[X] Close
JUST IN
  • BREAKING-NEWS வெள்ளப் பெருக்கு பாதிப்பு: தமிழகத்தில் ஆங்காங்கே போக்குவரத்து துண்டிப்பு
  • BREAKING-NEWS கொச்சி விமான நிலையம் மூடல்
  • BREAKING-NEWS வரலாற்று நாயகன் அஜித் வடேகர் மறைந்தார்
  • BREAKING-NEWS இந்தியாவின் 72வது சுதந்திர தினம் - கோலாகல கொண்டாட்டம்
  • BREAKING-NEWS இன்று கூடுகிறது திமுக அவசர செயற்குழு
  • BREAKING-NEWS மெரினாவில் கருணாநிதிக்கு இடம் கொடுத்த தீர்ப்புக்கு எதிராக அரசு மேல்முறையீடு செய்திருந்தால் நானே போராட்டத்தில் இறங்கியிருப்பேன் -ரஜினிகாந்த்
  • BREAKING-NEWS சென்னையில் நடிகர் சங்கம் சார்பில் மறைந்த திமுக தலைவர் கருணாநிதிக்கு நினைவேந்தல் நிகழ்ச்சி

நல்ல வேலைக்கு "குட்-பை" கிராமம் கிராமமாக செல்லும் பேட்மேன்..!

mangesh-jha-quit-his-job-to-become-the-padman-of-jharkhand

கிராமப்புற பெண்கள் மத்தியில் மாதவிடாய் சுகாதாரம் குறித்த விழிப்புணர்வை ஏற்படுத்தும் நோக்கில் இளைஞர் ஒருவர் கிராமம் கிராமமாக சென்று வருகிறார்.

ஜார்க்கண்ட் மாநிலத்தை சேர்ந்த 32 வயது இளைஞர் மங்கேஷ் ஜா. கடந்த 2014-ம் ஆண்டு உயர்தர ஐந்து நட்சத்திர ஹோட்டல் ஒன்றில் பணிபுரிந்தார். தொல்லையில்லாத வேலை. 1-ம் தேதியானால் சம்பளம் என எந்தவித பிரச்னையும் இல்லாமல்தான் வாழ்ந்து வந்தார். ஆனால் எவ்வளவு நாள் தான் இப்படி வேலைபார்ப்பது..? மக்களுக்கான நல்ல விஷயம் ஏதாவது செய்ய வேண்டும் என சிந்தித்தார் மங்கேஷ் ஜா. அதனால் தனது பணியை துறந்தார். ஜார்க்கண்ட் மாநிலத்தின் மிகச் சாதாரணமாக கிராமங்களுக்கு சென்றார். சாலை வசதிகள் இல்லை. பேருந்து வசதி இல்லை. மருத்துவ வசதி இல்லை.. இப்படிப்பட்ட கிராமங்களுக்கு தொடர்ச்சியாக கஷ்டப்படாமல் இஷ்டப்பட்டு சென்றார் மங்கேஷ் ஜா. அவர் அதிகம் சென்றது பழங்குடியின மக்கள் வசிக்கும் பகுதிகளுக்குதான்.

பின்னர் கிராம பெண்கள் மத்தியில் மாதவிடாய் சுகாதாரம் பற்றி பேசும் அவர் பெண்களுக்கு தேவையான சானிட்டரி பேட்களை வழங்கி வருகிறார். கடந்த 2014-ஆம் ஆண்டிலிருந்து இந்த பணியை செய்து வருவதால் ஏழை மக்களுக்காவே மங்கேஷ் ஜாவின் வாழ்க்கை மாறிவிட்டது. பொதுவாக கிராமப்புறங்களில் பெண்கள் வறுமையால் பாதிக்கப்படுகின்றனர். அவர்கள் மாதவிடாய் குறித்த பிரச்னைகளை வெளியில் பேசவும் தயங்குகின்றனர். அத்தகைய பெண்களிடமும் அவர் விழிப்புணர்வை ஏற்படுத்தி சானிட்டரி பேட்களை வழங்கி வருகிறார். தொடக்கத்தில் மங்கேஷ் ஜாவை சந்தேக கண்ணுடன் பார்த்த கிராம பெண்கள் பின்னர் இவரின் தலைசிறந்த பணியின் அற்புதத்தை உணரத் தொடங்கிவிட்டனர். பிரபல நடிகரான அக்ஷ்ய் குமார் மங்கேஷ் ஜாவின் தனித்துவமான பணியை பாராட்டியுள்ளார்.

போட்டி நிறைந்த உலகில் அன்பு, சமூக சேவை என்பதெல்லாம் நாளுக்கு நாள் குறைந்து வருகிறது. இந்நிலையில் மங்கேஷ் ஜா போன்றோர் பாராட்டப்பட வேண்டிய பெருமைக்குரியவர்கள் என சமூக ஆர்வலர்கள் கருத்து தெரிவிக்கின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close