[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

“சபரிமலை எல்லா மதத்தினருக்கும் சொந்தமானது” - கேரள உயர்நீதிமன்றம்

sabarimala-is-for-all-ban-on-non-hindus-will-ruin-secular-fabric-kerala-hc

சபரிமலை எல்லா மதத்தினருக்கும் சொந்தமானது என்றும் யாருக்கும் தடை விதிக்க முடியாது என்றும் கேரள உயர்நீதிமன்றம் தெரிவித்துள்ளது. 

சபரிமலை ஐயப்பன் கோயிலில் அனைத்து வயது பெண்களையும் அனுமதிக்கலாம் என உச்சநீதிமன்றம் தீர்ப்பளித்தது. இதற்கு கேரளா, தமிழகம், கர்நாடகா, ஆந்திரா மாநிலங்களில் கடும் எதிர்ப்பு கிளம்பியது. நீதிமன்ற உத்தரவுக்கு எதிராக மாநிலத்தின் பல்வேறு இடங்களில் போராட்டமும் நடைபெற்றது. 

உச்சநீதிமன்ற தீர்ப்புக்கு பின்பு  கடந்த 17 ஆம் தேதி ஐயப்பன் கோயிலின் நடை திறக்கப்பட்டது. இதனையடுத்து நடை திறக்கப்பட்ட நாளில் இருந்து பெண்கள் சபரிமலை கோயில் சந்நிதானத்திற்கு பெண்கள் சிலர் செல்ல முயன்றனர். ஆனால், அவர்களை எதிர்த்து, பக்தர்களின் தொடர் போராட்டங்களால் யாரும் கடைசிவரை கோயிலுக்குள் அனுமதிக்கப்படவில்லை. 

இந்நிலையில், சபரிமலை ஐயப்பன் கோயிலில் இந்துக்கள் அல்லாதவர்கள் வழிபடுவதற்கு தடைவிதிக்க வலியுறுத்தி கேரள பாஜக தலைவர்களுள் ஒருவரான டி.ஜி.மோகன்தாஸ் தாக்கல் செய்த மனு மீதான விசாரணை கேரள உயர்நீதிமன்றத்தில் இன்று நடைபெற்றது. 

  

அப்போது, “சபரிமலை எல்லா மதத்தினருக்கும் சொந்தமானது. எந்த மதத்தினருக்கும் தடைவிதிக்க முடியாது. அப்படி தடை விதித்தால் அது மதச்சார்பின்மையின் மாண்பை சீர்குலைத்துவிடும். இந்த மனுவே சமுதாயத்தில் மக்களிடையே பிரிவினையை ஏற்படுத்தலாம். 

இருமுடி கட்டாமல் கூட பக்தர்கள் சபரிமலையில் தரிசனம் செய்யலாம். பதினெட்டாம் படி சந்நிதானத்தில் நுழையதான் இருமுடி கட்டியிருக்க வேண்டியது அவசியம்” என்று நீதிபதிகள் கூறினார்.

இந்த மனு மீது கேரள அரசு பதிலளிக்க உத்தரவிட்ட நீதிமன்றம், வழக்கு விசாரணையை நவம்பர் 5ம் தேதிக்கு ஒத்தி வைத்தது.

Advertisement:
இது தொடர்பான செய்திகள் :
Advertisement:
Advertisement:
[X] Close