[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.65 காசுகளாகவும், டீசல் லிட்டருக்கு ரூ. 69.14 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

‘நிபா’வைரஸ் அபாயம் : எம்.எல்.ஏ-வால் பேரவைக்குள் ஏற்பட்ட சர்ச்சை!

nipah-virus-kerala-mla-parakkal-abdulla-stirs-up-controversy-by-wearing-mask-gloves-in-assembly

கேரள சட்டப்பேரவைக்குள் எம்.எல்.ஏ ஒருவர் முகமூடி மற்றும் கையுறை அணிந்து வந்ததால் சர்ச்சை ஏற்பட்டது.

கேரள மாநிலம் சட்டப்பேரவையில் இன்று ‘நிபா’வைரஸ் தொடர்பாக ஆளும் மற்றும் எதிர்க்கட்சிகள் இடையே காரசார விவாதம் நடைபெற்றது. இந்த விவாதத்திற்கு இடையே, குட்டியாடி தொகுதியின் எம்.எல்.ஏ-வான இந்திய யூனியன் முஸ்லீம் லீக் கட்சியைச் சேர்ந்த பாராக்கல் அப்துல்லா முகமூடி மற்றும் கையுறை அணிந்து வந்ததால் அவை முழுவதும் சலசலப்புடன், சர்ச்சையும் ஏற்பட்டது. ஆனால் அவரது இந்தச் செயலுக்கு காங்கிரஸ் உள்ளிட்ட எதிர்க்கட்சினர் ஆரவாரத்துடன் வரவேற்பு அளித்தனர். 

இதுதொடர்பாக பேசிய முதலமைச்சர் பினராயி விஜயன், ‘ஒரு முக்கியமான பிரச்னை தொடர்பான விஷயத்தில் இப்படி செய்வது சிறுபிள்ளைத்தனமாக உள்ளது’ என்றார். சுகாதாரத்துறை அமைச்சர் கே.கே. ஷைலஜா கூறுகையில், ‘இது ஒரு கேலிக்கூத்தான செயல். உயிரைக்கொள்ளும் அந்த வைரஸ் தொடர்பாக அரசு தீவிரமாக கவனித்து நடவடிக்கை எடுத்துள்ளது” என்றார். பின்னர் பினராயி பேசும் போது, “தற்போதும் ‘நிபா’ வைரஸ் பாதிப்பு உள்ளதுதான். அதற்காக அரசு அனைத்து உரிய நடவடிக்கைகளும் எடுத்துள்ளது. சுகாதாரத்துறை முழுமையாக தலையிட்டு தீர்வு கண்டு வருகிறது. இந்நிலையில் எம்.எல்.ஏ முகமூடி அணிந்து வருவது, அவரை அவரே வேடிக்கையாக சித்தரிக்கும் செயல்” என்றார்.

எதிர்க்கட்சித் தலைவர் ரமேஷ் சென்னித்தலா கூறுகையில், “கோழிக்கோடு பகுதியில் அனைவருமே முகமூடி அணிந்து நடமாடுகின்றனர். அதனை எதிரோலியாகவே அப்துல்லா முகமூடி அணிந்து வந்துள்ளார்” என்றார். இதுதொடர்பாக அப்துல்லாவே கூறும்போது, “குட்டியாடி-பெரம்பரா சுற்றுவட்டாரப் பகுதிகளில் உள்ள ‘நிபா’ வைரஸ் பாதிப்பு நிலையை அரசின் கவனத்திற்கு கொண்டு வரவே நான் இப்படி செய்தேன்” என்றார். இருப்பினும் அவரது இந்தச் செயல் தொடர்பாக சபாநாயகர் பி.ஸ்ரீராமகிருஷ்ணன் விசாரணை நடத்தியுள்ளார். கடந்த மே 17ஆம் தேதி முதல் தற்போது வரை 16 பேர் கோழிக்கோடு மற்றும் மலப்புரம் மாவட்டங்களில் ‘நிபா’ வைரஸால் உயிரிழந்துள்ளனர். 

Advertisement:
இது தொடர்பான செய்திகள் :
Advertisement:
Advertisement:
[X] Close