பு போடப்பட்டது. உச்சநீதிமன்றத்தின் தீர்ப்புக்கு பின் கடந்த மாதம் 17-ஆம் தேதி நடை திறக்கப்பட்டது. அப்போது 10 முதல் 50 வயது வரை உள்ள பெண்களை அனுமதிக்க எதிர்ப்பு தெரிவித்து பல இடங்களில் போராட்டம் நடைபெற்றது. இதனால் சபரிமலைக்கு வந்த பெண்கள் திருப்பி அனுப்பி வைக்கப்பட்டனர்.

இதனையடுத்து சித்திரை ஆட்டத் திருநாள் பூஜைக்காக கடந்த திங்கள், மற்றும் செவ்வாய்கிழமை (நவம்பர் 4,5-ஆம் தேதிகள்) சபரிமலை கோயிலின் நடை திறக்கப்பட்டது. இதில் மொத்தமாக 7300 பேர் சபரிமலையில் தரிசனம் செய்துள்ளனர். ஆனால் உண்மையான பக்தர்கள் வெறும் 200 பேர் எனக் கூறும் போலீசார் தரப்பு, மற்றவர்கள் அனைவரும் பல்வேறு அமைப்புகளை சேர்ந்தவர்கள் எனக் கூறுகின்றனர்.

இந்நிலையில் மண்டல பூஜைக்காக சபரிமலை வரும் 16-ஆம் தேதி திறக்கப்பட உள்ள நிலையில் கோயிலுக்குச் செல்ல 539 இளம்பெண்கள் ஆன்லைன் வழியாக முன்பதிவு செய்துள்ளனர். மண்டல பூஜையை முன்னிட்டு இதுவரை 3.5 லட்சம் பேர் தரிசனத்துக்காக ஆன்லைன் வழியாக முன்பதிவு செய்துள்ளனர். இவர்களில் 539 பேர் இளம்பெண்கள். அதாவது 10 வயதிலிருந்து 50 வயதிற்குட்பட்டவர்கள் என்பது தெரியவந்துள்ளது.

உச்சநீதிமன்றம் தீர்ப்பு வழங்கியிருந்தாலும் கூட 10 வயதிலிருந்து 50 வயதிற்குட்பட்டவர்கள் கோயிலுக்கு செல்ல எதிர்ப்பு தெரிவித்து பலர் போராட்டங்களில் ஈடுபட்டு வருகின்றனர். இந்நிலையில் மண்டல பூஜையை முன்னிட்டு அசம்பாவிதங்களை தவிர்க்கும் பொருட்டு போலீசார் பலத்த பாதுகாப்பு ஏற்பாடுகளை செய்ய தீவிரம் காட்டி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close