[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

பிரதமர் மோடியின் பேச்சு அவைக் குறிப்பில் இருந்து நீக்கம்

pm-s-remarks-on-congress-leader-deleted-in-parliament

மாநிலங்களவையில் பேசிய பிரதமர் மோடியின் ஆட்சேபத்திற்குரிய பேச்சு அவைக் குறிப்பில் இருந்து நீக்கம் செய்யப்பட்டது. மாநிலங்களவைத் தலைவர் வெங்கையா நாயுடு இந்த நடவடிக்கையை மேற்கொண்டார்.

மாநிலங்களவைத் துணை தலைவராக இருந்த பி.ஜே.குரியனின் பதவிக்காலம் கடந்த ஜூலை 1ம் தேதியுடன் முடிவடைந்த நிலையில் அந்தப் பதவிக்கு நேற்று காலை 11 மணிக்கு தேர்தல் நடைபெற்றது. பாரதிய ஜனதா தலைமையிலான தேசிய ஜனநாயக கூட்டணி சார்பில் ஐக்கிய ஜனதா தளத்தின் ஹரிவன்ஷ் நாராயணன் சிங், காங்கிரஸ் உள்ளிட்ட எதிர்க்கட்சிகளின் சார்பில் பி.கே.ஹரிபிரசாதும் போட்டியிட்டனர். முடிவில் தேசிய ஜனநாயக கூட்டணி சார்பில் போட்டியிட்ட ஹரிவன்ஷ் வெற்றி பெற்றார்.

இதனையடுத்து மாநிலங்களையில் பேசிய பிரதமர் மோடி, ஹரிவன்ஷ் நாராயணன் சிங்கிற்கு தனது வாழ்த்தினை தெரிவித்தார். தொடர்ந்து பேசிய அவர், எதிர்க்கட்சி சார்பில் போட்டியிட்டு தோல்வியடைந்த ஹரிபிரசாத்தை விமர்சித்து பேசினார். எனவே பிரதமர் மோடியின் ஆட்சேபத்திற்குரிய கருத்தை அவைக் குறிப்பில் இருந்து நீக்க வேண்டும் என காங்கிரஸ் உள்ளிட்ட எதிர்க்கட்சிகளின் எம்.பி.க்கள் வலியுறுத்தினர். அதனை பரிசீலித்து முடிவெடுப்பதாக மாநிலங்களவைத் தலைவர் வெங்கையா நாயுடு தெரிவித்திருந்தார். தொடர்ச்சியாக எதிர்க்கட்சிகளின் கோரிக்கையை ஏற்று பிரதமர் மோடியின் பேச்சை அவைக் குறிப்பில் இருந்து நீக்கி வெங்கையா நாயுடு உத்தரவிட்டார். அதேபோல மத்திய அமைச்சர் ராம்தாஸ் அதவாலே பேசிய பேச்சும் அவைக் குறிப்பில் இருந்து நீக்கப்பட்டது. பொதுவாக நாடாளுமன்றத்தில் பேசும் பிரதமரின் பேச்சுகள் அரிதிலும் அரிதாகத் தான் நீக்கப்படும் என்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close